စံးထီၣ်ပတြၢၤ 80:9 - Sgaw Karen Common Bible

⁹ နမၤပျီတၢ်လီၢ်လၢအဂီၢ်, ဒီးစဲၤလီၤဝဲအဂံၢ်, ဒီးမၤပှဲၤထံဧိၤကီၢ်ဧိၤလီၤ.

စံးထီၣ်ပတြၢၤ 80:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:10

ယဃုထၢတ့ၢ်တၢ်လီၢ်တတီၤလၢပှၤဂီၢ်မုၢ်အံၣ်စရ့လးအဂီၢ် ဒီးသူၣ်လီၤဆီလီၤအဝဲသ့ၣ်ဖဲန့ၣ်, ဖဲအဝဲသ့ၣ်ကအိၣ်ဆိးဝဲ တအိၣ်ဘၣ်ဒီးတၢ်မၤအၢမၤနးအီၤနီတစုဘၣ်န့ၣ်လီၤ. စးထီၣ်လၢအဝဲသ့ၣ်နုာ်လီၤဆူကီၢ်အံၤအပူၤလံၤလံၤန့ၣ်, အဝဲသ့ၣ်ဘၣ်တၢ်ဒုးအီၤလၢပှၤမၤတၢ်လၢတၢ်စုဆူၣ်ခီၣ်တကးအပူၤ တဖၣ်လီၤ.

လံာ်စီၤပၤအခီၣ်ထံးတဘ့ၣ် 4:20

ကီၢ်ယူဒၤဒီးကီၢ်အံၣ်စရ့လးအပှၤဂီၢ်မုၢ်အနီၣ်ဂံၢ်အါဝဲဒ်မဲး ဧိၤဟီၣ်ဧိၤလၢပီၣ်လဲၣ်နံၤအသိးဒီးအဝဲသ့ၣ်အီၣ်တၢ်, အီတၢ်ဒီးသူၣ်ဖှံသးညီဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:25

ဖဲစီၤၡလိၤမိၤအိၣ်မူသးဝးဝဲအဆၢကတီၢ်န့ၣ်, ပှၤဂီၢ်မုၢ်လၢကီၢ်ယူဒၤဒီးကီၢ်အံၣ်စရ့လးသကုၤဆးဒးအိၣ်ဝဲ ဆိးဝဲလၢတၢ်ဘံၣ်တၢ်ဘၢအပူၤ, ဟံၣ်ဖိဃီဖိတဒူၣ်ဘၣ်တဒူၣ်အိၣ်ဒီးအစပံးအမုၢ်တဖၣ်ဒီးအချၢၣ် ဒၢအထူၣ်တဖၣ်ဒၣ်ဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:5

အဝဲပာ်ဖျါန့ၢ်ဆူစီၤပၤဒၤဝံးလၢပှၤပိာ်ခွါလၢအမၤတၢ်လၢ သုးအပူၤသ့အတၢ်ဂံၢ်ခဲလၢာ်မ့ၢ်ဝဲ, ပှၤအဂၤ ဆံတကလီၢ် လၢအံၣ်စရ့လးအပူၤဒီးအဂၤ လွံၢ်ကလီၢ်နွံကလး လၢယူဒၤအပူၤန့ၣ်လီၤ.

စံးထီၣ်ပတြၢၤ 105:44

အဝဲဒၣ်ဟ့ၣ်အဝဲသ့ၣ်လၢ ပှၤဂီၢ်မုၢ်အဂၤအထံအကီၢ်တဖၣ်, ဒီးပျဲအဟံးန့ၢ်ကွံာ်အစံာ်ဧိၤပှဲၤဧိၤတဖၣ်,

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

လံာ်ယၡါယၤ 27:2

တၢ်လၢမုၢ်တနံၤန့ၣ်, ယွၤကစံးတၢ်ဘၣ်ဃးအစပံးထံလီၢ်လၢ အမုာ်,

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 37:31

ပှၤလၢအအိၣ်မူတ့ၢ်ဒံးဝဲလၢကီၢ်ယူဒၤအပူၤတဖၣ်န့ၣ်ကဘီၣ်ထီၣ် ညီထီၣ်ဝဲဒ်တၢ်မုၢ်တၢ်ဘိတဖၣ်လၢအစဲၤလီၤအဂံၢ်ယိာ်ယိာ်ဆူ ဟီၣ်ခိၣ်လာ်ဒီးဟ့ၣ်ထီၣ်တၤသၣ်အသိးန့ၣ်လီၤ.

လံာ်ယၡါယၤ 5:2

အဝဲခူၣ်ကဖီထီၣ်ဟီၣ်ခိၣ်ဒီးထုးထီၣ်ကွံာ်လၢၢ်ဖိတဖၣ် ဒီးသူၣ်လီၤဖျးလီၤစပံးမုၢ်အဂ့ၤကတၢၢ်တဖၣ်လီၤ. အဝဲဘှီထီၣ်ပၢၤတၢ်အလီၢ်လၢတၢ်ပၢၤစပံးမုၢ်တဖၣ်အဂီၢ် ဒီးခူၣ်လီၤတၢ်ပူၤတပူၤလၢတၢ်ယီၢ်စပံး သၣ်တဖၣ်အဂီၢ်လီၤ. အဝဲခိးဝဲဒ်သိးစပံးသၣ်တဖၣ်ကမံထီၣ်အဂီၢ်, ဘၣ်ဆၣ်စပံးသၣ်ကိးဖျၢၣ်ဒဲးန့ၣ်ဆံၣ်ဝဲလီၤ.

လံာ်ယံးရမံယၤ 12:2

နသူၣ်လီၤအဝဲသ့ၣ်, ဒီးအဝဲသ့ၣ်အဂံၢ်စဲၤလီၤအသးလီၤ. အဝဲသ့ၣ်ဒိၣ်ထီၣ်ဒီးသူထီၣ်သၣ်ထီၣ်ဝဲလီၤ. အဝဲသ့ၣ်ကတိၤဂ့ၤနၤထီဘိ, သနာ်က့, အဝဲသ့ၣ်တသူၣ်အိၣ်သးအိၣ်ဘၣ်နၤနီၢ်နီၢ်ဘၣ်.

လံာ်ယံးရမံယၤ 2:21

ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်စီၤယိၤၡူ 24:12

ဖဲသုထီၣ်တၢ်ဒုးန့ၣ်, ယမၤပျံၤမၤဖုးအဝဲသ့ၣ်ဒ် သိးပှၤအမိၢ်အစီၤပၤခံဂၤကဘၣ်တၢ်နီၣ်ထီၣ်ဟီထီၣ်ကွံာ်အီၤ အဂီၢ်န့ၣ်လီၤ. တမ့ၢ်လၢသုနးဧိၤဘီဧိၤဒီးချံၣ်ဧိၤပျၢ်ဧိၤအဃိဘၣ်.