စံးထီၣ်ပတြၢၤ 81:12 - Sgaw Karen Common Bible

¹² အဃိ, ယပျဲလဲၤအဝဲသ့ၣ်ဆူအသးအၢအကျဲပူၤ ဒီးဒုးမၤအီၤတၢ်လၢ အအဲၣ်ဒိးဝဲန့ၣ်လီၤ.

စံးထီၣ်ပတြၢၤ 81:12 Iomraidhean Croise

လံာ်တၢ်ကဲထီၣ်အခီၣ်ထံး 6:3

တုၤနုၤတစုယွၤစံးဝဲဒၣ်, “ယတပျဲပှၤကညီတဖၣ်ကအိၣ်မူဝဲ လီၤစိၤလီၤထီန့ၣ်ဘၣ်. အဝဲသ့ၣ်မ့ၢ်ပှၤသံသ့တဖၣ်လီၤ. စးထီၣ်ခဲကနံၣ်အံၤဒီးဆူညါအဝဲသ့ၣ်ကအိၣ်မူတအါန့ၢ်ဘၣ် အနံၣ်တကယၤခံဆံဘၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 18:12

ၡၤမရံလီၤကွံာ်ဝဲ, မ့ၢ်လၢပှၤအံၣ်စရ့လးဖိတဖၣ်တစူၢ်ယွၤ, အဝဲသ့ၣ်အကစၢ်ယွၤဘၣ်, မ့မ့ၢ်ဘိးဃၣ်ကွံာ်တၢ်အၢၣ်လီၤအီလီၤလၢ ယွၤမၤတ့ၢ်ဒီးအဝဲသ့ၣ်, ဒီးတစူၢ်ဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်တၢ် ဟ့ၣ်လီၤလၢယွၤအခ့အပှၤစီၤမိၤၡ့အဃိန့ၣ်လီၤ. အဝဲသ့ၣ်တဒိကနၣ်တၢ်ဒီးတစူၢ်တၢ်ဘၣ်.

လံာ်စီၤနဃ့မယၤ 9:16

ဘၣ်ဆၣ်ပမိၢ်ပၢ်ဖံဖုလၢပျၢၤတဖၣ်ပာ်ထီၣ်ထီအသးဒီးအ သးကိၤဝဲ, ဒီးဂ့ၢ်လိာ်တ့ၢ်လၢကစူၢ်နတၢ်မၤလိာ်တဖၣ်န့ၣ်လီၤ.

လံာ်စီၤယိၤဘး 8:4

နဖိနလံၤတဖၣ်ကမၤတၢ်ဒဲးဘးထီဒါကစၢ်ယွၤသ့ၣ်သ့ၣ်အဃိ ဒီးကစၢ်ယွၤစံၣ်ညီၣ်အဝဲသ့ၣ်ဒ်အကြၢးဒိးဘၣ်တၢ်န့ၣ်လီၤ.

လံာ်တၢ်ဟးထီၣ်ကွံာ် 11:9

ဒီးယွၤစံးဘၣ်စီၤမိၤၡ့, “စီၤပၤကဂ့ၢ်လိာ်ထွဲဒံးလၢကဒိ ကနၣ်သု, ဒ်သိးယကမၤအါထီၣ်တၢ်လီၤလးလၢကီၢ်အဲၤကူပတူးအပူၤန့ၣ်လီၤ.”

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 30:9

အဝဲသ့ၣ်ပူထီၣ်ထီဒါကစၢ်ယွၤထီဘိ, လီတၢ်ထီဘိဒီးဂ့ၢ်လိာ် လၢအကဒိကနၣ်ယွၤအတၢ်သိၣ်လိသီလိတဖၣ်ထီဘိန့ၣ်လီၤ.

လံာ်ယၡါယၤ 42:24

မတၤဟ့ၣ်လီၤကွံာ်ကီၢ်အံၣ်စရ့လးဆူပှၤဂုာ်ဆူၣ်ပျီဆူၣ်တၢ်တဖၣ် အစုပူၤလဲၣ်. မ့ၢ်ယွၤအနီၢ်ကစၢ်ဒၣ်ဝဲလၢပမၤတၢ်ဒဲးဘးထီဒါအီၤ တဂၤန့ၣ်လီၤ. ပတအိၣ်မူတ့ၢ်ပဝဲဒ်အဝဲအဲၣ်ဒိးလၢပကအိၣ်မူအသိး မ့ၢ်ဂ့ၤ, စူၢ်တၢ်သိၣ်လိတဖၣ်လၢအဝဲဟ့ၣ်လီၤတ့ၢ်ပှၤမ့ၢ်ဂ့ၤန့ၣ်ဘၣ်.

