စံးထီၣ်ပတြၢၤ 83:7 - Sgaw Karen Common Bible

⁷ ကံးဘလး, ဧၣ်မိၣ်, ဒီးဧမၤလ့းအပှၤဂီၢ်မုၢ်, ပှၤဖလ့ၡသးဖိဒီးပှၤစိၢ်ဖိ,

စံးထီၣ်ပတြၢၤ 83:7 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 5:10

လၢစီၤပၤစီၤစီၤလူးပၢတၢ်အစိၤန့ၣ်စီၤရူၤဘ့ၣ်အဒူၣ်ဒုးတၢ် ဒီးပှၤဟၤကၢ်ဖိဒီးမၤသံအဝဲသ့ၣ်လၢတၢ်ဒုးအပူၤဒီးဟံးန့ၢ် ကွံာ်အဝဲသ့ၣ်အထံအကီၢ်လၢကီၢ်ကံးလဧးအမုၢ်ထီၣ်တကပၤန့ၣ်လီၤ.

လံာ်ယဃ့းစက့လး 27:3

ဝ့ၢ်လၢအအိၣ်သူၣ်လီၤအသးလၢ ပီၣ်လဲၣ်အသရ့ၤဒီးမၤပနံၣ်တၢ်ကၤ အတၢ်မၤဒီး ပှၤဂီၢ်မုၢ်လၢအအိၣ်ဆိးလၢ ကယဲၢ်ပီၣ်လဲၣ်နံၤခဲလၢာ် န့ၣ်တက့ၢ်. တဲဘၣ်အီၤလၢယွၤ, ပၢဘၣ်တၢ်ခဲလၢာ်ကစၢ်စံးတၢ်အံၤ တက့ၢ်. ဝ့ၢ်ထါယၢၣ်ဧၢ, နပာ်ကဖၢလၢနသးလၢနတၢ်ဃံတုာ်လၤတုာ်အဃိန့ၣ်လီၤ.

လံာ်ယဃ့းစက့လး 27:9

ကဘီအပှၤစုသ့ဖိတဖၣ် မ့ၢ်ပှၤတဖၣ်လၢ အဘၣ်တၢ်သိၣ်လိန့ၢ်အီၤ ဂ့ၤဂ့ၤလၢ ဝ့ၢ်ကံးဘလးန့ၣ်လီၤ. ပှၤကဘီဖိတဖၣ်လၢကယဲၢ် ကဘီလၢ အလဲၤတၢ်လၢပီၣ်လဲၣ်အပူၤန့ၣ်, မၤပနံၣ်တၢ်ကၤတၢ် အတၢ်မၤလၢနကျးတဖၣ် အပူၤန့ၣ်လီၤ.

လံာ်ဧၤမိၣ် 1:9

ဒီးယွၤစံးဝဲဒၣ်, “ပှၤဝ့ၢ်ထါယၢၣ်ဖိတဖၣ်မၤတ့ၢ်လံတၢ်ဒဲး ဘးတဘျီဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ် ကတၢၢ်န့ၣ်လီၤ. အဝဲသ့ၣ်စိာ်မၢကဲကုၢ်ကွံာ်ပှၤကီၢ်ဖိဒီတကီၢ် ညါဒ်ကုၢ်အသိးဆူကီၢ်အဒိၣ်အပူၤ, ဒီးတဟံးဃာ်ဘၣ်တၢ်ရ့တံၤရ့သကိးအတၢ်အၢၣ်လီၤလၢအမၤတ့ၢ်ဝဲ န့ၣ်ဘၣ်.

လံာ်စီၤယိၤၡူ 13:5

ဒီးပှၤကံးဘလးဖိအကီၢ်, ကီၢ်လဘၤနိၣ်ဒီဘ့ၣ်တုၤလၢမုၢ်ထီၣ်, စးထီၣ်လၢဝ့ၢ်ဘဧၤလးကးလၢအအိၣ်လၢကစၢၢ်ဃ့ရမိၣ်အက လံၤထံးတုၤလၢတၢ်လဲၤနုာ်ဆူဝ့ၢ်ဃမါသးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:2

အဝဲကစံၣ်ညီၣ်ကီၢ်ဧမၤလ့းအပှၤဂီၢ်မုၢ်လီၤ. အဂ့ၢ်ဒ်အံၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်ထီဒါပှၤအံၣ် စရ့လးဖိတဖၣ်ဖဲအဝဲသ့ၣ်ဟဲက့ၤလၢကီၢ်အဲၤကူပတူးအခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:1

အကတီၢ်ဝဲန့ၣ်ပှၤဖလ့ၡသးဖိတဖၣ်ပာ်ဖှိၣ်ထီၣ်အသးလၢကဒုးတၢ် ထီဒါကီၢ်အံၣ်စရ့လးန့ၣ်လီၤ. မၤသးဒ်န့ၣ်ဒီး, ပှၤအံၣ်စရ့လးဖိတဖၣ်ကျဲၤအသးလၢကဒုးအဝဲသ့ၣ်န့ၣ်လီၤ. ပှၤအံၣ်စရ့လးဖိတဖၣ်သူၣ်ထီၣ်အဒဲဖဲဝ့ၢ်အ့ဘ့ၣ်န့စၢ်ဒီးပှၤ ဖလ့ၡသးဖိတဖၣ်သူၣ်ထီၣ်အဒဲဖဲဝ့ၢ်အဖ့းအပူၤလီၤ.