စံးထီၣ်ပတြၢၤ 81:7 - Sgaw Karen Common Bible

⁷ လၢသုဘၣ်တၢ်ကိၢ်တၢ်ဂီၤန့ၣ်သုကိးထီၣ်ယၤ, ဒီးယမၤပူၤဖျဲးသုလီၤ. ယစံးဆၢသုလၢလီသီၣ်အလီၢ်ခူသူၣ်, ဒီးယမၤကွၢ်သုဖဲမရံၤဘါအထံထီၣ်ပၢၢ်လီၤ. စ့လၤ

စံးထီၣ်ပတြၢၤ 81:7 Iomraidhean Croise

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

လံာ်တၢ်ဟးထီၣ်ကွံာ် 14:10

ဖဲပှၤအံၣ်စရ့လးဖိတဖၣ်ထံၣ်ဘၣ်စီၤပၤဒီးအသုးမုၢ်ဟဲဘူး ထီၣ်ဒ်သိးကထီဒါအီၤန့ၣ်, အဝဲသ့ၣ်ပျံၤတၢ်နးနးကလဲာ်ဒီး ကိးပသူထီၣ်ဆူယွၤအအိၣ်လၢတၢ်မၤစၢၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 14:24

ဘူးလၢမုၢ်ကဆ့ၣ်ထီၣ်ဂီၤထၢၣ်သၢန့ၣ်ယွၤကွၢ်လီၤတၢ်ဆူ ပှၤအဲၤကူပတူးဖိတဖၣ်အအိၣ်လၢမ့ၣ်အူဒီးတၢ်အၢၣ်အထူၣ်အလိၤ ဒီးမၤပျံၤမၤဖုးအဝဲသ့ၣ်နးနးကလဲာ်လီၤ.

လံာ်တၢ်ဟးထီၣ်ကွံာ် 19:19

ကွဲၤအကလုၢ်သီၣ်ဒိၣ်ထီၣ်ကွ့ၢ်ကွ့ၢ်လီၤ. ဒီးစီၤမိၤၡ့ကတိၤတၢ်ဒီးယွၤစံးဆၢအီၤလၢလီသီၣ်န့ၣ်လီၤ.

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်တၢ်ဟးထီၣ်ကွံာ် 6:6

လၢတၢ်န့ၣ်အဃိတဲဘၣ်ပှၤအံၣ်စရ့လးဖိတဖၣ်လၢယစံးဘၣ်အဝဲသ့ၣ်, ‘ယမ့ၢ်ယွၤလီၤ. ယကဒုးဟးထီၣ်ကွံာ်သုဒီးမၤထူၣ်ဖျဲးသုလၢပှၤ အဲၤကူပတူးဖိတဖၣ်အတၢ်မၢကဲကုၢ်သုန့ၣ်လီၤ. ယကယူာ်ထီၣ်ယစုဒုၣ်ဆူၣ်ဒီးဒုးလီၤဘၣ်တၢ်စံၣ်ညီၣ်လီၤ ပျံၤလီၤဖုးလၢအဝဲသ့ၣ်အလိၤဒီးယကအုၣ်က့ၤခီၣ်က့ၤသုလီၤ.

လံာ်ယံးရမံယၤ 16:14

ယွၤစံးဝဲဒၣ်, “တၢ်ဆၢကတီၢ်ဟဲဝဲဖဲပှၤဂီၢ်မုၢ်တ ဆိၣ်လီၤလၢၤအသးလၢယမံၤအပူၤဒီးပာ်ယၤဒ်အမ့ၢ်ကစၢ်ယွၤလၢ အမူဝဲလၢအဟဲစိာ်ထီၣ်ကွံာ်ကီၢ်အံၣ်စရ့လးအပှၤ ဂီၢ်မုၢ်လၢကီၢ်အဲၤကူပတူးအပူၤန့ၣ်ဘၣ်လီၤ.

လံာ်တၢ်ဂံၢ် 20:13

တၢ်အံၤမၤတ့ၢ်အသးဖဲမရံၤဘါ, တၢ်လီၢ်ဖဲကီၢ်အံၣ်စရ့လးအပှၤ ဂီၢ်မုၢ်ကဒူးကဒ့ၣ်တၢ်ထီဒါယွၤဒီးဖဲယွၤဒုးနဲၣ်တ့ၢ်အဝဲသ့ၣ်လၢ အဝဲမ့ၢ်တၢ်စီဆှံန့ၣ်လီၤ.

လံာ်တၢ်ဂံၢ် 20:24

“စီၤအၤဟရိၣ်န့ၣ်တဘၣ်လဲၤနုာ်ဆူကီၢ်တဘ့ၣ်လၢယအၢၣ်လီၤတ့ၢ် လၢယကဟ့ၣ်ပှၤအံၣ်စရ့လးဖိတဖၣ်န့ၣ်ဘၣ်လီၤ. အဝဲကသံလီၤ. အဂ့ၢ်ဒ်အံၤ, သုဝဲခံဂၤလိာ်သုပူထီၣ်ထီဒါယတၢ်မၤလိာ်ဖဲမရံၤဘါန့ၣ်လီၤ.

လံာ်သိၣ်လီၤသီလီၤတၢ် 33:8

ဘၣ်ဃးဒီးလ့ၤဝံအဒူၣ်အဂ့ၢ်န့ၣ်, အဝဲစံးဝဲ, “နဲဒၣ်, ယွၤဧၢ, လီၣ်ဖျါထီၣ်နတၢ်ဘၣ်နသးလၢအူရံၣ်ဒီးတူမံၣ်, ခီဖျိပှၤလ့ၤဝံဖိတဖၣ်လၢအမ့ၢ်နခ့နပှၤတဖၣ်လၢအသူၣ်တီသးရၤ န့ၣ်တက့ၢ်. နဒုးလီၤဘၣ်အဝဲသ့ၣ်လၢတၢ်မၤကွၢ်အပူၤဖဲမးစၤ ဒီးအုၣ်တ့ၢ်နသးလၢအဝဲသ့ၣ်အဂီၢ်ဒ်ပှၤတဖၣ်အသိးဖဲထံမရံၤဘါ န့ၣ်လီၤ.

လံာ်သိၣ်လီၤသီလီၤတၢ် 5:6

ယမ့ၢ်ယွၤ, သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢ ကီၢ်အဲၤကူပတူးဖဲသုမ့ၢ်တ့ၢ်ကုၢ်တဖၣ်န့ၣ်လီၤ.