စံးထီၣ်ပတြၢၤ 86:11 - Sgaw Karen Common Bible

¹¹ ယွၤဧၢ, နဲၣ်လိယၤလၢနကျဲဒ်သိး ယကလဲၤတၢ်လၢနတၢ်မ့ၢ်တၢ်တီအပူၤ, ဒီးဟ့ၣ်ယၤတၢ်သးစၢၢ်ဆၢပံၢ်ကလာ် လၢယကပျံၤနမံၤအဂီၢ်တက့ၢ်.

စံးထီၣ်ပတြၢၤ 86:11 Iomraidhean Croise

လံာ်စီၤယိၤဘး 34:32

မ့ၢ်နဃ့တ့ၢ်ကစၢ်ယွၤလၢကဒုးနဲၣ်နၤနတၢ်ကမၣ်တဖၣ်ဒီးမ့ၢ် နအၢၣ်လီၤထွဲလၢနကဆိကတီၢ်တၢ်မၤတၢ်အၢန့ၣ်ဧါ.

စံးထီၣ်ပတြၢၤ 119:30

တၢ်အကလုၢ်တီအကျဲန့ၣ်ယဃုထၢတ့ၢ်လံ. နတၢ်စံၣ်ညီၣ်တဖၣ်န့ၣ် ယပာ်လီၤလၢယမဲာ်ညါလီၤ.

စံးထီၣ်ပတြၢၤ 119:33

ယွၤဧၢ, သိၣ်လိယၤလၢနတၢ်သိၣ်တၢ်သီ အကျဲန့ၣ်တက့ၢ်. ဒီးယကတိၢ်န့ၢ်ဖံးဃာ်အီၤတုၤအကတၢၢ်လီၤ.

စံးထီၣ်ပတြၢၤ 119:73

နတ့လီၤပာ်လီၤယၤဒီး ပၢၤဃာ်ယၤပူၤပူၤဖျဲးဖျဲးလီၤ. ဟ့ၣ်ယၤတၢ်နၢ်ပၢၢ်ဒ်သိး ယကမၤလိနတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 25:12

ပှၤလၢအစူၢ်ယွၤန့ၣ်, ကမၤလိန့ၢ်တၢ်လၢအီၤဘၣ်ဃး ကျဲလၢအဝဲသ့ၣ်ကြၢးပိာ်ထွဲဝဲဒၣ်န့ၣ်လီၤ.

စံးထီၣ်ပတြၢၤ 26:3

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤအိၣ်လၢယမဲာ်ညါ, ဒီးယလဲၤတၢ်လၢတၢ်သးတီဒီးနၤအပူၤလီၤ.

စံးထီၣ်ပတြၢၤ 27:11

ယွၤဧၢ, တၢ်လၢနဆၢလၢယကမၤန့ၣ်, သိၣ်လိယၤတက့ၢ်. ဒီးဆှၢယၤလၢကျဲအမုာ်အပၢၤအပူၤ, အဂ့ၢ်မ့ၢ်လၢယအိၣ်ဒီးဒုၣ်ဒါအါဂၤအဃိန့ၣ်လီၤ.

စံးထီၣ်ပတြၢၤ 5:8

ယွၤဧၢ, ဆှၢယၤလၢနကျဲမ့ၢ်ကျဲတီအပူၤ မ့ၢ်လၢယအိၣ်ဒီးယဒုၣ်ယဒါအါမးအဃိန့ၣ်တက့ၢ်. မၤလိၤမၤပျီနကျဲလၢယမဲာ်ညါတက့ၢ်.

လံာ်ဟိၤၡ့ 10:2

ပှၤဂီၢ်မုၢ်လၢအသးတဖၣ်ပှဲၤဒီးတၢ်လီတၢ်ဝ့ၤန့ၣ်ခဲအံၤကတူၢ်ဘၣ် တၢ်လၢအဝဲသ့ၣ်အတၢ်ဒဲးဘးအဃိန့ၣ်လီၤ. ကစၢ်ယွၤကမၤလီၤပှီၢ်အဝဲသ့ၣ်တဖၣ်အတၢ်လုၢ်လီၢ်တဖၣ်ဒီးမၤဟး ဂီၤကွံာ်အဝဲသ့ၣ်အလၢၢ်ထူၣ်စီဆှံတဖၣ်န့ၣ်လီၤ.