လံာ်ယံးရမံယၤ 42:21

ဒီးခဲအံၤယတဲဘၣ်သု, ဘၣ်ဆၣ်ဒီး တၢ်ကိးမံၤဒဲးလၢယွၤ ကစၢ်ယွၤမၢလီၤယၤလၢ ယကတဲဘၣ်သုန့ၣ် သုတစူၢ်အီၤဘၣ်.

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ယဃ့းစက့လး 20:8

ဘၣ်ဆၣ်အဝဲသ့ၣ်ခီၣ်ဆၢယၤဒီးဂ့ၢ်လိာ်ဝဲလၢကဒိကနၣ်တၢ်အဂီၢ် လီၤ. အဝဲသ့ၣ်တစူးကွံာ်ဘၣ်အတၢ်ဂီၤတၢ်ဖီၣ်တဖၣ်လၢအလီၤသးဘၣ် အၢမ့ၢ်ဂ့ၤတပာ်တ့ၢ်ကွံာ်ကီၢ်အဲၤကူပတူးအကစၢ်တဖၣ်မ့ၢ်ဂ့ၤန့ၣ်ဘၣ်. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးဒိၣ်ထီၣ်အသဟီၣ်လၢအဆူၣ်ဝဲဖဲန့ၣ်, လၢကီၢ်အဲၤကူပတူးအပူၤန့ၣ်လီၤ.

လံာ်ဟိၤၡ့ 9:17

ကစၢ်ယွၤလၢယမၤအတၢ်န့ၣ်ကစူးကွံာ်ညိကွံာ်အပှၤဂီၢ်မုၢ်, မ့ၢ်လၢအဝဲသ့ၣ်တဒိကနၣ်အီၤအဃိန့ၣ်လီၤ. အဝဲသ့ၣ်ကကဲထီၣ်ပှၤဟးဝ့ၤဝီၤတဖၣ်လၢပှၤကလုာ်တဖၣ်အကျါန့ၣ် လီၤ.

လံာ်တၢ်ဘူၣ်ထီၣ်ဘါထီၣ် 26:14

ဒီးယွၤစံးဝဲဒၣ်, “သုမ့ၢ်တဒိကနၣ်ယတၢ်မၤလိာ်တဖၣ်န့ၣ်သုကဘၣ်တၢ်စံၣ်ညီၣ်န့ၣ်လီၤ.

မၤတၢ် 14:16

လၢအပူၤကွံာ်န့ၣ်, အဝဲဒၣ်ပျဲပှၤကိးကလုာ်ဒဲးလဲၤဖဲအသးမၤဖဲ အသးဒၣ်ဝဲလီၤ.

မၤတၢ် 7:42

အန့ၣ်ဒီးကစၢ်ယွၤဃၣ်ကွံာ်အသးလၢအဝဲသ့ၣ်ဒီးဟ့ၣ်လီၤ ကွံာ်အီၤဆူတၢ်ဘူၣ်ထီၣ်ဘါထီၣ်ဆၣ်တဖၣ်လၢမူကပိာ်လိၤန့ၣ် အပူၤ, ဒ်တၢ်အိၣ်ကွဲးအသးလၢဝံတဖၣ်အလံာ်အပူၤအသိး, ‘ပှၤအံၣ်စရ့လးဖိသ့ၣ်ဧၢ, လၢအနံၣ်လွံၢ်ဆံအတီၢ်ပူၤ, ဖဲသုအိၣ်လၢပှၢ်မုၢ်ကနၢအကတီၢ်န့ၣ်, မ့ၢ်သုမၤသံဆၣ်ဖိကီၢ်ဖိ, ဒီးလုၢ်ထီၣ်ပာ်ထီၣ်အီၤဆူယအိၣ်စ့ၢ်ကီးဧါ.

ရိမ့ၤ 1:24

လၢတၢ်အံၤအဃိ, ကစၢ်ယွၤဟ့ၣ်လီၤကွံာ်အဝဲသ့ၣ်ဆူ တၢ်ဘၣ်အၢဘၣ်သီတဖၣ်လၢအဝဲသ့ၣ်သးအိၣ်မၤဝဲအအိၣ်, ဒီးတၢ်လၢအဝဲသ့ၣ်မၤလိာ်အသးတဂၤဒီးတဂၤတဖၣ်န့ၣ်, လီၤမဲာ်ဆှးမးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:19

ပှၤဂီၢ်မုၢ်တကနၣ်ဃုာ်စီၤၡမူၤအ့လးနီတစဲးဘၣ်. မ့မ့ၢ်အဝဲသ့ၣ်စံးဝဲ, “အတွးတအိၣ်ဘၣ်. ပသးလီစီၤပၤတဂၤ,