စံးထီၣ်ပတြၢၤ 84:3 - Sgaw Karen Common Bible

³ ယွၤ, သ့တၢ်လၢာ်ကစၢ်, ယစီၤပၤဒီးယကစၢ်ယွၤဧၢ, မ့ၢ်မးထိၣ်ဖှံးဖိတဖၣ်ဘှီထီၣ်အဟံၣ်ဒီး ထိၣ်ဘျ့ၣ်ဘျီၣ်တဖၣ်အိၣ်ဒီးအသွံလၢအဂီၢ်ဒၣ်ဝဲ လၢအကပာ်လီၤအဖိလၢ လၢတၢ်လုၢ်လီၢ်တဖၣ်အကပၤဒၣ်လဲာ်လီၤ.

စံးထီၣ်ပတြၢၤ 84:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:25

တုၤနုၤတစု, စီၤပၤစံးဘၣ်စီၤစၤဒိး, “က့ၤစိာ်ကဒါက့ၤ ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ပူၤတက့ၢ်. ယွၤမ့ၢ်ဘၣ်သူၣ်ဘၣ်သးလၢယၤဒီး, မုၢ်တနံၤန့ၣ်အဝဲကပျဲ ယဟဲက့ၤကဒါက့ၤလၢယကထံၣ်ဘၣ်အီၤဃုာ်ဒီးတၢ်လီၢ်ဖဲတၢ်ပာ်အီၤ န့ၣ်လီၤ.

စံးထီၣ်ပတြၢၤ 116:7

ယသးဧၢ, သးဒ့ဒီတဂ့ၤ အဂ့ၢ်ဒ်အံၤယွၤမၤဂ့ၤတ့ၢ်လံနၤလံ.

စံးထီၣ်ပတြၢၤ 42:3

ဖဲယဒုၣ်ယဒါတဖၣ်သံကွၢ်ယၤတထံၣ်ဃီလၢ “နကစၢ်ယွၤအိၣ်ဖဲလဲၣ်” န့ၣ်ဒီး, ယမဲာ်ထံမဲာ်နိမ့ၢ်ယတၢ်အီၣ်လၢ မုၢ်ဆါဆဲးလၢမုၢ်နၤန့ၣ်လီၤ.

စံးထီၣ်ပတြၢၤ 43:4

အန့ၣ်ဒီးကစၢ်ယွၤဧၢ, ယကလဲၤဆူနတၢ်လုၢ်လီၢ်, ဆူယွၤလၢအမ့ၢ်ယတၢ်သးခုအဂံၢ်ထံး အအိၣ်န့ၣ်လီၤ. ကစၢ်ယွၤ, ယကစၢ်ယွၤဧၢ, ယကဒ့တနၢ်ဒီးသးဝံၣ်စံးထီၣ်ပတြၢၤနၤလီၤ.

စံးထီၣ်ပတြၢၤ 5:2

ကနၣ်ယတၢ်ကိးထီၣ်လၢတၢ်မၤစၢၤအဂီၢ်, ယကစၢ်ယွၤဒီးယစီၤပၤဧၢ, အဂ့ၢ်ဒ်အံၤ, ယဃ့ဘါထုကဖၣ်တၢ်လၢနၤလီၤ.

စံးထီၣ်ပတြၢၤ 90:1

ယွၤဧၢ, နမ့ၢ်တ့ၢ်နဲပတၢ်အိၣ်တၢ်ဆိးအလီၢ် အစိၤစိၤအဃၣ်ဃၣ်လီၤ.

စံးထီၣ်ပတြၢၤ 91:1

ပှၤလၢအအိၣ်ဝဲဆိးဝဲလၢ တၢ်ထီကတၢၢ်တဂၤအလီၢ်တဒၢ, ဒီးအိၣ်ဝဲလၢတၢ်သ့တၢ်လၢာ်အကဒုပူၤန့ၣ်,

လံာ်ယဃ့းစက့လး 24:21

ယကဟ့ၣ်လီၤတၢ်ကစီၣ်အံၤဆူသုဝဲပှၤအံၣ်စရ့လးဖိတဖၣ် အအိၣ်န့ၣ်လီၤ. သုပာ်ထီၣ်ထီသုသးလၢယွၤအတၢ်လုၢ်ဟံၣ်အတၢ်ဂံၢ်တၢ်ဘါ အဃိလီၤ. သုအဲၣ်ဒိးကွၢ်ဃီၤအီၤဒီးလဲၤဆူအအိၣ်, ဘၣ်ဆၣ်ယွၤကမၤဘၣ်အၢကွံာ်အီၤန့ၣ်လီၤ. ဒီးသုပှၤဟံၣ်ဖိလၢ အသးစၢ်တဖၣ်လၢအအိၣ်လီၤတဲာ်လၢဝ့ၢ်ယရူၤၡလ့ၣ်အပူၤန့ၣ် ကဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

လံာ်မးသဲ 8:20

ယ့ၣ်ၡူးစံးဆၢအီၤဒီးစံး, “ထွံၣ်မံၤတဖၣ်အိၣ်ဒီးအပူၤဒီးထိၣ်လၢတၢ်ဖးဖီတဖၣ်အိၣ်ဒီးအသွံတဖၣ်လီၤ. ဘၣ်ဆၣ်ဒီးပှၤကညီဖိခွါအံၤထဲအကပာ်လီၤအခိၣ်ဒၣ်လဲာ်တၢ်လီၢ် တအိၣ်ဘၣ်.”