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်စဖါနယၤ 1:5

ယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအလဲၤ ထီၣ်ဆူဟံၣ်ခိၣ်ဒီးဘူၣ်ထီၣ်ဘါထီၣ်မုၢ်, လါဒီးဆၣ်တဖၣ်န့ၣ်လီၤ. ယကမၤဟးဂီၤကွံာ်စ့ၢ်ကီးပှၤလၢအဘူၣ်ထီၣ်ဘါထီၣ်ယၤဒီးပှၤ တဖၣ်လၢအအၢၣ်လီၤအီလီၤအသးလၢကတီဒီးယၤဘၣ်ဆၣ်ဒီး မၤတၢ်ဆိၣ်လီၤအသးတဖၣ်လၢကစၢ်မိလးအမံၤအပူၤန့ၣ်လီၤ.

လံာ်မၤလကံ 2:6

အဝဲသ့ၣ်သိၣ်လိတၢ်လၢအဘၣ်ဒီးတမ့ၢ်တၢ်လၢအကမၣ်ဘၣ်. အဝဲသ့ၣ်အိၣ်မူဃူလိာ်ဖိးလိာ်အသးဒီးယၤဒီး, တမ့ၢ်ထဲအဝဲ သ့ၣ်အကစၢ်ဒၣ်ဝဲမၤတၢ်အဘၣ်ဧိၤန့ၣ်ဘၣ်, မ့မ့ၢ်အဝဲသ့ၣ်မၤစၢၤစ့ၢ်ကီးပှၤအါဂၤဒ်သိးကဆိကတီၢ်အတၢ်မၤ တၢ်အၢန့ၣ်လီၤ.

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

1 ကရံၣ်သူး 10:21

သုကအီတၢ်လၢကစၢ်အလီခီပူၤဝံၤသုကအီတၢ်လၢတၢ်နါ အလီခီပူၤတသ့ဘၣ်. သုကအီၣ်သကိးတၢ်ဒီးကစၢ်ဝံၤသုကအီၣ်သကိးတၢ်ဒီးတၢ်နါ တသ့ဘၣ်.

1 ကရံၣ်သူး 6:17

မ့မ့ၢ်ပှၤတဂၤလၢအပာ်ဖှိၣ်ဃုာ်အသးဒီးကစၢ်န့ၣ်, ကဲထီၣ်ပှၤတဂၤဃီဒီးအီၤလၢသူၣ်လၢသးတကပၤလီၤ.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

အ့းဖ့းစူး 4:21

သုနၢ်ဟူတ့ၢ်လံဒီးဒ်အပျဲၢ်အဘီၣ်တဖၣ်အသိးသုဘၣ် တၢ်သိၣ်လိသီလိတ့ၢ်သုလၢတၢ်မ့ၢ်တၢ်တီလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.

ကလီးစဲ 3:17

ကယဲၢ်သုမၤတၢ်တမံၤလၢ်လၢ်န့ၣ်, လၢတၢ်ကတိၤမ့ၢ်ဂ့ၤ, တၢ်ဖံးတၢ်မၤမ့ၢ်ဂ့ၤ, မၤတၢ်ကိးမံၤဒဲးလၢကစၢ်ယ့ၣ်ၡူးအမံၤ အပူၤ, အိၣ်ဒီးတၢ်စံးထီၣ်ပတြၢၤပၢ်ယွၤခီဖျိအီၤတက့ၢ်.

၂ ယိၤဟၣ် 1:4

ယသးခုယဲဒိၣ်မးလၢယထံၣ်ဘၣ်နဖိနလံၤတနီၤအိၣ်မူ ဝဲဒၣ်လၢတၢ်မ့ၢ်တၢ်တီအပူၤဒ်ပၢ်မၤလိာ်တ့ၢ်ပှၤအသိး အဃိန့ၣ်လီၤ.