စံးထီၣ်ပတြၢၤ 82:7 - Sgaw Karen Common Bible

⁷ ဘၣ်ဆၣ်သုကသံဒ် ပှၤကညီတဖၣ်အသိး ဒီးသုတၢ်အိၣ်မူကကတၢၢ်ဒ် စီၤပၤဖိတဂၤလၢ်လၢ်အသိးန့ၣ်လီၤ.”

စံးထီၣ်ပတြၢၤ 82:7 Iomraidhean Croise

လံာ်စီၤယိၤဘး 21:32

တုၤအဝဲဘၣ်တၢ်စိာ်လီၤအီၤဆူအတၢ်သွၣ်ခိၣ်, အတၢ်သွၣ် ခိၣ်လၢအဘၣ်တၢ်ခိးကွၢ်အီၤဂ့ၤဂ့ၤန့ၣ်.

စံးထီၣ်ပတြၢၤ 49:12

ပှၤကညီတဂၤ အတၢ်ဒိၣ်တၢ်မုၢ် မၤပူၤဖျဲးအီၤလၢ တၢ်သံတသ့ဘၣ်. အဝဲကသံစ့ၢ်ကီး ဒ်သိးဆၣ်ဖိကီၢ်ဖိတဖၣ်န့ၣ်လီၤ.

စံးထီၣ်ပတြၢၤ 83:11

မၤအပှၤခိၣ်ပှၤနၢ်သ့ၣ်တဖၣ်ဒ်နမၤတ့ၢ် စီၤဧိၤရ့ာ်ဒီးစီၤစအ့ာ်အသိး, မၤနၢၤကွံာ်အပဒိၣ်ခဲလၢာ်ဒ်နမၤနၢၤတ့ၢ် စီၤစ့ဘၤဒီးစီၤစးလမူနၤအသိး,

လံာ်ယဃ့းစက့လး 28:9

ဖဲအဝဲသ့ၣ်ဟဲလၢ ကမၤသံနၤန့ၣ်မ့ၢ်နကစံးဒံး ဒၣ်လၢနမ့ၢ်ယွၤတဂၤန့ၣ်ဧါ. ဖဲနကွၢ်ဆၢၣ်မဲာ်ဘၣ်ဒီး ပှၤလၢကမၤသံနၤတဖၣ်န့ၣ်, နကမ့ၢ်ပှၤတဂၤလၢ အသံသ့ဒီးတမ့ၢ်ဘၣ် တၢ်စီတၢ်ဆှံလ့ၤတက့ၤဘၣ်န့ၣ်လီၤ.

လံာ်ယဃ့းစက့လး 31:14

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်, ထံမ့ၢ်ဂ့ၤထဲအံၤ ထဲနုၤနာ်သက့, သ့ၣ်လၢကဒိၣ်ထီၣ်ဒီးထီကဒီးထဲသိးန့ၣ်, ဒီးဖှိး ထီၣ်အသးဆူတၢ်အၢၣ်တဖၣ်အကျါတုၤအထီဝဲထဲသိးန့ၣ်, တအိၣ်ဘၣ်နီတထံးဘၣ်. အဝဲသ့ၣ်ခဲလၢာ်ဘၣ်တၢ်စံၣ်ညီၣ်သံ ဃါမနၤဒ်ပှၤကညီတဖၣ်လၢအသံသ့ဝဲအသိးန့ၣ်, ဘၣ်တၢ်စံၣ်ညီၣ် ဃါမနၤလၢကလဲၤသကိးဃုာ်ဒီးပှၤတဖၣ်လၢအလဲၤလီၤဆူ တၢ်သံအကီၢ်ပူၤန့ၣ်လီၤ.”