စံးထီၣ်ပတြၢၤ 82:3 - Sgaw Karen Common Bible

³ အိၣ်ပှိၤပှၤဂံၢ်စၢ်ဘါစၢ်ဒီး ပှၤဖိၣ်ဃဲတဖၣ်အကွီၢ်ဒီး ဟံးဃာ်ပှၤဘၣ်နးဘၣ်ဖှီၣ်ဒီး အတၢ်ခွဲးတၢ်ယာ်တက့ၢ်.

စံးထီၣ်ပတြၢၤ 82:3 Iomraidhean Croise

လံာ်စီၤယိၤဘး 29:12

တုၤပှၤဖှီၣ်ဖိယာ်ဖိကိးထီၣ်ဝဲဒၣ်န့ၣ်ဒီးယမၤစၢၤအီၤ, ဒီးယမၤစၢၤပှၤဖိၣ်ဃဲဖိသ့ၣ်တဖၣ်လၢပှၤကမၤစၢၤအီၤတအိၣ် ဘၣ်န့ၣ်လီၤ.

လံာ်စီၤယိၤဘး 31:21

ယသ့ၣ်ညါလၢယကမၤနၢၤတၢ်လၢကွီၢ်ဘျီၣ်ပူၤသတးဒီး ယမ့ၢ်လီန့ၢ်ပှၤဖိၣ်ဃဲတဂၤ, တစုစုဒီး,

စံးထီၣ်ပတြၢၤ 10:18

နကဒိကနၣ်ပှၤလၢအဘၣ်တၢ်ဆီၣ်ဘံၣ်ဆီၣ်ဘၢအီၤ, ပှၤဖိၣ်ဃဲဖိသ့ၣ်တဖၣ်အတၢ်ကိးပသူထီၣ်လီၤ.

လံာ်တၢ်ဟးထီၣ်ကွံာ် 23:3

ကွၢ်မဲာ်ပှၤဖှီၣ်ဖိယာ်ဖိတဂၤလၢအကွီၢ်ပူၤန့ၣ်တဂ့ၤ.

လံာ်တၢ်ဟးထီၣ်ကွံာ် 23:6

သမၢတၢ်စံၣ်ညီၣ်တီဖဲပှၤဖှီၣ်ဖိယာ်ဖိတဂၤဘၣ်တၢ်လိာ်ဘၢလိာ် ကွီၢ်အီၤအခါန့ၣ်တဂ့ၤ.

တၢ်ကတိၤဒိ. 31:9

ကတိၤတၢ်လၢအဝဲသ့ၣ်အဂီၢ်ဒီးကဲထီၣ်စံၣ်ညီၣ်ကွီၢ်လၢအတီ တဂၤတက့ၢ်. ဒီဒၣ်အိၣ်ပှိၤပှၤဖှီၣ်ဖိဒီးပှၤလၢအတၢ်တအိၣ်တဖၣ်အတၢ်ခွဲး တၢ်ယာ်တဖၣ်တက့ၢ်.

လံာ်ယၡါယၤ 1:17

ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယံးရမံယၤ 21:12

“ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်ယံးရမံယၤ 22:16

အဝဲစံၣ်ညီၣ်န့ၢ်ပှၤဖှီၣ်ဖိယာ်ဖိတဖၣ်အကွီၢ်တီတီလိၤလိၤ ဒီးတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢအဂီၢ်လီၤ. တၢ်န့ၣ်အခီပညီမ့ၢ်တၢ်သ့ၣ်ညါယွၤန့ၣ်လီၤ.

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယံးရမံယၤ 5:28

မ့ၢ်တၢ်လၢအမၤဘီၣ်ထီၣ်ညီထီၣ်အဝဲ သ့ၣ်ဒီးဒုးအီၣ်ဘျဲးအီၣ်ဘျဲးအီအီၤန့ၣ်လီၤ. အတၢ်မၤအၢမၤသီတၢ်တဖၣ်အကတၢၢ်ကတာ်တအိၣ်ဘၣ်. အဝဲသ့ၣ်တဟ့ၣ်ဘၣ်ပှၤဖိၣ်ဃဲတဖၣ်လၢ အတၢ်ခွဲးတၢ်ယာ်တဖၣ်မ့ၢ်ဂ့ၤတဒုးနဲၣ် ဘၣ်တၢ်စံၣ်ညီၣ်တီလၢပှၤလၢအဘၣ်တၢ် မၤနးမၤဖှီၣ်တဖၣ်မ့ၢ်ဂ့ၤအဂီၢ်ဘၣ်.

လံာ်စကၤရယၤ 7:9

“ယံာ်တ့ၢ်မးလံန့ၣ်, ယဟ့ၣ်လီၤတ့ၢ်တၢ်မၤလိာ်တဖၣ်အံၤဆူ ယပှၤဂီၢ်မုၢ်အအိၣ်လီၤ. သုကဘၣ်ပာ်သူၣ်ပာ်သးလၢတၢ်စံၣ်ညီၣ်တီဘၣ်တၢ်မၤအီၤ, ပာ်ဖျါတၢ်သူၣ်အိၣ်သးအိၣ်ဒီးတၢ်သးကညီၤလိာ်သးတဂၤဒီး တဂၤန့ၣ်လီၤ.

လံာ်သိၣ်လီၤသီလီၤတၢ် 10:18

အဝဲမၤလီၤတံၢ်ဝဲလၢဖိၣ်ဃဲတဖၣ်ဒီးမုၣ်ကမဲတဖၣ်ကဘၣ်တၢ်မၤ အီၤတီတီလိၤလိၤန့ၣ်လီၤ. အဝဲအဲၣ်ပှၤတခီဘီမုၢ်ဖိတဖၣ်လၢအအိၣ်ဆိးဝဲလၢပပှၤဂီၢ်မုၢ်အကျါ, ဒီးဟ့ၣ်လီၤအဝဲသ့ၣ်လၢတၢ်အီၣ်တၢ်အီဒီးတၢ်ကူတၢ်သိးတဖၣ်န့ၣ်လီၤ.

လံာ်သိၣ်လီၤသီလီၤတၢ် 24:17

ဟံးန့ၢ်ကွံာ်ပှၤတခီဘီမုၢ်ဖိတဖၣ်ဒီးပှၤဖိၣ်ဃဲတဖၣ်အတၢ်ခွဲးတၢ်ယာ်တဂ့ၤ, ဒီးဟံးန့ၢ်ကွံာ်ပှၤမုၣ်ကမဲတဂၤအဆ့ဖးထီဒ်တၢ်အုၣ်ကီၤအသိး လၢတၢ်ဒုးလိၢ်တမံၤအဂီၢ်တဂ့ၤ.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.