စံးထီၣ်ပတြၢၤ 83:9 - Sgaw Karen Common Bible

⁹ မၤအဝဲသ့ၣ်ဒ်နမၤပှၤမံးဒယၣ်ဖိအသိး, ဒီးဒ်စီၤစံစရၤ, ဒီးစီၤယၤဘံၣ်လၢထံကျိကံၡိၣ် အသိးန့ၣ်တက့ၢ်.

စံးထီၣ်ပတြၢၤ 83:9 Iomraidhean Croise

လံာ်တၢ်ကဲထီၣ်အခီၣ်ထံး 19:37

အဖိမုၣ်အဒိၣ်တဂၤဆံးစၢ်န့ၢ်အဖိခွါတဂၤဒီးယုၢ်ဝဲအမံၤလၢ စီၤမိၤအးန့ၣ်လီၤ. အဝဲမ့ၢ်ပှၤမိၤအးဖိတဖၣ်လၢမုၢ်မဆါတနံၤအံၤအမိၢ်ပၢ်ဖံဖုလၢပျၢၤ တဖၣ်အပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 19:38

အဖိမုၣ်အဆံးတဂၤဆံးစၢ်န့ၢ်အဖိခွါတဂၤဒီးယုၢ်ဝဲအမံၤလၢ စီၤဘ့ၣ်ဧၣ်မံလီၤ. အဝဲဒၣ်မ့ၢ်ပှၤဧၣ်မိၣ်ဖိလၢမုၢ်မဆါတမံၤအံၤအမိၢ်ပၢ်ဖံဖုလၢ ပျၢၤအပၢ်န့ၣ်လီၤ.

လံာ်ယၡါယၤ 10:26

ယၤ, ယွၤသ့တၢ်လၢာ်ကစၢ်အံၤ, ယကတီၢ်အဝဲသ့ၣ်လၢ ယနီၣ်ဖျ့ဒ်ယတီၢ်ပှၤမံးဒယၣ်ဖိတဖၣ်ဖဲလၢၢ်ဧိရ့ာ်အသိးန့ၣ်လီၤ. ယကစံၣ်ညီၣ်ကီၢ်အၤၡူၢ်ဒ်ယစံၣ်ညီၣ်ကီၢ်အဲၤကူပတူးအသိးလီၤ.

လံာ်ယၡါယၤ 9:4

အဂ့ၢ်ဒ်အံၤ, နမၤကၢ်တ့ၢ်နီၣ်ယိးဘိလၢအမၤဃၢမၤစံာ်အီၤ ဒီးနီၣ်တီၢ်လၢအတီၢ်အဝဲသ့ၣ်အဖံဘၣ်ခိၣ် တဖၣ်န့ၣ်လီၤ. နမၤနၢၤကွံာ်ပှၤကလုာ်လၢအမၤအၢမၤ နးဒီးဃုအဘျုးလၢနပှၤဂီၢ်မုၢ်အဖီခိၣ်, ဒ်နမၤနၢၤကွံာ်ကီၢ်မံးဒယၣ်အသုးမုၢ်လၢပျၢၤ အသိးန့ၣ်လီၤ.

လံာ်ပှၤစံၣ်ညီၣ်ကွီၢ် 4:7

ဒီးယကဒုးဟဲစီၤပၤယၤဘံၣ်အသုးမုၢ်အသုးခိၣ်ဖးဒိၣ်စီၤစံစရၤ လၢကဒုးတၢ်ဒီးနၤဖဲထံကျိကံၡိၣ်န့ၣ်လီၤ. အဝဲအိၣ်ဒီးလ့ၣ်ကဟၣ်ဒုးသုးဒီးပှၤသုးဖိတဖၣ်လီၤ. ဘၣ်ဆၣ်ဒီးယကဟ့ၣ်နၤလၢတၢ်မၤနၢၤကွံာ်အီၤန့ၣ်လီၤ.”

လံာ်ပှၤစံၣ်ညီၣ်ကွီၢ် 5:21

ထံကျိကံၡိၣ်အထံဒိၣ်န့ၣ်မၤလီၤထွံကွံာ်အဝဲသ့ၣ်, ထံကျိကံၡိၣ်လၢအယွၤလီၤဆူၣ်ဆူၣ်န့ၣ်လီၤ. ယကထီၣ်, လဲၤထီၣ်ဆူညါ, အိၣ်ဒီးတၢ်ဂံၢ်တၢ်ဘါလီၤ.