စံးထီၣ်ပတြၢၤ 86:14 - Sgaw Karen Common Bible

¹⁴ ကစၢ်ယွၤဧၢ, ပှၤပာ်ထီၣ်ထီအသးသ့ၣ်တဖၣ်ဟဲထီဒါယၤ, ပှၤအၢပှၤသီတဖုဃုယသးသမူဒီး အဝဲသ့ၣ်တပာ်ကဲနၤဘၣ်.

စံးထီၣ်ပတြၢၤ 86:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:20

အန့ၣ်ဝံၤဒီး, စီၤအးဘၡါလိၣ်ဃၣ်ဃီၤအသးဆူ စီၤအဃံသဖ့ၤလးအအိၣ်ဒီးစံးဝဲဒၣ်, “ခဲကနံၣ်အံၤမ့ၢ်လၢပအိၣ်ဖဲအံၤလံအဃိ, နကဟ့ၣ်ကူၣ်ပှၤလၢပကဘၣ်မၤတၢ်မနုၤန့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

စံးထီၣ်ပတြၢၤ 10:11

အဝဲသ့ၣ်စံးဝဲလၢအသးကံၢ်ပူၤ, “ကစၢ်ယွၤသးပ့ၤနီၣ်လံတၢ်လံ. ပာ်တဒၢလံအမဲာ်လံ. တထံၣ်ယၤနီတစုဘၣ်.”

စံးထီၣ်ပတြၢၤ 10:13

ဘၣ်မနုၤပှၤတတီတလိၤကတိၤတရီတပါကစၢ်ယွၤ, ဒီးစံးဝဲလၢအသးကံၢ်ပူၤ, “ကစၢ်ယွၤတစံၣ်ညီၣ်ယၤဘၣ်” န့ၣ်လဲၣ်.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

စံးထီၣ်ပတြၢၤ 119:51

ပှၤပာ်ထီၣ်ထီအသးတဖၣ်န့ၣ်ဒုၣ်ဒွဲၣ်ယၤ နးမးတထံၣ်ဃီလီၤ. ဘၣ်ဆၣ်ယတဟးဖးဒီး နတၢ်သိၣ်တၢ်သီန့ၣ်ဘၣ်.

စံးထီၣ်ပတြၢၤ 119:69

ပှၤပာ်အသးထီၣ်ထီတဖၣ်န့ၣ်, ကူၣ်ထီၣ်ဖးလီၤတၢ်ကတိၤကဘျံးကဘျၣ် ထီဒါယၤလီၤ. ဘၣ်ဆၣ် ယစူၢ်နတၢ်သိၣ်တၢ် သီတဖၣ်လၢယသးဒီဖျၢၣ်ညါလီၤ.

စံးထီၣ်ပတြၢၤ 119:85

ပှၤပာ်ထီၣ်ထီအသးတဖၣ် ခူၣ်လီၤတၢ်ပူၤလၢယဂီၢ်လီၤ. အဝဲသ့ၣ်မ့ၢ်ပှၤလၢတဒိကနၣ် ယွၤအတၢ်သိၣ်တၢ်သီဘၣ်န့ၣ်လီၤ.

စံးထီၣ်ပတြၢၤ 14:4

ယွၤစံးဝဲဒၣ်, “မ့ၢ်အဝဲသ့ၣ်တသ့ၣ်ညါဘၣ်ဧါ. ကယဲၢ်ပှၤမၤတၢ်အၢခဲလၢာ်အံၤအသးတဆးဘၣ်ဧါ. အဝဲသ့ၣ်အိၣ်မူလၢတၢ်ဟုၣ်ယပှၤဂီၢ်မုၢ်အပူၤဒီး တဘါထုကဖၣ်တၢ်ဆူယၤနီတစုဘၣ်. ”

