စံးထီၣ်ပတြၢၤ 85:9 - Sgaw Karen Common Bible

⁹ မ့ၢ်မးအတၢ်အုၣ်က့ၤခီၣ်က့ၤန့ၣ် အိၣ်ဘူးဒီးပှၤလၢအပျံၤအီၤ, ဒ်သိးတၢ်လၤတၢ်ကပီၤကအိၣ်ကဆိးလၢ ပကီၢ်အပူၤန့ၣ်လီၤ.

စံးထီၣ်ပတြၢၤ 85:9 Iomraidhean Croise

စံးထီၣ်ပတြၢၤ 119:155

တၢ်အုၣ်က့ၤခီၣ်က့ၤန့ၣ်အိၣ်ယံၤဝဲဒီး ပှၤတတီတလိၤတဖၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ် တဃုနတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 50:23

ပှၤလၢအဟဲစိာ်တၢ်စံးဘျုးစံးဖှိၣ်ဒ်တၢ်လုၢ်အသိးန့ၣ် မၤလၤကပီၤယၤလီၤ. ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢ ယတၢ်အုၣ်က့ၤခီၣ်က့ၤလီၤ.”

လံာ်ယၡါယၤ 4:5

ဝံၤဒီးလၢကစၢၢ်စံယိၣ်အဖီခိၣ်ဒီးလၢပှၤလၢအပာ်ဖှိၣ်အသးဖဲ န့ၣ်ခဲလၢာ်အဖီခိၣ်န့ၣ်, ယွၤကဆှၢလီၤတၢ်အၢၣ်လၢမုၢ်ဆါ ဒီးမ့ၣ်အူလုၣ်ဒီးမ့ၣ်လၣ်ကဲၤကပီၤလၢမုၢ်နၤလီၤ. ယွၤအလၤကပီၤကကးဘၢဒီးဒီဒၣ်အိၣ်ပှိၤဝ့ၢ်ဒီဝ့ၢ်လီၤ.

လံာ်ယၡါယၤ 46:13

တၢ်မၤနၢၤအမုၢ်နံၤအံၤယဟဲစိာ်ဘူးထီၣ်အီၤလံ. တအိၣ်ယံၤလၢၤဘၣ်. ယတၢ်မၤနၢၤအံၤတၢ်တမၤယံာ်လၢၤဘၣ်အီၤဘၣ်, ယကအုၣ်က့ၤခီၣ်က့ၤဝ့ၢ်ယရူၤၡလ့ၣ်ဒီးဟဲစိာ်တၢ်လၤတၢ်ကပီၤလၢ ကီၢ်အံၣ်စရ့လးအဂီၢ်ဖဲန့ၣ်လီၤ.

လံာ်ယံးရမံယၤ 23:35

လၢတၢ်န့ၣ်အလီၢ်, ပှၤတဂၤဒီးတဂၤကြၢးသံကွၢ်ဒၣ် အတံၤသကိးတဖၣ်ဒီးအဘူးအတံၢ်တဖၣ်လၢ, ‘ယွၤဟ့ၣ်တၢ်စံးဆၢမနုၤလဲၣ်. ယွၤစံးတ့ၢ်တၢ်မနုၤလဲၣ်’ န့ၣ်လီၤ.

လံာ်ယံးရမံယၤ 23:37

စီၤယံးရမံယၤဧၢ, သံကွၢ်ဝံတဖၣ်, ယွၤဟ့ၣ်တ့ၢ်သုတၢ်စံးဆၢမနုၤလဲၣ်. ယွၤစံးတ့ၢ်တၢ်မနုၤလဲၣ်.

လံာ်ယံးရမံယၤ 29:11

ယအိၣ်ဒီး ယတၢ်ကူၣ်ကျဲၤတဖၣ်လၢ သုဂီၢ်ဒီး ပှၤသ့ၣ်ညါဒၣ်ထဲ ယၤတဂၤဧိၤန့ၣ်လီၤ. မ့ၢ်တၢ်ကူၣ်ကျဲၤတဖၣ်လၢ ကဟဲစိာ်န့ၢ် သုတၢ်ဘီၣ်ထီၣ်ညီထီၣ်ဒီး တမ့ၢ်ဘၣ်တၢ်တတၢးတနါန့ၣ်ဘၣ်. မ့ၢ်တၢ်ကူၣ်ကျဲၤတဖၣ်လၢကဟဲစိာ်ခါဆူညါအတၢ်မုၢ်လၢ်လၢ သုဂီၢ်န့ၣ်လီၤ.

