စံးထီၣ်ပတြၢၤ 79:8 - Sgaw Karen Common Bible

⁸ သိၣ်ဃီၣ်ပှၤလၢ, ပမိၢ်ပၢ်ဖံဖုလၢပျၢၤသ့ၣ်တဖၣ်အတၢ်ဒဲးဘး အဃိန့ၣ်တဂ့ၤ. သူၣ်ကညီၤသးကညီၤလၢ်ပှၤခဲအံၤတက့ၢ်. ကယဲၢ်ပတၢ်မုၢ်လၢ်ခဲလၢာ်, လၢာ်ကွံာ်တ့ၢ်လံ.

စံးထီၣ်ပတြၢၤ 79:8 Iomraidhean Croise

လံာ်တၢ်ကဲထီၣ်အခီၣ်ထံး 15:16

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

စံးထီၣ်ပတြၢၤ 106:43

ယွၤမၤပူၤဖျဲးအပှၤဂီၢ်မုၢ်အါဘျီဘၣ်ဆၣ်ဒီး အဝဲသ့ၣ်ဃုထၢပူထီၣ်ထီဒါအီၤ, ဒီးလီၤဘျၢယိာ်ထီၣ်လၢ တၢ်ဒဲးဘးအပူၤလီၤ.

စံးထီၣ်ပတြၢၤ 116:6

ယွၤကဟုဘံၣ်ကယာ်ဘၢပှၤလၢ တၢ်မၤစၢၤအီၤတအိၣ်, ဒီးဖဲယအိၣ်လၢတၢ်ပျံၤတၢ်ဖုးအလီၢ်န့ၣ်ဒီး အဝဲအုၣ်က့ၤခီၣ်က့ၤယၤလီၤ.

စံးထီၣ်ပတြၢၤ 130:3

ယွၤဧၢ, နမ့ၢ်ကွဲးနီၣ်ပတၢ်ဒဲးဘးတဖၣ်ဒီး မ့ၢ်မတၤပူၤဖျဲးလၢ တၢ်စံၣ်ညီၣ်ကသ့တဂၤလဲၣ်.

စံးထီၣ်ပတြၢၤ 142:6

ကနၣ်ယတၢ်ကိးထီၣ်လၢတၢ်မၤစၢၤအဂီၢ်တက့ၢ်. အဂ့ၢ်ဒ်အံၤ, ယလီၤဒးကွံာ်လၢ တၢ်သူၣ်ဟးဂီၤသးဟးဂီၤအပူၤလီၤ. မၤပူၤဖျဲးယၤလၢယဒုၣ်ယဒါသ့ၣ်တဖၣ်တက့ၢ်. အဝဲသ့ၣ်ဆူၣ်ကဲာ်ဆိးလၢယဂီၢ်န့ၣ်လီၤ.

စံးထီၣ်ပတြၢၤ 21:3

နသဂၢၢ်အီၤအိၣ်ဒီးတၢ်ဆိၣ်ဂ့ၤလီၤဆီတဖၣ် ဒီးနပာ်ခိၣ်သလုးထူလၢအခိၣ်လိၤလီၤ.

စံးထီၣ်ပတြၢၤ 25:7

ယသးစၢ်အတၢ်ဒဲးဘးဒီးအတၢ်ကမၣ်သ့ၣ်တဖၣ်န့ၣ်ပျၢ်လၢ်ဘၣ်တက့ၢ်. ယွၤဧၢ, လၢနတၢ်အဲၣ်ဂၢၢ်ကျၢၤဒီး နတၢ်ဂ့ၤတၢ်ဝါအပူၤန့ၣ်, သ့ၣ်နီၣ်ထီၣ်က့ၤယၤတက့ၢ်.