စံးထီၣ်ပတြၢၤ 140:5

ပှၤလၢအပာ်ထီၣ်ထီအသးတဖၣ် ပာ်လီၤပျံၤသကွီၤခူသူၣ်လၢယဂီၢ်, ဒီးဒါလီၤပှာ်ဧိၤစၤဧိၤလၢကျဲလိၤ, အဝဲသ့ၣ်ဆဲထီၣ်ထုလၢယဂီၢ်လီၤ. စ့လၤ

စံးထီၣ်ပတြၢၤ 36:1

တၢ်ဒဲးဘးကတိၤတၢ်ဒီး ပှၤတတီတလိၤတဖၣ် လၢအသးကံၢ်ပူၤလီၤ. တၢ်ပျံၤကစၢ်ယွၤတအိၣ်ဘၣ်လၢအမဲာ်ညါဘၣ်.

စံးထီၣ်ပတြၢၤ 36:11

တဘၣ်ပျဲပှၤပာ်ထီၣ်ထီအသးထီဒါယၤ, မ့တမ့ၢ်ပျဲပှၤတတီတလိၤဒုးဃ့ၢ်ကွံာ်ယၤန့ၣ်တဂ့ၤ.

စံးထီၣ်ပတြၢၤ 54:3

အဂ့ၢ်ဒ်အံၤ, ပှၤပာ်ထီၣ်ထီအသးတဖၣ် ဂဲၤဆၢထၢၣ်ထီဒါယၤ, ပှၤမၤတၢ်အၢတဖၣ်ဃုယသးလီၤ. အဝဲသ့ၣ်တပာ်ဘၣ်ကစၢ်ယွၤလၢအမဲာ်ညါဘၣ်. စ့လၤ

စံးထီၣ်ပတြၢၤ 54:5

အဝဲဟ့ၣ်ကၣ်တၢ်အၢလၢယဒုၣ်ယဒါတဖၣ်ဒီး ယွၤကမၤဟးဂီၤကွံာ်အဝဲသ့ၣ်လၢ အတၢ်သူၣ်တီသးလိၤအပူၤန့ၣ်လီၤ.

လံာ်ယဃ့းစက့လး 8:12

ကစၢ်ယွၤသံကွၢ်ယၤ, “ပှၤကညီလၢအသံသ့ဧၢ, မ့ၢ်နထံၣ်ဘၣ်တၢ်လၢ ပှၤအံၣ်စရ့လးဖိအခိၣ်အနၢ်တဖၣ်မၤဝဲလၢတၢ်ခူသူၣ်အပူၤန့ၣ်လံ ဧါ. အဝဲသ့ၣ်ခဲလၢာ်ဘူၣ်ထီၣ်ဘါထီၣ်တၢ်လၢဒၢးတဖျၢၣ်လၢအပှဲၤ ဒီးတၢ်ဂီၤတၢ်ဖီၣ်တဖၣ်အပူၤန့ၣ်လီၤ. အဝဲသ့ၣ်ကတိၤပူၤဖျဲး အသးစံးဝဲလၢ, ယွၤတထံၣ်ပှၤဘၣ်. အဝဲပာ်လီၤတဲာ်ကွံာ်ထံကီၢ်လံ.”

လံာ်ယဃ့းစက့လး 9:9

ကစၢ်ယွၤစံးဆၢတၢ်ဒီးစံးဝဲ, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်တဖၣ်မၤတၢ်ဒဲးဘးတဖၣ်လၢအလီၤပျံၤလီၤဖုးန့ၣ်လီၤ. အဝဲသ့ၣ်မၤသံတ့ၢ်တၢ်လၢထံကီၢ်ဒီဘ့ၣ်ညါဒီးမၤပှဲၤဝ့ၢ် ယရူၤၡလ့ၣ်ဒီးတၢ်မၤကမၣ်တၢ်သိၣ်တၢ်သီန့ၣ်လီၤ. အဝဲသ့ၣ်စံးဝဲလၢယၤ, ယွၤအံၤ, ပာ်လီၤတဲာ်ကွံာ်အဝဲသ့ၣ်အထံ အကီၢ်ဒီးလၢယတထံၣ်အဝဲသ့ၣ်ဘၣ်န့ၣ်လီၤ.