စံးထီၣ်ပတြၢၤ 83:2 - Sgaw Karen Common Bible

² ကွၢ်ကွၢ်, နဒုၣ်နဒါတဖၣ်အိၣ်လၢ တၢ်တၢထီၣ်တၢလီၤအပူၤ, ဒီးပှၤလၢအသးဟ့နၤတဖၣ်ပူထီၣ်လီထီၣ်တၢ်လီၤ.

စံးထီၣ်ပတြၢၤ 83:2 Iomraidhean Croise

လံာ်စီၤပၤခံဘ့ၣ်တဘ့ၣ် 19:28

ယဒိးန့ၢ်တ့ၢ်, တၢ်ပာ်ဖျါဘၣ်ထွဲဒီးနတၢ်သးကဲၤထီၣ်န့ၣ်ဒီး နတၢ်ပာ်ထီၣ်ထီနသးန့ၣ်, ဒီးခဲကနံၣ်အံၤယကတုၢ်နနါဒ့လၢနီၣ်ကွးတခါ, ဒီးပျံာ်နထးခိၣ်လၢနိးပျံာ်ထးတဘိဒီးက့ၤမိၤကဒါက့ၤနၤ လၢကျဲတဘိဃီလၢနဟဲတ့ၢ်နဲန့ၣ်လီၤ.”

စံးထီၣ်ပတြၢၤ 109:1

ကစၢ်ယွၤလၢ ယစံးထီၣ်ပတြၢၤအီၤဧၢ, အိၣ်ဘှီၣ်ကလာ်တဂ့ၤ.

စံးထီၣ်ပတြၢၤ 74:23

သးပ့ၤနီၣ်နဒုၣ်နဒါတဖၣ် အတၢ်ကိးထီၣ်လၢတၢ်သးထီၣ်အပူၤ, ပှၤလၢအထီဒါနၤတဖၣ်အတၢ်တၢထီၣ်တၢလီၤ လၢအသီၣ်ထီၣ်ဝဲတထံၣ်ဃီန့ၣ်တဂ့ၤ.

စံးထီၣ်ပတြၢၤ 74:4

နဒုၣ်နဒါတဖၣ်ကိးထီၣ်လၢတၢ်မၤနၢၤအပူၤ, လၢနတၢ်လုၢ်ဟံၣ်အပူၤန့ၣ်လီၤ. ဖဲန့ၣ်အဝဲသ့ၣ်သူၣ်ထီၣ်အနီၣ်တယၣ်တဖၣ်ဒ် တၢ်မၤနၢၤအပနီၣ်တဖၣ်အသိးလီၤ.

စံးထီၣ်ပတြၢၤ 81:15

ပှၤလၢအသးဟ့ယၤတဖၣ်ကဆုးလီၤအခိၣ်လၢ ယမဲာ်ညါလၢတၢ်ပျံၤအပူၤ, တၢ်သိၣ်ဃီၣ်လၢအဂီၢ်ကအိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 93:3

ယွၤဧၢ, ပီၣ်လဲၣ်မိၢ်ပှၢ်အတၢ်ယိာ်ပူၤတဖၣ်ထုထီၣ်အကလုၢ်, အဝဲသ့ၣ်ထုထီၣ်အကလုၢ်ဒီးအသီၣ်အသဲန့ၣ်လီၤ.

လံာ်ယၡါယၤ 17:12

ပှၤကလုာ်အိၣ်ဒီးအစိအကမီၤတဖၣ်တၢထီၣ်တၢလီၤအိၣ်ဒီး အတၢ်သီၣ်ထီၣ်လီၤဂာ်ဒ်ပီၣ်လဲၣ်သီၣ်ကညီၤထီၣ်ဝဲအသိး ဒီးဒ်လပီဖးဒိၣ်တဖၣ်ဒိဘၣ်ကၢၢ်ပၤနံၤအသီၣ်ရူၢ်ရူၢ်အသိး န့ၣ်လီၤ.

