စံးထီၣ်ပတြၢၤ 83:3 - Sgaw Karen Common Bible

³ အဝဲသ့ၣ်ကူၣ်ထီၣ်တၢ်ကူၣ်ခူသူၣ်ထီဒါနပှၤဂီၢ်မုၢ် ဒီးကူၣ်တၢ်အၢထီဒါပှၤလၢနကဟုဘံၣ်ကယာ်ဘၢ အီၤတဖၣ်န့ၣ်လီၤ.

စံးထီၣ်ပတြၢၤ 83:3 Iomraidhean Croise

စံးထီၣ်ပတြၢၤ 10:9

အိၣ်ခိးဝဲလၢတၢ်ခူသူၣ်အပူၤဒ် ခ့ယုၢ်လၢတပှီာ်အကျါအသိး, အိၣ်ခိးဝဲဒ်သိးကဖီၣ်န့ၢ်ပှၤဖှီၣ်ဖိယာ်ဖိ ဒီးဖီၣ်န့ၢ်အဝဲသ့ၣ်လၢအပျံၤသကွီၤအပူၤ ဒီးထုးတြူာ်ကွံာ်အီၤန့ၣ်လီၤ.

စံးထီၣ်ပတြၢၤ 2:1

ဘၣ်မနုၤလၢပှၤကလုာ်တဖၣ် ကူၣ်ထီၣ်ဖးလီၤတၢ်ပူထီၣ်လီထီၣ်. ဒီးပှၤဂီၢ်မုၢ်တဖၣ်ကူၣ်ထီၣ်ဖးလီၤ တၢ်ကလီကလီဘၣ်မနုၤန့ၣ်လဲၣ်.

စံးထီၣ်ပတြၢၤ 27:5

အဂ့ၢ်ဒ်အံၤ, လၢတၢ်ကိၢ်တၢ်ဂီၤအမုၢ်နံၤန့ၣ်, အဝဲကပာ်ခူသူၣ်ယၤ, ကမၤပူၤဖျဲးယၤလၢအတၢ်လုၢ်ဟံၣ်အပူၤ ဒီးပာ်ယၤလၢလၢၢ်ထီၣ်ထီအဖီခိၣ်န့ၣ်လီၤ.

စံးထီၣ်ပတြၢၤ 31:20

နပာ်တဒၢအဝဲသ့ၣ်လၢတၢ်ပူၤဖျဲးအလီၢ်လၢနမဲာ်ညါ, လၢပှၤကညီအတၢ်ကူၣ်တဖၣ်, နပၢၤဃာ်အဝဲသ့ၣ်လၢနဒဲအပူၤ, လၢအဒုၣ်အဒါသ့ၣ်တဖၣ် အတၢ်ကတိၤဒုၣ်ဒွဲၣ်န့ၣ်လီၤ.

စံးထီၣ်ပတြၢၤ 56:6

အဝဲသ့ၣ်အိၣ်ဖှိၣ်ရိဖှိၣ်တပူၤဃီ, လၢတၢ်ခူသူၣ်, ဒီးကွၢ်ယခီၣ်ခါတဖၣ် ဒ်အဝဲသ့ၣ်ခိးကွၢ်တ့ၢ်ယသးသမူအသိးန့ၣ်လီၤ.

စံးထီၣ်ပတြၢၤ 64:2

ပာ်ခူသူၣ်ယၤလၢပှၤအၢဖိအတၢ်ကူၣ်ခူသူၣ်တဖၣ်, လၢပှၤမၤတၢ်အၢတၢ်သီသ့ၣ်တဖၣ် အတၢ်ပာ်ဖှိၣ်အသးန့ၣ်တက့ၢ်.

စံးထီၣ်ပတြၢၤ 91:1

ပှၤလၢအအိၣ်ဝဲဆိးဝဲလၢ တၢ်ထီကတၢၢ်တဂၤအလီၢ်တဒၢ, ဒီးအိၣ်ဝဲလၢတၢ်သ့တၢ်လၢာ်အကဒုပူၤန့ၣ်,

လံာ်တၢ်ဟးထီၣ်ကွံာ် 1:10

ဒီးတၢ်ဒုးတၢ်ယၤမ့ၢ်အိၣ်ထီၣ်ဘၣ်ဖုးန့ၣ်, အဝဲသ့ၣ်ကပာ်ဖှိၣ် အသးဒီးပဒုၣ်ပဒါတဖၣ်ဒ်သိးကဒုးတၢ်ဒီးပှၤ, ဒီးဃ့ၢ်ပူၤဖျဲး ကွံာ်လၢထံကီၢ်အပူၤလီၤ. ပကဘၣ်ဃုကျဲလၢတၢ်တြီဆၢပှၤအံၣ်စရ့လးဖိတဖၣ် အါထီၣ်ဂီၢ်ထီၣ်အဂ့ၢ်န့ၣ်လီၤ.”

ကလီးစဲ 3:3

အဂ့ၢ်ဒ်အံၤ, သုသံတ့ၢ်ဃုာ်ဒီးခရံာ်, ဒီးသုတၢ်မူနီၢ်နီၢ်အိၣ်ခူသူၣ်ဃုာ်ဒီးခရံာ်လၢကစၢ်ယွၤ အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:19

လၢကီၢ်အံၣ်စရ့လးအပူၤန့ၣ်ပှၤပိာ်ထးတဖၣ်တအိၣ်ဘၣ်. အဂ့ၢ်ဒ်အံၤ, ပှၤဖလ့ၡသးဖိတဖၣ်ပာ်လီၤအသးလၢကမၤဝဲ ဒ်သိးပှၤဧ့ၤဘြံၤဖိတဖၣ်ဘှီနးဒီးဘီတဖၣ်အသုတသ့အဂီၢ်န့ၣ်လီၤ.