စံးထီၣ်ပတြၢၤ 80:8 - Sgaw Karen Common Bible

⁸ နဟဲစိာ်စပံးအမုၢ်တမုၢ်လၢကီၢ်အဲၤကူပတူးအပူၤ, နဟီထီၣ်ကွံာ်ပှၤကလုာ်တဖၣ်ဒီး သူၣ်လီၤစပံးမုၢ်အံၤလၢအဝဲသ့ၣ်အကီၢ်ပူၤလီၤ.

စံးထီၣ်ပတြၢၤ 80:8 Iomraidhean Croise

စံးထီၣ်ပတြၢၤ 31:17

ယကိးထီၣ်နၤ, ယွၤဧၢ, ပျဲယဘၣ်တၢ်မဲာ်ဆှးတဂ့ၤ. မ်ပှၤအၢပှၤသီသ့ၣ်တဖၣ် ဘၣ်တၢ်မၤမဲာ်ဆှးအီၤတက့ၢ်. မ်အဝဲသ့ၣ်လဲၤလီၤဘှီၣ်ကလာ်ဆူ တၢ်သံအကီၢ်ပူၤန့ၣ်တက့ၢ်.

စံးထီၣ်ပတြၢၤ 44:2

လၢနစုဒၣ်နဲနနီၣ်ဟးထီၣ်ကွံာ်ပှၤတဘူၣ် ထီၣ်ဘါထီၣ်နၤသ့ၣ်တဖၣ်, ဒီးပာ်လီၤနပှၤဂီၢ်မုၢ်လၢ အဝဲသ့ၣ်အကီၢ်ပူၤဒ်လဲၣ်, နစံၣ်ညီၣ်ဃၣ်ပှၤကလုာ်ဂၤတဖၣ် ဒီးဒုးဘီၣ်ထီၣ်ညီထီၣ်နပှၤဂီၢ်မုၢ်ဒၣ်နဲဒ်လဲၣ်န့ၣ်လီၤ.

စံးထီၣ်ပတြၢၤ 60:3

နဒုးတူၢ်တ့ၢ်လံနပှၤဂီၢ်မုၢ်လၢ တၢ်ကီတၢ်ခဲသ့ၣ်တဖၣ်, နဟ့ၣ်တ့ၢ်လံပှၤစပံးထံလၢပကအီဒီး ကမၤမူၤပှၤန့ၣ်လီၤ.

စံးထီၣ်ပတြၢၤ 78:55

အဝဲဟီထီၣ်ကွံာ်ပှၤကလုာ်တဖၣ်လၢအပှၤဂီၢ်မုၢ် အမဲာ်ညါ ဒီးနီၤလီၤအထံအကီၢ်ဆူ အပှၤဂီၢ်မုၢ်ဒ် တၢ်န့ၢ်သါအသိးလၢအဝဲသ့ၣ်အဂီၢ်, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ် လၢအဝဲသ့ၣ်အဟံၣ်ပူၤန့ၣ်လီၤ.

လံာ်ယံးရမံယၤ 12:10

ပှၤတခီဘီမုၢ်ဖိအါဂၤမၤဟးဂီၤကွံာ်ယစပံးအလီၢ်လံ. အဝဲသ့ၣ်ယီၢ်တံၢ်လီၤယစံာ်ပျီတဖၣ်လံ. ဒီးအဝဲသ့ၣ်ဒုးကဲထီၣ်ယထံကီၢ်လၢအဃံလၤန့ၣ်ဆူမဲးမုၢ်ခိၣ်တတီၤလံ.

လံာ်ယံးရမံယၤ 2:21

ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်ယဃ့းစက့လး 15:6

ဒီးခဲအံၤ, တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဒ်စပံးမုၢ်တမုၢ်ဘၣ်တၢ်ဟံးထီၣ်ကွံာ်အီၤလၢပှၢ်လၢ်ကျါဒီးဘၣ် တၢ်ဒွဲၣ်အူကွံာ်အီၤအသိးန့ၣ်, ယကဟံးန့ၢ်ပှၤဂီၢ်မုၢ်လၢအအိၣ်ဆိးလၢဝ့ၢ်ယရူၤၡလ့ၣ်အပူၤ,

လံာ်ယဃ့းစက့လး 17:6

တၢ်မုၢ်တၢ်ဘိန့ၣ်ဒိးပဒုၣ်ထီၣ်ဒီးကဲထီၣ်စပံးမုၢ်အဖုၣ်တမုၢ် လၢအခိၣ်ကဟုဒီးတယၢ်ထီၣ်အသးန့ၣ်လီၤ. အဒ့တဖၣ်ဒိၣ်ထီၣ်ဆူထးခီဆူလံာ်ကြီကြာ်အအိၣ်, ဒီးအဂံၢ်တဖၣ်စဲၤလီၤအသးယိာ်ဝဲလီၤ. စပံးမုၢ်န့ၣ်ပှဲၤဝဲဒီးအဒ့တဖၣ်ဒီးအလၣ်တဖၣ်န့ၣ်လီၤ.

လံာ်ယဃ့းစက့လး 19:10

သုမိၢ်လီၤဂာ်ဒီးစပံးမုၢ်တမုၢ်လၢတၢ်သူၣ်လီၤအီၤဘူးဒီးထံ ကျိဖိတဘိန့ၣ်လီၤ. မ့ၢ်လၢဖဲန့ၣ်ထံအိၣ်ဝဲဒၣ်အါမးအဃိစပံးမုၢ် န့ၣ်ပှဲၤဝဲဒီးအလၣ်တဖၣ်ဒီးအသၣ်န့ၣ်လီၤ.

မၤတၢ် 7:45

ဒဲန့ၣ်ဘၣ်တၢ်ဟ့ၣ်လီၤအီၤဆူပမိၢ်ပၢ်ဖံဖုလၢပျၢၤတဖၣ် အစုပူၤတဆီဘၣ်တဆီ, ဒီးအဝဲသ့ၣ်စိာ်ဃုာ်ဝဲဖဲအလဲၤတၢ်ဒီး စီၤယိၤၡူဒီးမၤန့ၢ်ဝဲပှၤကလုာ်လၢကစၢ်ယွၤဟီထီၣ်ကွံာ်အီၤတဖၣ် အထံအကီၢ်န့ၣ်လီၤ. ဒီးဒဲန့ၣ်အိၣ်ဝဲဖဲကီၢ်န့ၣ်အပူၤတုၤလီၤလၢ စီၤဒၤဝံးအစိၤတစုလီၤ.

လံာ်စီၤယိၤၡူ 13:6

အဝဲအံၤပၣ်ဃုာ်ဒီးပှၤစံဒိၣ်ဖိအကီၢ်ခဲလၢာ်, ပှၤစံဒိၣ်ဖိလၢအအိၣ်လၢကစၢၢ်ကလိလၢလဘၤနိၣ်ဒီး မံးစြဖိးမၤယံၣ်အဘၢၣ်စၢၤန့ၣ်လီၤ. ယကဟီထီၣ်ကွံာ်ပှၤသ့ၣ်တဖၣ်အံၤခဲ လၢာ်ဖဲပှၤအံၣ်စရ့လးဖိတဖၣ်ဟဲထီၣ်ဝဲအခါန့ၣ်လီၤ. နကဘၣ်နီၤဖးထံဧိၤကီၢ်ဧိၤလၢပှၤအံၣ်စရ့လးဖိတဖၣ်အကျါဒ်ယမၤ လိာ်တ့ၢ်နၤအသိးန့ၣ်လီၤ.