လံာ်ယၡါယၤ 37:23

ပှၤလၢနဒုၣ်ဒွဲၣ်ပယွဲဒီးနနံၤဘၣ်ဖၣ်လဲအီၤန့ၣ်နဆိကမိၣ်အမ့ၢ် မတၤလဲၣ်. နတယူးယီၣ်ပာ်ကဲတ့ၢ်ယၤ, အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်ယၡါယၤ 37:29

ယဒိးန့ၢ်တ့ၢ်တၢ်ပာ်ဖျါဘၣ်ဃးဒီးနတၢ်သူၣ်ဒိၣ်သးဖျိး, ဒီးနတၢ်ပာ်ထီၣ်ထီနသးအဝဲန့ၣ်အဂ့ၢ်လီၤ. ဒီးခဲအံၤယကဘျးနနါစ့ၤလၢနီၣ်ကွးတခါဒီးယကဒုးအ့ၣ်နၤလၢ ထးအ့ၣ်တဘိဒီးယကမိၤကဒါက့ၤနၤလၢကျဲတဘိဃီ လၢနဟဲတ့ၢ်နဲန့ၣ်လီၤ.”

လံာ်ယံးရမံယၤ 1:19

ဘၣ်ဆၣ်ဒီးမုၢ်မဆါတနံၤအံၤ, ယဟ့ၣ်လီၤလံနၤတၢ်ဂံၢ်တၢ်ဘါ လၢနကတြီဆၢအဝဲသ့ၣ်အဂီၢ်လီၤ. နကလီၤဂာ်ဒီးဝ့ၢ်တဝ့ၢ်လၢ အဘၣ်တၢ်မၤကျၢၤအီၤလၢတိာ်ဧိၤတာ်ဧိၤ, ထးအထူၣ်တထူၣ်, ဒီးတၢ်အခိၣ်ဒူတိၢ်ဘီတခါန့ၣ်လီၤ. အဝဲသ့ၣ်တမၤနၢၤမၤဃၣ် နၤဘၣ်. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ်အိၣ်ပှိၤနၤ အဂီၢ်လီၤ. ယၤ, ယွၤအံၤယကတိၤလံတၢ်လံ.”

လံာ်မးသဲ 27:24

တုၤစီၤပံၤလးထံၣ်လၢအဝဲမ့ၢ်သံကွၢ်တၢ်ဆူညါနာ်သက့အဘျုး တအိၣ်လၢၤဘၣ်. မ့မ့ၢ်တၢ်ကတၢထီၣ်တၢလီၤဘၣ်ဖုးအဃိ, အဝဲဟံးန့ၢ်ထံဝံၤသ့လီၤအစုလၢပှၤဂီၢ်မုၢ်တဖၣ်အမဲာ်ညါဒီး စံး, “ပှၤအံၤအသွံၣ်တလီၤတီလၢယဖီခိၣ်ဘၣ်. ဘၣ်ဃးဒၣ်ဒီးသုလီၤ.”

မၤတၢ် 16:22

ပှၤဂီၢ်မုၢ်တဖၣ်စ့ၢ်ကီးထီဒါစီၤပီလူးဒီးစီၤစံလၤလီၤ. အန့ၣ်ဒီးစံၣ်ညီၣ်ကွီၢ်တဖၣ်မၢပှၤဖှီယာ်ကွံာ်ပှၤခံဂၤန့ၣ်အကူအသိး, ဒီးဟ့ၣ်လီၤအကလုၢ်လၢပှၤကဖျ့အဝဲသ့ၣ်လီၤ.