လံာ်တၢ်ဟးထီၣ်ကွံာ် 32:34

ခဲအံၤလဲၤဒီးဆှၢပှၤဂီၢ်မုၢ်ဆူတၢ်လီၢ်လၢယတဲတ့ၢ်နၤလၢ အဂ့ၢ်န့ၣ်တက့ၢ်. သ့ၣ်နီၣ်ထီၣ်လၢယကလူးကနဲၣ်နၤကျဲ, ဘၣ်ဆၣ်ဒီးတၢ်ဆၢကတီၢ်လၢယကစံၣ်ညီၣ်ပှၤဂီၢ်မုၢ်အံၤလၢအတၢ်ဒဲး ဘးအဃိန့ၣ်ဟဲဝဲလံ.”

လံာ်ယၡါယၤ 64:9

လၢတၢ်န့ၣ်အဃိဒီး, တဘၣ်သးဒိၣ်ပှၤကဲၣ်ဆိးမ့ၢ်ဂ့ၤ, စၢဃာ်ပတၢ်ဒဲးဘးတဖၣ်ထီဒါပှၤမ့ၢ်ဂ့ၤ, လီၤထူလီၤယိာ်တဂ့ၤ. ပမ့ၢ်နပှၤဂီၢ်မုၢ်ဒီးသူၣ်ကညီၤသးကညီၤလၢ်ပှၤတက့ၢ်.

လံာ်ယဃ့းစက့လး 2:3

“ပှၤကညီလၢအသံသ့ဧၢ, ယမၢလီၤနၤဆူကီၢ်အံၣ်စရ့လးအပှၤဂီၢ် မုၢ်အအိၣ်လီၤ. အဝဲသ့ၣ်ပူထီၣ်တၢ်ဒီးဃၣ်ကွံာ်အသးထီဒါယၤ, ဒီးမ့ၢ်ဒံးဒၣ်ပှၤပူထီၣ်တၢ်ဖိတဖၣ်ဒ်သိးဒၣ်အမိၢ်ပၢ်ဖံဖု လၢပျၢၤတဖၣ်မ့ၢ်တ့ၢ်ဝဲန့ၣ်လီၤ.

လံာ်ဒၤနံးယ့လး 9:16

နအိၣ်ပှိၤတ့ၢ်ပှၤလၢပျၢၤလီၤ. မၤသးဒ်န့ၣ်ဒီးသးဒိၣ်ဝ့ၢ်ယရူၤ ၡလ့ၣ်လၢၤတဂ့ၤ. မ့ၢ်ဝဲနဝ့ၢ်, နကစၢၢ်စီဆှံလီၤ. ကယဲၢ်ပှၤ ဂီၢ်မုၢ်ခဲလၢာ်လၢအအိၣ်လၢထံကီၢ်ခိၣ်ဃၢၤတဖၣ်ကွၢ်တလီၤ ဝ့ၢ်ယရူၤၡလ့ၣ်ဒီးနပှၤဂီၢ်မုၢ်, လၢပတၢ်ဒဲးဘးတဖၣ်အဃိ, ဒီးတၢ်အၢတၢ်သီလၢမိၢ်ပၢ် ဖံဖုလၢပျၢၤတဖၣ်မၤတ့ၢ်ဝဲအဃိန့ၣ်လီၤ.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်ဟိၤၡ့ 9:9

တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.

လံာ်သိၣ်လီၤသီလီၤတၢ် 28:43

ပှၤထံဂၤကီၢ်ဂၤဖိတဖၣ်လၢအအိၣ်ဆိးလၢသုထံလီၢ်ကီၢ်ပူၤကမၤ န့ၢ်တၢ်စိတၢ်ကမီၤဒံးယံာ်ဒံးဒိၣ်ထီၣ်, ဖဲသုဝဲတခီသုတၢ်စိတၢ်ကမီၤကစှၤလီၤကွံာ်ပှီၢ်ပှီၢ်အခါန့ၣ်လီၤ.

လံာ်လီၣ်ဖျါ 18:5

အဂ့ၢ်ဒ်အံၤ, အဝဲအတၢ်ဒဲးဘးတဖၣ် အိၣ်ဖှိၣ်ထီၣ်အသးထီတုၤသိးမူခိၣ်, ဒီးကစၢ်ယွၤသ့ၣ်နီၣ်ထီၣ်အဝဲဒၣ် အကျဲအၢကျဲသီတဖၣ်လီၤ.