စံးထီၣ်ပတြၢၤ 83:18 - Sgaw Karen Common Bible

¹⁸ မ်အဝဲသ့ၣ်, သ့ၣ်ညါလၢထဲနၤတဂၤဧိၤန့ၣ်နမ့ၢ်ယွၤ, ပှၤပၢတၢ်အဒိၣ်ကတၢၢ်လၢဟီၣ်ခိၣ်ချၢန့ၣ်တက့ၢ်.

စံးထီၣ်ပတြၢၤ 83:18 Iomraidhean Croise

လံာ်တၢ်ကဲထီၣ်အခီၣ်ထံး 22:14

စီၤအၤဘြၤဟၣ်ယုၢ်တၢ်လီၢ်န့ၣ်အမံၤလၢ, “ယဟိဝၤယံၤရၤ” အခီပညီ, “ယွၤထံၣ်တၢ်ဟ့ၣ်တၢ်” လီၤ. ဒီးတုၤလီၤလၢမုၢ်မဆါတနံၤအံၤဒၣ်လဲာ်ပှၤဂီၢ်မုၢ်စံး, “လၢယွၤအကစၢၢ်ဒီခိၣ်န့ၣ်ယွၤအိၣ်ဖျါထီၣ်ဝဲလီၤ.”

လံာ်စီၤပၤအခီၣ်ထံးတဘ့ၣ် 18:37

စံးဆၢယၤ, ယွၤဧၢ, စံးဆၢယၤ, ဒ်သိးပှၤဂီၢ်မုၢ်အံၤကသ့ၣ်ညါ ဝဲလၢနၤ, ယွၤန့ၣ်မ့ၢ်ကစၢ်ယွၤဒီးလၢနဘိးကဒါက့ၤအဝဲသ့ၣ်အသးတဖၣ်ဆူ နအိၣ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 19:19

ခဲကနံၣ်အံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ် ဖိတဖၣ်အစုပူၤဒ်သိးကယဲၢ်ပှၤကလုာ်ခဲလၢာ်လၢဟီၣ်ခိၣ်ချၢကသ့ၣ် ညါဝဲလၢထဲနၤတဂၤဧိၤနမ့ၢ်ကစၢ်ယွၤတက့ၢ်, အိယွၤဧၢ.”

စံးထီၣ်ပတြၢၤ 18:13

ဒီးယွၤဒုးသီၣ်ထီၣ်တၢ်ဒ်လီသီၣ်အသိးလၢမူခိၣ်, ဒီးတၢ်ထီကတၢၢ်မၤသီၣ်ထီၣ်အကလုၢ်လီၤ.

စံးထီၣ်ပတြၢၤ 35:4

ပှၤလၢအဂုာ်ကျဲးစၢးမၤသံယၤန့ၣ်, မ်အဘၣ်တၢ်မၤနၢၤအီၤဒီး ဘၣ်တၢ်မၤမဲာ်ဆှးအီၤတက့ၢ်. ပှၤလၢအကူၣ်တၢ်အၢထီဒါယၤန့ၣ်, မ်အဘၣ်တၢ်ဃၣ်ကဒါက့ၤအီၤဒီး မၤကတုၤအသးန့ၣ်တက့ၢ်.

စံးထီၣ်ပတြၢၤ 59:13

မၤဟးဂီၤကွံာ်အီၤလၢနတၢ်သးထီၣ်အပူၤ, မၤဟးဂီၤကွံာ်အီၤလၢာ်လၢာ်ဆ့ဆ့န့ၣ်တက့ၢ်. အန့ၣ်ဒီးပှၤကိးဂၤဒဲးကသ့ၣ်ညါလၢ ကစၢ်ယွၤပၢတၢ်လၢအံၣ်စရ့လးအပူၤန့ၣ်လီၤ. အတၢ်ပၢအံၤကတုၤဃီၤဆူ ဟီၣ်ခိၣ်ဒီဘ့ၣ်ညါန့ၣ်လီၤ. စ့လၤ

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

စံးထီၣ်ပတြၢၤ 9:2

ယကသူၣ်ခုသးခုဒီးသူၣ်ဖှံသးညီလၢနပူၤ, ယကသးဝံၣ်စံးထီၣ်ပတြၢၤနမံၤ, တၢ်ထီကတၢၢ်ကစၢ်ယွၤဧၢ.