မၤတၢ် 17:5

ဘၣ်ဆၣ်ဒီးပှၤယူဒၤဖိသ့ၣ်တဖၣ်အသးက့ၣ်ဒီးပာ်ဖှိၣ်ထီၣ် ပှၤအၢပှၤသီလၢကျဲမုၢ်ခိၣ်တနီၤ, ဒီးဒုးအိၣ်ထီၣ်ပှၤဂီၢ်မုၢ်တဖုလၢအမၤတၢထီၣ်တၢလီၤဝ့ၢ်ဒီ ဖျၢၣ်ညါဒီးလဲၤနုာ်ဆူၣ်ဆူစီၤယါစီၣ်အဟံၣ်ပူၤ, ဒ်သိးအကထံၣ်န့ၢ်စီၤပီလူးဒီးစီၤစံလၤဒီးကဟဲစိာ်ထီၣ်အီၤ ဆူပှၤဂီၢ်မုၢ်အအိၣ်အဂီၢ်န့ၣ်လီၤ.

မၤတၢ် 21:30

တၢ်တၢထီၣ်တၢလီၤဝဲလၢဝ့ၢ်ဒီဖျၢၣ်ညါ, ဒီးပှၤဂီၢ်မုၢ်တဖၣ်ဃ့ၢ်ဖှိၣ်ဝဲဆူစီၤပီလူးအအိၣ်, စှီၤဃာ်အီၤဒီးတွံၢ်ထီၣ်ကွံာ်အီၤဆူတၢ်လုၢ်ဟံၣ်အချၢလီၤ. တဘျီဃီဖဲန့ၣ်, တၢ်လုၢ်ဟံၣ်အတြဲၤတဖၣ်ဘၣ် တၢ်ကးတံာ်ဃာ်အီၤလီၤ.

မၤတၢ် 22:22

တုၤဖဲအံၤန့ၣ်, ပှၤဂီၢ်မုၢ်ဒိကနၣ်တၢ်လၢစီၤပီလူးစံးဝဲလီၤ. ဘၣ်ဆၣ်ဒီးအဝဲအံၤဝံၤအလီၢ်ခံ, အဝဲသ့ၣ်ကိးပသူထီၣ်လၢ အကလုၢ်ဖးဒိၣ်ဒီးစံးဝဲ, “မၤသံကွံာ်အီၤတက့ၢ်. မၤသံအီၤတက့ၢ်. အဝဲတကြၢးအိၣ်မူလၢၤဘၣ်.”

မၤတၢ် 23:10

တၢ်ကတိၤဂ့ၢ်လိာ်ဘှီလိာ်ယံာ်ထီၣ်ဆူၣ်ထီၣ်တုၤဒၣ်လဲာ်ပှၤ သုးဖိတကထိအခိၣ်ဘၣ်ယိၣ်လၢစီၤပီလူးကဘၣ်တၢ်မၤလီၤကလဲကွံာ်အီၤ လၢပှၤသ့ၣ်တဖၣ်န့ၣ်အဃိ, ဟ့ၣ်လီၤအကလုၢ်ဆူပှၤသုးဖိတဖၣ်အအိၣ်ဒ်သိးအကလဲၤ လီၤဆူပှၤဂီၢ်မုၢ်သ့ၣ်တဖၣ်န့ၣ်အကျါ, ဂုာ်ထုးထီၣ်က့ၤဒီးဆှၢစီၤပီလူးဆူသုးဖိအိၣ်တၢ်အလီၢ်တိာ် ပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:28

မၤသးဒ်န့ၣ်ဒီး, ပှၤမံးဒယၣ်ဖိတဖၣ်ဘၣ်တၢ်မၤနၢၤကွံာ်အီၤလၢပှၤအံၣ်စရ့လးဖိ ဒီးတကဲလၢၤဘၣ်တၢ်မၤပျံၤမၤဖုးအလီၢ်လၢၤဘၣ်. ဒီးကီၢ်န့ၢ်အိၣ်မုာ်အိၣ်ခုၣ်ဝဲအနံၣ်လွံၢ်ဆံ, တုၤလၢစီၤကံးဒဧိၣ်သံဝဲတစုန့ၣ်လီၤ.