စံးထီၣ်ပတြၢၤ 86:17 - Sgaw Karen Common Bible

¹⁷ ယွၤဧၢ, ဒုးနဲၣ်နတၢ်ဂ့ၤအတၢ်ပနီၣ်လၢယၤ ဒ်သိးပှၤလၢအသးဟ့ယၤတဖၣ်ကထံၣ်ဝဲ ဒီးကဘၣ်တၢ်မၤမဲာ်ဆှးအီၤ, မ့ၢ်လၢနမၤစၢၤတ့ၢ်လံယၤဒီး မၤမုာ်ထီၣ်က့ၤယၤအဃိန့ၣ်တက့ၢ်.

စံးထီၣ်ပတြၢၤ 86:17 Iomraidhean Croise

စံးထီၣ်ပတြၢၤ 109:29

မ်ယဒုၣ်ယဒါတဖၣ်ဘၣ်တၢ်ကျၢၢ်ဘၢအီၤလၢ တၢ်မၤမဲာ်ဆှးန့ၣ်တက့ၢ်. မ်အဝဲသ့ၣ်ကသိးထီၣ်အတၢ်မဲာ်ဆှး လီၤဂာ်ဒ်ဆ့ကၤတဘ့ၣ်အသိးန့ၣ်တက့ၢ်.

စံးထီၣ်ပတြၢၤ 40:1

ယအိၣ်ခိးကွၢ်လၢ်ယွၤအတၢ်မၤစၢၤလၢ တၢ်သးစူၤအပူၤလီၤ. အဝဲဒိကနၣ်ယၤဒီးနၢ်ဟူတ့ၢ်ယတၢ်ကိးထီၣ်န့ၣ်လီၤ.

စံးထီၣ်ပတြၢၤ 74:9

ပတထံၣ်ဘၣ်ပတၢ်ပနီၣ်စီဆှံတဖၣ်လၢၤဘၣ်, ဝံတအိၣ်လၢၤနီတဂၤဘၣ်, ဒီးတၢ်အံၤကယံာ်ဆံးယံာ်လဲၣ်န့ၣ် ပှၤလၢပကျါတသ့ၣ်ညါနီတဂၤဘၣ်.

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 38:22

ဒီးစီၤပၤဃံးစကံယၤစ့ၢ်ကီးသံကွၢ်တ့ၢ်ဝဲ, “လၢယကလဲၤထီၣ်ဆူယွၤအဟံၣ်အဂီၢ်, တၢ်ပနီၣ်မ့ၢ်တၢ်မနုၤလဲၣ်,” န့ၣ်လီၤ.

1 ကရံၣ်သူး 5:5

သုကဘၣ်ဟ့ၣ်လီၤကွံာ်ပှၤတဂၤအံၤဆူမုၣ်ကီၤလံၢ်အစုပူၤ, ဒ်သိးအနီၢ်ခိကဘၣ်တၢ်မၤဟးဂီၤကွံာ်အီၤ, ဒ်သိးအသးကဘၣ်တၢ်အုၣ်က့ၤခီၣ်က့ၤအီၤဖဲကစၢ်အမုၢ် တနံၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:17

စီၤကံးဒဧိၣ်စံးဝဲ, “နမ့ၢ်ဘၣ်သူၣ်ဘၣ်သးလၢယၤဒီးဟ့ၣ်ယၤ တၢ်အုၣ်သးတမံၤမံၤလၢနမ့ၢ်ယွၤနီၢ်နီၢ်တက့ၢ်.