စံးထီၣ်ပတြၢၤ 82:5 - Sgaw Karen Common Bible

⁵ သုတနူၤပၢၢ်နၢ်ဘှါတၢ်မးလဲၣ်, သုသးတဆးမးလဲၣ်. သုဟးဂီၤလၢာ်လၢာ်ဆ့ဆ့ ဒီးတၢ်တီတၢ်လိၤလီၤမၢ်ကွံာ်လၢ ဟီၣ်ခိၣ်ချၢလံ.

စံးထီၣ်ပတြၢၤ 82:5 Iomraidhean Croise

လံာ်စီၤယိၤဘး 8:9

ပသးအနံၣ်အလါစှၤအဃိ, ပတသ့ၣ်ညါတၢ်နီတမံၤဘၣ်. ပမုၢ်နံၤတဖၣ်လဲၤပူၤကွံာ်လၢဟီၣ်ခိၣ်အံၤဒ်တၢ်အကဒုအသိး န့ၣ်လီၤ.

စံးထီၣ်ပတြၢၤ 11:3

တၢ်အခီၣ်ထံးသ့ၣ်တဖၣ်မ့ၢ်ဟးဂီၤကွံာ်ဒီး ပှၤအတီအလိၤမၤတၢ်မနုၤကသ့န့ၣ်လဲၣ်.

စံးထီၣ်ပတြၢၤ 14:4

ယွၤစံးဝဲဒၣ်, “မ့ၢ်အဝဲသ့ၣ်တသ့ၣ်ညါဘၣ်ဧါ. ကယဲၢ်ပှၤမၤတၢ်အၢခဲလၢာ်အံၤအသးတဆးဘၣ်ဧါ. အဝဲသ့ၣ်အိၣ်မူလၢတၢ်ဟုၣ်ယပှၤဂီၢ်မုၢ်အပူၤဒီး တဘါထုကဖၣ်တၢ်ဆူယၤနီတစုဘၣ်. ”

စံးထီၣ်ပတြၢၤ 53:4

ကစၢ်ယွၤသံကွၢ်ဝဲ, “မ့ၢ်အဝဲသ့ၣ်တသ့ၣ်ညါဘၣ်ဧါ. အဝဲသ့ၣ်အိၣ်မူလၢ တၢ်ဟုၣ်ယပှၤဂီၢ်မုၢ်အပူၤ, ဒီးတဘါထုကဖၣ် တၢ်ဆူယၤနီတစုဘၣ်.”

စံးထီၣ်ပတြၢၤ 75:3

တၢ်လၢအမူဝဲခဲလၢာ်မ့ၢ်ကနိးကစုာ်, ဒီးဟီၣ်ခိၣ်ဒၣ်လဲာ်မ့ၢ်ဟူးဝးဝဲဘၣ်ဆၣ်, ယကမၤဂၢၢ်ကျၢၤအခီၣ်ထံးတဖၣ်န့ၣ်လီၤ. စ့လၤ

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

တၢ်ကတိၤဒိ. 1:29

သုတလိၣ်ဘၣ်တ့ၢ်တၢ်သ့ၣ်ညါလၢသုကသူအီၤဘၣ်, ဒီးတၢ်စူၢ်ယွၤန့ၣ်သုဂ့ၢ်လိာ်တ့ၢ်တဘိယူၢ်ဃီလီၤ.

တၢ်ကတိၤဒိ. 2:13

ပှၤတဖၣ်လၢအညိကွံာ်တၢ်အိၣ်မူအတီအလိၤဒ်သိးကအိၣ်မူ လၢတၢ်ဒဲးဘးအတၢ်ခံးတၢ်နၤအပူၤ,

တၢ်ကတိၤဒိ. 4:19

မ့မ့ၢ်, ပှၤတတီတလိၤအကျဲခံးဝဲဒ်မုၢ်နၤအသိးလီၤ. အဝဲသ့ၣ်လီၤဃံၤဝဲဒီးအခီၣ်ဘၣ်တိၢ်လၢမနုၤမနုၤလဲၣ်န့ၣ် အဝဲသ့ၣ်ထံၣ်ဝဲတသ့ဘၣ်.

