စံးထီၣ်ပတြၢၤ 80:15 - Sgaw Karen Common Bible

¹⁵ ဟဲဒီးအုၣ်က့ၤခီၣ်က့ၤ စပံးမုၢ်လၢ နသူၣ်လီၤတ့ၢ်အီၤ, စပံးမုၢ်ဖိလၢနဒုးဒိၣ်ထီၣ်ဆူၣ်ထီၣ်အီၤအံၤတက့ၢ်.

စံးထီၣ်ပတြၢၤ 80:15 Iomraidhean Croise

စံးထီၣ်ပတြၢၤ 80:8

နဟဲစိာ်စပံးအမုၢ်တမုၢ်လၢကီၢ်အဲၤကူပတူးအပူၤ, နဟီထီၣ်ကွံာ်ပှၤကလုာ်တဖၣ်ဒီး သူၣ်လီၤစပံးမုၢ်အံၤလၢအဝဲသ့ၣ်အကီၢ်ပူၤလီၤ.

စံးထီၣ်ပတြၢၤ 89:21

ဒ်သိးယစုကအိၣ်ဂၢၢ်ဆိးကျၢၤဒီးအီၤထီဘိ, ဒီးယစုဒုၣ်ကဒုးဆူၣ်ထီၣ်အီၤစ့ၢ်ကီးန့ၣ်လီၤ.

စံးထီၣ်ပတြၢၤ 90:13

နတၢ်သးထီၣ်ကယံာ်ဒံးဝဲဆံးယံာ်လဲၣ်. ယွၤဧၢ, သူၣ်ကညီၤသးကညီၤလၢ် နခ့နပှၤတဖၣ်န့ၣ်တက့ၢ်.

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 49:5

တချုးလၢယအိၣ်ဖျဲၣ်ထီၣ်ဒံးဘၣ်န့ၣ်, ယွၤဃုထၢပာ်ထီၣ်ယၤလီၤ. အဝဲဒုးကဲထီၣ်ယၤလၢအခ့အပှၤလၢကဟဲက့ၤစိာ်က့ၤအပှၤဂီၢ်မုၢ်, လၢယကဟဲက့ၤစိာ်က့ၤအံၣ်စရ့လးအပှၤဂီၢ်မုၢ်လၢ အလီၤပြံလီၤပြါတဖၣ်န့ၣ်လီၤ. ယွၤဟ့ၣ်ယၤတၢ်လၤတၢ်ကပီၤလီၤ. အဝဲဒၣ်မ့ၢ်ယတၢ်ဂံၢ်တၢ်ဘါအဂံၢ်ထံးလီၤ.

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်ယံးရမံယၤ 2:21

ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်သးသယုၢ်တၢ် 3:50

တုၤလၢယွၤကွၢ်လီၤဝဲလၢမူခိၣ်ဒီးထံၣ်ပှၤန့ၣ်လီၤ.

လံာ်စကၤရယၤ 3:8

ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဧၢ, ဒိကနၣ်တက့ၢ်. အတံၤသကိးကဒဲကဒဲပှၤလုၢ်တၢ်အခိၣ်တဖၣ်, သုဝဲလၢအမ့ၢ်တၢ်ပနီၣ်အဂ့ၤတမံၤလၢခါဆူညါအဂီၢ်သ့ၣ်ဧၢ, ဒိကနၣ်တက့ၢ်. ယကလီၣ်ဖျါထီၣ်ယခ့ယပှၤ, လၢအဘၣ်တၢ်ကိးအီၤလၢတၢ်အဒ့န့ၣ်လီၤ.

လံာ်စကၤရယၤ 6:12

တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

လံာ်မၢ်ကူး 12:1

အန့ၣ်တစု, ယ့ၣ်ၡူးစံးကတိၤကဒီးတၢ်ဒီးပှၤတဖၣ်န့ၣ်လၢတၢ် ကတိၤဒိတဖၣ်လီၤ. တဘျီပှၤအိၣ်ဝဲတဂၤလၢအသူၣ်စပံးမုၢ်တဖၣ်လၢစပံးလီၢ်တလီၢ် အပူၤ, ကရၢဃာ်အစပံးလီၢ်ဝးတရံး, ခူၣ်လီၤဆၢၣ်ဝဲတၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဝံၤဘှီထီၣ်ဝဲတၢ်လီၢ်ကစီၤထီၣ်ဖးထီတခါလီၤ. အန့ၣ်ဝံၤ, ဒိးလဲလီၤဝဲအစပံးလီၢ်လၢပှၤဒိးလဲအီၣ်တၢ်တဖၣ်အစုပူၤ ဒီးလဲၤဝဲဆူတခီထံတခီကီၢ်န့ၣ်လီၤ.

လံာ်ယိၤဟၣ် 15:1

ယဲဒၣ်အံၤယမ့ၢ်စပံးမုၢ်နီၢ်နီၢ်, ဒီးယပၢ်မ့ၢ်ပှၤပၢၤစပံးမုၢ် အလီၢ်လီၤ.

လံာ်သိၣ်လီၤသီလီၤတၢ် 26:15

ကွၢ်လီၤတၢ်လၢနလီၢ်စီဆှံလၢမူခိၣ်ဒီးဆိၣ်ဂ့ၤနပှၤဂီၢ်မုၢ် အံၣ်စရ့လးတက့ၢ်. ဆိၣ်ဂ့ၤစ့ၢ်ကီးကီၢ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ လၢနဟ့ၣ်လီၤပှၤ, ဒ်နအၢၣ်လီၤတ့ၢ်ပမိၢ်ပၢ်ဖံဖုလၢပျၢၤတဖၣ်အသိးန့ၣ်တက့ၢ်.