စံးထီၣ်ပတြၢၤ 85:6 - Sgaw Karen Common Bible

⁶ မၤဆူၣ်ထီၣ်က့ၤကဒီးပှၤ ဒီးပဝဲဒၣ်နပှၤဂီၢ်မုၢ်ကစံးထီၣ်ပတြၢၤနၤလီၤ.

စံးထီၣ်ပတြၢၤ 85:6 Iomraidhean Croise

စံးထီၣ်ပတြၢၤ 138:7

တုၤယလဲၤလၢတၢ်နးတၢ်ဖှီၣ်အပူၤန့ၣ်ဒီး, နပာ်ကီၤယသးသမူ, နယူာ်ထီၣ်နစုထီဒါယဒုၣ်ယဒါအတၢ်သးထီၣ် ဒီးနစုထွဲမၤပူၤဖျဲးယၤလီၤ.

စံးထီၣ်ပတြၢၤ 149:2

မ်အံၣ်စရ့လးသးခုလၢကစၢ်လၢအတ့လီၤအီၤ အပူၤန့ၣ်တက့ၢ်. မ်ပှၤစံယိၣ်ဖိအသူၣ်ဖှံသးညီလၢ အစီၤပၤအပူၤတက့ၢ်.

စံးထီၣ်ပတြၢၤ 53:6

မ်တၢ်မၤပူၤဖျဲးအလီၢ်လၢအံၣ်စရ့လးအဂီၢ်အံၤ ကဟဲလၢစံယိၣ်တက့ၢ်. တုၤကစၢ်ယွၤဒုးဟဲက့ၤအပှၤဂီၢ်မုၢ်လၢ တၢ်စိာ်မၢကဲကုၢ်အလီၢ်န့ၣ်ဒီး ယၤကိာ်ကသူၣ်ဖှံသးညီဒီး အံၣ်စရ့လးကသူၣ်ခုသးခုဝဲဒၣ်န့ၣ်လီၤ.

စံးထီၣ်ပတြၢၤ 71:20

နမ့ၢ်ပှၤလၢအဒုးထံၣ်တ့ၢ်လံယၤလၢ တၢ်ကိၢ်တၢ်ဂီၤအဒိၣ် ဘၣ်ဆၣ်နကမၤဆူၣ်ထီၣ်ကဒီးယၤလီၤ. လၢဟီၣ်ခိၣ်အတၢ်ယိာ်တဖၣ်အပူၤန့ၣ် နကဒုးဟဲက့ၤထီၣ်ကဒီးယၤလီၤ.

စံးထီၣ်ပတြၢၤ 74:1

ကစၢ်ယွၤဧၢ, ဘၣ်မနုၤလၢနညိကွံာ်ပှၤ လီၤထူလီၤယိာ်န့ၣ်လဲၣ်. ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ နတၢ်အီၣ်ဆၣ်အလီၢ်အသိတဖုန့ၣ်လဲၣ်.

စံးထီၣ်ပတြၢၤ 77:8

ဆိကတီၢ်တ့ၢ်လံအတၢ်အဲၣ်ပှၤန့ၣ်ဧါ. မ့ၢ်အတၢ်အၢၣ်လီၤတဖၣ်တအိၣ်နီတဘျီ လၢၤဘၣ်န့ၣ်ဧါ.

စံးထီၣ်ပတြၢၤ 80:18

ပတဃၣ်ကွံာ်ပသးလၢနၤနီတဘျီလၢၤဘၣ်. ပာ်မူပှၤဒီးပကစံးထီၣ်ပတြၢၤနၤလီၤ.

စံးထီၣ်ပတြၢၤ 90:14

မၤပှဲၤပှၤလၢနတၢ်အဲၣ်ဂၢၢ်ကျၢၤကိးမုၢ်ဂီၤဒဲး, ဒ်သိးပကသးဝံၣ်ထီၣ်တၢ်ဒီးသးခုလၢ ပတၢ်အိၣ်မူတစိၤဒၣ်ပှၤန့ၣ်တက့ၢ်.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယံးရမံယၤ 3:5

တမ့ၢ်နကသးဒိၣ်ယၤထီဘိတထံၣ်ဃီဘၣ်. တမ့ၢ်နကသးဖျိးယၤ လီၤထူလီၤယိာ်ဘၣ်.’ ကီၢ်အံၣ်စရ့လးဧၢ, နစံးတ့ၢ်ယၤတၢ်ဒ်န့ၣ်, ဘၣ်ဆၣ်ဒီးနမၤတ့ၢ်တၢ်အၢလၢနမၤသ့ခဲလၢာ်န့ၣ်လီၤ.”

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဟိၤၡ့ 6:2

လၢခံနံၤမ့ၢ်ဂ့ၤ, သၢနံၤမ့ၢ်ဂ့ၤ, အဝဲကမၤမူထီၣ်က့ၤပှၤဒီး ပကအိၣ်ဆိးလၢအဝဲအမဲာ်ညါန့ၣ်လီၤ.

လံာ်ဃဘးကူာ် 3:2

ယွၤဧၢ, ယနၢ်ဟူတ့ၢ်လံတၢ်လၢနမၤတ့ၢ်ဝဲ, ဒီးယသးပှဲၤဒီးတၢ်ကမၢကမၣ်ဖးဒိၣ်လၢတၢ်ယူးယီၣ်ပာ်ကဲ အပူၤန့ၣ်လီၤ. ခဲကနံၣ်အံၤ, တၢ်မၤဖးဒိၣ်တဖၣ်လၢနညီနုၢ်မၤအီၤန့ၣ်, မၤကဒီးလၢပစိၤပကတီၢ်တဖၣ်အပူၤတက့ၢ်. ဖဲနသးဒိၣ်အခါဒၣ်လဲာ်, သူၣ်ကညီၤသးကညီၤဒံးတၢ်တက့ၢ်.