စံးထီၣ်ပတြၢၤ 81:2 - Sgaw Karen Common Bible

² စးထီၣ်တၢ်သးဝံၣ်, ပှီၢ်ဒၢဖိတဖၣ်, ဒီးဒ့တၢ်သးဝံၣ်အမုာ်လၢသီတူၢ်ဒီးတနၢ်

စံးထီၣ်ပတြၢၤ 81:2 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 5:13

ပှၤသးဝံၣ်တၢ်ဖိတဖၣ်သးဝံၣ်တၢ်အိၣ်ဒီးတၢ်ဃူဃီၣ်လီၤပလိာ်အလၢ အပှဲၤလၢအမုာ်မးဘၣ်လိာ်ဖိးဒ့လိာ်အသးဒီးကွဲၤတဖၣ်, စှၢၣ်စှံးတဖၣ်ဒီးတၢ်ဒ့တၢ်အူအပိးအလီအဂၤတဖၣ်အသီၣ်, ဖဲအဝဲသ့ၣ်သးဝံၣ်စံးထီၣ်ပတြၢၤယွၤဒီးစံး, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. ဒီးအဝဲအတၢ်အဲၣ်န့ၣ်မ့ၢ်တၢ်အဲၣ်အထူ အယိာ်လီၤ.” သတူၢ်ကလာ်တၢ်လုၢ်ဟံၣ်န့ၣ်ဘၣ်တၢ်မၤပှဲၤအီၤဒီးတၢ် အၢၣ်လၢအကပီၤဝဲဒီးယွၤအတၢ်အိၣ်ဝဲအတၢ်ကပြုၢ်ကပြီၤန့ၣ်လီၤ.

လံာ်စီၤနဃ့မယၤ 12:42

ဒီးပှၤလၢအပိာ်ထီၣ်အဝဲသ့ၣ်အခံမ့ၢ်ဝဲစီၤမၤစ့ယၤ, စီၤၡမါယၤ, စီၤအလၤဧစၢ်, စီၤဧူၤစံ, စီၤယိဃၤနၣ်, စီၤမၤလကံယၤ, စီၤဧ့ၤလၣ်ဒီးစီၤဧ့စ့ၢ်န့ၣ်လီၤ. ပှၤသးဝံၣ်တၢ်ဖိတဖၣ်လၢ အဘၣ်တၢ်ဆှၢအီၤလၢစီၤယံးစရၤဃယၤန့ၣ်သးဝံၣ်တၢ်လၢအကလုၢ်ဖး ဒိၣ်န့ၣ်လီၤ.

စံးထီၣ်ပတြၢၤ 59:17

ယဂံၢ်ယဘါဧၢ, ယကသးဝံၣ်စံးထီၣ်ပတြၢၤနၤလီၤ. နဲဒၣ်ကစၢ်ယွၤဧၢ, နမ့ၢ်ယတၢးထီၣ်ထီ, ကစၢ်ယွၤလၢအအဲၣ်ယၤလီၤ.

စံးထီၣ်ပတြၢၤ 92:3

အိၣ်ဒီးတၢ်ဒ့သနၢ်လၢ အပျံၤအိၣ်ဆံဆဲၣ်ဘိဒီး တၢ်သးဝံၣ်မုာ်လၢသီတူၢ်အလိၤန့ၣ်, မ့ၢ်အဂ့ၤဆံးဒိၣ်လဲၣ်.

လံာ်တၢ်ဟးထီၣ်ကွံာ် 15:20

ဝံမုၣ်နီၢ်မံးရယၣ်လၢအမ့ၢ်စီၤအၤဟရိၣ်အဒီပုၢ်ဝဲၢ်မုၣ်ဟံး ထီၣ်အဒၢတြုၤလၢအစုပူၤဒီးကယဲၢ်ပိာ်မုၣ်ခဲလၢာ်, ပိာ်ထီၣ်အခံအိၣ်ဒီးဒၢတြုၤတဖၣ်ဒီးဂဲၤကလံာ်ဝဲလီၤ.

လံာ်မၢ်ကူး 14:26

အန့ၣ်ဒီးအဝဲသ့ၣ်သးဝံၣ်ထါစံးပတြၢၤယွၤတယုၢ်ဝံၤဟးထီၣ် ဝဲဒီးလဲၤဝဲဆူကစၢၢ်သ့ၣ်စၤယံးအဒီခိၣ်န့ၣ်လီၤ.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.