စံးထီၣ်ပတြၢၤ 92:8

ဘၣ်ဆၣ်နဲဒၣ်ယွၤဧၢ, နအိၣ်လၢတၢ်လီၢ်ထီၣ်ထီလီၤစိၤလီၤထီလီၤ.

စံးထီၣ်ပတြၢၤ 97:9

တၢ်စိဒိၣ်ကမီၤထီယွၤဧၢ, နမ့ၢ်ပှၤပၢဟီၣ်ခိၣ်ဒီဘ့ၣ်ညါ ဒီးနဒိၣ်န့ၢ်ဒံးကယဲၢ်ကစၢ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 6:3

ယလီၣ်ဖျါထီၣ်တ့ၢ်ယသးဆူစီၤအၤဘြၤဟၣ်, စီၤအံၤစဲးဒီး စီၤယၤကိာ်ဒ်သ့တၢ်လၢာ်ကစၢ်ယွၤအသိးန့ၣ်လီၤ. ဘၣ်ဆၣ်ဒီးယတဒုးသ့ၣ်ညါယသးလၢအဝဲသ့ၣ်ခီဖျိယမံၤစီဆှံ, ယွၤန့ၣ်ဘၣ်.

လံာ်ယၡါယၤ 42:8

ထဲယၤတဂၤဧိၤ, ယမ့ၢ်ယွၤသုကစၢ်ယွၤလီၤ. ယတဟ့ၣ်ဘၣ်ယလၤကပီၤဆူကစၢ်အဂၤတဖၣ်ဘၣ်. တၢ်ဂီၤတၢ်ဖီၣ်တဖၣ်န့ၣ်ယတဟ့ၣ်အီၤတၢ်စံးထီၣ်ပတြၢၤဘၣ်.

လံာ်ယၡါယၤ 5:16

ဘၣ်ဆၣ်ယွၤသ့တၢ်လၢာ်ကစၢ်ဒုးနဲၣ်အတၢ်ဒိၣ်တၢ်မုၢ်ခီဖျိ အမၤတၢ်အဘၣ်ဒီးအဝဲလီၣ်ဖျါထီၣ်အတၢ်စီတၢ်ဆှံခီဖျိ တၢ်စံၣ်ညီၣ်အပှၤဂီၢ်မုၢ်န့ၣ်လီၤ.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယံးရမံယၤ 16:21

ယွၤစံးဝဲဒၣ်, “မ့မ့ၢ်ဒ်န့ၣ်ဒီး, ယကဒုးသ့ၣ်ညါပှၤကလုာ်တဖၣ် လၢယစိယကမီၤဒီးယဂံၢ်ယဘါထဲတဘျီအံၤဒီးအကတၢၢ်တဘျီဒ်သိး အဝဲသ့ၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 30:19

တုၤယစံၣ်ညီၣ်ကီၢ်အဲၤကူပတူးလၢကျဲဒ်အံၤအပူၤန့ၣ်အဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 38:23

လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်မံကၤ 4:13

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, လဲၤဒီးစံၣ်ညီၣ်သုဒုၣ်သု ဒါတဖၣ်တက့ၢ်. ယကဒုးဆူၣ်ထီၣ်သုဒ်ထးတဖၣ်ဂီၤဖံးတဒုလၢ အအိၣ်ဒီးအနၢၤ, အခီၣ်မ့ၣ်မ့ၢ်တိၤဘီတဖၣ်အသိးလီၤ. သုကမၤလီၤကလဲကွံာ်ပှၤအါကလုာ်ဒီးတၢ်ထူးတၢ်တီၤလၢအဝဲသ့ၣ်မၤ န့ၢ်ဝဲခီဖျိတၢ်ဂုာ်ဆူၣ်ပျီဆူၣ်န့ၣ်သုကဘၣ်ဟ့ၣ်ထီၣ်ဆူယၤ, ဟီၣ်ခိၣ်ဒီဘ့ၣ်အကစၢ်လီၤ.”

လံာ်စကၤရယၤ 4:14

တုၤနုၤတစုအဝဲစံးဝဲဒၣ်, “အဝဲသ့ၣ်တဖၣ်အံၤမ့ၢ်ပှၤခံဂၤလၢကစၢ်ယွၤဃုထၢတ့ၢ်လံအီၤ ဒီးဖှူတ့ၢ်လံအီၤလၢကမၤအဝဲဒၣ်, လၢအမ့ၢ်ဟီၣ်ခိၣ်ဒီဘ့ၣ်အယွၤ, အတၢ်န့ၣ်လီၤ.”