စံးထီၣ်ပတြၢၤ 86:10 - Sgaw Karen Common Bible

¹⁰ အဂ့ၢ်ဒ်အံၤ, နမ့ၢ်တၢ်အဒိၣ်, ဒီးမၤတၢ်လီၤလးတဖၣ်လီၤ. ထဲနၤတဂၤဧိၤန့ၣ် မ့ၢ်ကစၢ်ယွၤလီၤ.

စံးထီၣ်ပတြၢၤ 86:10 Iomraidhean Croise

လံာ်စီၤယိၤဘး 11:7

မ့ၢ်နဃုထံၣ်သ့ၣ်ညါသ့တၢ်လၢာ်ကစၢ်ယွၤအတၢ်ဒိၣ်ဝဲထီဝဲ ဒီးအစိအကမီၤဘၣ်ကသ့ဧါ.

စံးထီၣ်ပတြၢၤ 72:18

စံးထီၣ်ပတြၢၤယွၤ, အံၣ်စရ့လးအကစၢ်ယွၤ လၢအမၤတၢ်လီၤလးထဲတဂၤဧိၤန့ၣ်တက့ၢ်.

စံးထီၣ်ပတြၢၤ 86:8

ယွၤဧၢ, လၢကစၢ်တဖၣ်အကျါန့ၣ် ပှၤဒ်သိးဒီးနၤတအိၣ်နီတဂၤဘၣ်. ပှၤတမၤတ့ၢ်တၢ်ဒ်နမၤတ့ၢ်အသိးနီတဂၤဘၣ်.

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

လံာ်ယၡါယၤ 37:16

“ယွၤစိဒိၣ်ကမီၤဒိၣ်, အံၣ်စရ့လးအကစၢ်ယွၤ, လၢအအိၣ်လၢလီၢ်ပစိာ်ထီၣ်ထီလၢခ့ရူာ်တဖၣ်အဖီခိၣ်တဂၤဧၢ, နမ့ၢ်ကစၢ်ယွၤထဲတဂၤဧိၤလၢအပၢဟီၣ်ခိၣ်ဘီမုၢ်တဖၣ်လီၤ. နတ့လီၤတ့ၢ်ဟီၣ်ခိၣ်ဒီးမူကပိာ်လိၤလီၤ.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 45:5

ယမ့ၢ်ယွၤဒီးကစၢ်အဂၤတအိၣ်ဘၣ်. နတသ့ၣ်ညါယၤဘၣ်ဆၣ်ဒီး, ယကဟ့ၣ်နၤတၢ်ဂံၢ်တၢ်ဘါလၢနလိၣ်ဘၣ်အီၤလီၤ.

လံာ်မၢ်ကူး 12:29

ယ့ၣ်ၡူးစံးဆၢက့ၤအီၤ, “တၢ်မၤလိာ်အဒိၣ်ကတၢၢ်မ့ၢ်အအံၤ, ‘ကနၣ်တက့ၢ်. သုဝဲပှၤအံၣ်စရ့လးဖိသ့ၣ်ဧၢ, ကစၢ်လၢအမ့ၢ်ပယွၤန့ၣ်မ့ၢ်ကစၢ်ထဲတဂၤဧိၤလီၤ.

မၤတၢ် 4:30

ယူာ်ထီၣ်နစုလၢတၢ်မၤဘျါက့ၤတၢ်အဂီၢ်, ဒီးလၢတၢ်မၤတၢ်လီၤလးဒီးတၢ်ပနီၣ်လီၤလးတဖၣ်အဂီၢ်, ခီဖျိနခ့နပှၤစီဆှံယ့ၣ်ၡူးအမံၤန့ၣ်တက့ၢ်.”

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

အ့းဖ့းစူး 4:6

ပှၤဟီၣ်ခိၣ်ဖိခဲလၢာ်အပၢ်ကစၢ်ယွၤအိၣ်တဂၤဧိၤလၢအကဲ ကစၢ်လၢတၢ်ခဲလၢာ်အဖီခိၣ်ဒီးလၢအမၤတၢ်ခီဖျိပှၤခဲလၢာ် ဒီးအိၣ်လၢပှၤခဲလၢာ်အပူၤလီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.