လံာ်ပှၤစံၣ်တဲၤတဲလီၤတၢ် 2:14

ပှၤကူၣ်တၢ်သ့တဖၣ်န့ၣ်မ့ၢ်အဝဲသ့ၣ်လဲၤဆူလဲၣ်ဆူလဲၣ်န့ၣ်ထံၣ် သ့ၣ်ညါဝဲလီၤ. မ့မ့ၢ်ပှၤဟးဂီၤဖိတဖၣ်တထံၣ်သ့ၣ်ညါဝဲဘၣ်. ဘၣ်ဆၣ်ဒီးယသ့ၣ်ညါစ့ၢ်ကီးလၢတၢ်ဘူၣ်တၢ်တီၢ်တမံၤဃီန့ၣ်အိၣ် ခိးပာ်ပှၤကိးဂၤဒဲးလီၤ.

လံာ်ပှၤစံၣ်တဲၤတဲလီၤတၢ် 3:16

အါန့ၢ်အန့ၣ်, လၢဟီၣ်ခိၣ်အံၤအပူၤယပာ်သူၣ်ပာ်သးစ့ၢ်ကီးလၢ, ဖဲတၢ်စံၣ်ညီၣ်တီဒီးတၢ်အဘၣ်ကြၢးအိၣ်ဝဲအလီၢ်န့ၣ်, တၢ်ထံၣ်န့ၢ်တၢ်တတီတလိၤလီၤ.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်ယၡါယၤ 59:9

ပှၤဂီၢ်မုၢ်စံးဝဲ, “ဘၣ်မနုၤကစၢ်ယွၤတအုၣ်က့ၤခီၣ်က့ၤပှၤလၢ, ပှၤမၤအၢမၤနးပှၤတဖၣ်အစုပူၤလဲၣ်န့ၣ်, ခဲအံၤပသ့ၣ်ညါလံ. ပမုၢ်လၢ်လၢပကလဲၤတၢ်လၢ တၢ်ကပီၤအပူၤဘၣ်ဆၣ်အိၣ်ဒၣ်ထဲတၢ်ခံးတၢ်နၤဧိၤ,

လံာ်မံကၤ 3:1

ကနၣ်တက့ၢ်. ပှၤလၢအပၢဘၣ်ကီၢ်အံၣ်စရ့လးသ့ၣ်ဧၢ, အအံၤမ့ၢ်သုမူသုဒါလၢသုကြၢးကွၢ်ထွဲပှၤ ဂီၢ်မုၢ်တဖၣ်ဒ်သိးအကမၤတၢ်မ့ၢ်တၢ်တီလီၤ.

လံာ်ယိၤဟၣ် 12:35

ယ့ၣ်ၡူးစံးဆၢတၢ်ဒီးစံးဝဲ, “တၢ်ကပီၤကအိၣ်ဒံးလၢသုကျါ တစိၢ်တလီၢ်လီၤ. ဖဲသုအိၣ်ဒံးဒီးတၢ်ကပီၤအဖၢမုၢ်အံၤ, တၢ်လဲၤလၢအအိၣ်ဒီးသုန့ၣ်လဲၤတက့ၢ်. မ့တမ့ၢ်ဘၣ်ဒီးတၢ်ခံး ကတုၤအိၣ်သုလီၤ. အဂ့ၢ်ဒ်အံၤ, ပှၤတဂၤလၢအဟးလၢ တၢ်ခံးကျါန့ၣ်, မ့ၢ်အလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်.

လံာ်ယိၤဟၣ် 3:19

တၢ်စံၣ်ညီၣ်မ့ၢ်ဒ်အံၤလီၤ. တၢ်ကပီၤဟဲနုာ်လီၤဆူဟီၣ်ခိၣ်, ဘၣ်ဆၣ်ပှၤဟီၣ်ခိၣ်ဖိအဲၣ်တၢ်ခံးဒိၣ်န့ၢ်ဒံးအအဲၣ်တၢ်ကပီၤ တက့ၢ်, မ့ၢ်လၢအတၢ်မၤတဖၣ်န့ၣ်အၢဝဲသီဝဲအဃိလီၤ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

၁ ယိၤဟၣ် 2:11

ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, အိၣ်လၢတၢ်ခံးတၢ်နၤအပူၤလီၤ. လဲၤတၢ်လၢတၢ်ခံးတၢ်နၤ အပူၤဒီးလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်. မ့ၢ်လၢတၢ်ခံးတၢ်နၤမၤမဲာ်ဘျီၣ်အီၤအဃိလီၤ.