လံာ်ယဃ့းစက့လး 26:20

ယကဆှၢလီၤနၤဆူပှၤသံတဖၣ် အကီၢ်ပူၤလၢနကလဲၤအိၣ်ဆိးဃုာ်ဒီးပှၤလၢအအိၣ်တ့ၢ်လၢ ပျၢၤတဖၣ်န့ၣ်လီၤ. ယကဒုးလဲၤအိၣ်နၤလၢ ဟီၣ်ခိၣ်အဖီလာ်လၢတၢ်ဟးဂီၤလီၤထူလီၤယိာ်အကျါ, လဲၤအိၣ်ဆိးဃုာ်ဒီးပှၤသံတဖၣ်န့ၣ်လီၤ. လၢတၢ်န့ၣ်အဃိ နကဲထီၣ်က့ၤကဒါတၢ်အိၣ်တၢ်ဆိးအလီၢ်ဒီးဟံးန့ၢ်နလီၢ်လၢ ပှၤအမူအကီၢ်ပူၤ, တသ့နီတစုလၢၤဘၣ်.

လံာ်ယဃ့းစက့လး 3:10

ကစၢ်ယွၤကတိၤဒံးတၢ်ဆူညါဒီး စံးဝဲ, “ပှၤကညီလၢအသံသ့ဧၢ, ပာ်သူၣ်ပာ်သး လီၤတံၢ်လီၤဆဲး သ့ၣ်နီၣ်ထီၣ်တၢ်ကိးမံၤဒဲးလၢ ယတဲဘၣ်နၤန့ၣ်တက့ၢ်.

လံာ်ဃဘးကူာ် 2:1

ယကလဲၤထီၣ်ဆူယခိးကွၢ်တၢ်အလီၢ်ဒီးအိၣ်ခိးဒ်သိး ယကထံၣ်ဘၣ်တၢ်လၢယွၤကစံးဘၣ်ယၤတၢ်လၢယကဘၣ်တဲ, ဒီးတၢ်စံးဆၢလၢအကဟ့ၣ်ယၤဘၣ်ဃးဒီးယတၢ်ကဒူး ကဒ့ၣ်န့ၣ်လီၤ.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်စကၤရယၤ 2:8

ပှၤတဂၤဂ့ၤတဂၤဂ့ၤလၢအတီၢ်သုန့ၣ်မ့ၢ်အတီၢ်တၢ်လၢ အလုၢ်ဒိၣ်ပှ့ၤဒိၣ်ကတၢၢ်လၢယဂီၢ်န့ၣ်လီၤ.” လၢတၢ်န့ၣ်အဃိယွၤသ့တၢ်လၢာ်မၢလီၤ ယၤအိၣ်ဒီးတၢ်ကစီၣ်အံၤလၢပှၤကလုာ်တဖၣ်လၢအဂုာ်ဆူၣ် ပျီဆူၣ်အပှၤဂီၢ်မုၢ်အဂီၢ်ဒ်အံၤ,

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

မၤတၢ် 13:16

သတးဒီးစီၤပီလူးဂဲၤဆၢထၢၣ်, ဒုးနဲၣ်အစုဒီးစးထီၣ်ကတိၤတၢ်လီၤ. “ဒီပုၢ်ဝဲၢ်ပှၤအံၣ်စရ့လးဖိဒီးပှၤကလုာ်ဂၤဖဲအံၤခဲလၢာ်လၢ အဘူၣ်ထီၣ်ဘါထီၣ်ကစၢ်ယွၤသ့ၣ်သုဧၢ, ဒိကနၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 3:9

မၤသးဒ်န့ၣ်ဒီးစီၤဧ့လံၤစံးဘၣ်အီၤ, “က့ၤမံတက့ၢ်. ဒီးအဝဲမ့ၢ်ကိးထီၣ်ကဒီးနၤန့ၣ်, စံး, ယွၤဧၢ, ကတိၤတၢ်တက့ၢ်. နခ့နပှၤဒိကနၣ်တၢ်လီၤ.” မၤသးဒ်န့ၣ်ဒီးစီၤၡမူၤအ့လးက့ၤမံဝဲလီၤ.