စံးထီၣ်ပတြၢၤ 81:8 - Sgaw Karen Common Bible

⁸ ယပှၤဂီၢ်မုၢ်သ့ၣ်ဧၢ, ကနၣ်တၢ်, ယတၢ်ဟ့ၣ်ပလီၢ် အံၣ်စရ့လးဧၢ, ယဆၢလၢနကဒိကနၣ်ယၤဆံးဒိၣ်လဲၣ်.

စံးထီၣ်ပတြၢၤ 81:8 Iomraidhean Croise

စံးထီၣ်ပတြၢၤ 50:7

ဒိကနၣ်, ယပှၤဂီၢ်မုၢ်သ့ၣ်ဧၢ, ဒီးယကတိၤတၢ်, အံၣ်စရ့လးဧၢ, ယကအုၣ်ယသးထီဒါနၤလီၤ. ယဲဒၣ်အံၤယမ့ၢ်ကစၢ်ယွၤ, နကစၢ်ယွၤလီၤ.

စံးထီၣ်ပတြၢၤ 81:13

ယဆၢလၢယပှၤဂီၢ်မုၢ်ကဒိကနၣ်ယၤဆံးဒိၣ်လဲၣ်. ယဆၢလၢအဝဲသ့ၣ်ကစူၢ်ယၤဆံးဒိၣ်လဲၣ်.

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်တၢ်ဟးထီၣ်ကွံာ် 17:7

တၢ်လီၢ်န့ၣ်ဘၣ်တၢ်ယုၢ်အမံၤလၢမးစၤ, ဒီးမရံၤဘါလီၤ. အဂ့ၢ်ဒ်အံၤ, ပှၤအံၣ်စရ့လးဖိတဖၣ်ကဒူးကဒ့ၣ်တၢ်ဒီးလ့ပစီ ယွၤဖဲအဝဲသ့ၣ်စံးဝဲ, “မ့ၢ်ယွၤအိၣ်ဒီးပှၤဧါ, မ့တမ့ၢ်တအိၣ်ဘၣ်ဧါ,” အဃိန့ၣ်လီၤ.

လံာ်တၢ်ဟးထီၣ်ကွံာ် 19:16

ဒီးလၢသၢသီတသီဂီၤခီန့ၣ်လီသီၣ်လီသဲဒီးလီဝၢ်ဒံး, ဒီးတၢ်အၢၣ်ဖးတီၣ်တလိၣ်အိၣ်ဖျါဝဲလၢကစၢၢ်ဒီခိၣ်န့ၣ်လီၤ. ဒီးကွဲၤသီၣ်ဖးဒိၣ်သတူၢ်ကလာ်ဟူထီၣ်ဝဲလီၤ. ကယဲၢ်ပှၤဂီၢ်မုၢ်ခဲလၢာ်လၢသူၣ်ဒဲအလီၢ်ကနိးကစုာ်ဝဲလၢတၢ် ပျံၤတၢ်ဖုးအဃိန့ၣ်လီၤ.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်တၢ်ဂံၢ် 20:13

တၢ်အံၤမၤတ့ၢ်အသးဖဲမရံၤဘါ, တၢ်လီၢ်ဖဲကီၢ်အံၣ်စရ့လးအပှၤ ဂီၢ်မုၢ်ကဒူးကဒ့ၣ်တၢ်ထီဒါယွၤဒီးဖဲယွၤဒုးနဲၣ်တ့ၢ်အဝဲသ့ၣ်လၢ အဝဲမ့ၢ်တၢ်စီဆှံန့ၣ်လီၤ.

လံာ်ယိၤဟၣ် 3:11

ယတဲဘၣ်နၤတီတီလိၤလိၤ, ပကတိၤတၢ်လၢပသ့ၣ်ညါ ဒီး ပပာ်ဖျါတၢ်လၢပထံၣ်, အန့ၣ်ဒၣ်လဲာ် သုဝဲလၢအသးအိၣ်တူၢ်လိာ်ပတၢ်ကစီၣ်တအိၣ်နီတဂၤဘၣ်.

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

လံာ်သိၣ်လီၤသီလီၤတၢ် 32:46

အဝဲစံးဝဲ, “မၤလီၤတံၢ်လၢသုကစူၢ်ကယဲၢ်တၢ်မၤလိာ်တဖၣ်အံၤ လၢယဟ့ၣ်လီၤသုတနံၤအံၤန့ၣ်တက့ၢ်. တဲကဒါက့ၤအီၤဆူသုဖိတဖၣ်, ဒ်သိးအဝဲသ့ၣ်ကစူၢ်ကယဲၢ်ကစၢ် ယွၤအတၢ်သိၣ်လိတဖၣ်လၢတၢ်သူၣ်တီသးရၤအပူၤတက့ၢ်.

လံာ်သိၣ်လီၤသီလီၤတၢ် 5:27

စီၤမိၤၡ့ဧၢ, က့ၤကဒါက့ၤ, ဒီးဒိကနၣ်တၢ်လၢယွၤ, ပကစၢ်ယွၤစံးဝဲခဲလၢာ်တက့ၢ်. အန့ၣ်ဝံၤဒီးဟဲကဒါက့ၤဒီး တဲဘၣ်ပှၤတၢ်လၢအဝဲဒၣ်စံးဘၣ်တ့ၢ်နၤတက့ၢ်. ပကဒိကနၣ်ဒီးစူၢ်အီၤန့ၣ်လီၤ.

၁ ယိၤဟၣ် 5:9

ပနာ်ပှၤကညီအတၢ်အုၣ်အသးဘၣ်ဆၣ်ဒီး, ကစၢ်ယွၤအတၢ်အုၣ်အသးန့ၣ်ဒိၣ်န့ၢ်အန့ၣ်တက့ၢ်, မ့ၢ်လၢအမ့ၢ်တၢ်အုၣ်အသးလၢကစၢ်ယွၤဟ့ၣ်တ့ၢ်လံ ပှၤဘၣ်ဃးဒီးအဖိခွါအဂ့ၢ်န့ၣ်လီၤ.