စံးထီၣ်ပတြၢၤ 79:5 - Sgaw Karen Common Bible

⁵ ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

စံးထီၣ်ပတြၢၤ 79:5 Iomraidhean Croise

စံးထီၣ်ပတြၢၤ 103:9

တသိၣ်ဃီၣ်တၢ်တထံၣ်ဃီဘၣ်, ဒီးအတၢ်သးထီၣ်န့ၣ်တပာ်ဝဲလီၤထူလီၤယိာ်ဘၣ်.

စံးထီၣ်ပတြၢၤ 6:4

ယွၤဧၢ, ဟဲဒီးမၤပူၤမၤဖျဲးယၤတက့ၢ်. မၤပူၤမၤဖျဲးယၤလၢတၢ်သံ လၢနတၢ်အဲၣ်ဂၢၢ်ကျၢၤအဃိန့ၣ်တက့ၢ်.

စံးထီၣ်ပတြၢၤ 74:1

ကစၢ်ယွၤဧၢ, ဘၣ်မနုၤလၢနညိကွံာ်ပှၤ လီၤထူလီၤယိာ်န့ၣ်လဲၣ်. ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ နတၢ်အီၣ်ဆၣ်အလီၢ်အသိတဖုန့ၣ်လဲၣ်.

စံးထီၣ်ပတြၢၤ 80:4

ယွၤသ့တၢ်လၢာ်အကစၢ်ယွၤဧၢ, မ့ၢ်နကသးထီၣ်နပှၤဂီၢ်မုၢ် အတၢ်ထုကဖၣ်န့ၣ်ဆံးယံာ်လဲၣ်.

စံးထီၣ်ပတြၢၤ 80:5

နဒုးအီၣ်တ့ၢ်လံပှၤလၢမဲာ်ထံအကိၣ်, ဒီးနဒုးအီပှၤလၢမဲာ်ထံလၢလီခီဖးဒိၣ်န့ၣ်လီၤ.

စံးထီၣ်ပတြၢၤ 85:5

မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နကမၤယံာ်ထီၣ်နတၢ်သးထီၣ်ဆူ ကယဲၢ်စိၤခဲလၢာ်န့ၣ်ဧါ.

စံးထီၣ်ပတြၢၤ 89:46

ဆံးယံာ်လဲၣ်, ယွၤဧၢ, မ့ၢ်နကပာ်တဒၢနသးလီၤထူလီၤယိာ်လီၤဧါ. မ့ၢ်နတၢ်သးထီၣ် ကအီၣ်တၢ်ဒ်မ့ၣ်အူအသိးဆံးယံာ်လဲၣ်.

စံးထီၣ်ပတြၢၤ 89:47

ယွၤဧၢ, ယဆၢကတီၢ်ဖုၣ်ဆံးဒိၣ်လဲၣ်န့ၣ် သ့ၣ်နီၣ်ထီၣ်တက့ၢ်. ဒီးနတ့လီၤပှၤကညီဖိလၢအသံသ့န့ၣ် သ့ၣ်နီၣ်ထီၣ်တက့ၢ်.

လံာ်ယၡါယၤ 64:9

လၢတၢ်န့ၣ်အဃိဒီး, တဘၣ်သးဒိၣ်ပှၤကဲၣ်ဆိးမ့ၢ်ဂ့ၤ, စၢဃာ်ပတၢ်ဒဲးဘးတဖၣ်ထီဒါပှၤမ့ၢ်ဂ့ၤ, လီၤထူလီၤယိာ်တဂ့ၤ. ပမ့ၢ်နပှၤဂီၢ်မုၢ်ဒီးသူၣ်ကညီၤသးကညီၤလၢ်ပှၤတက့ၢ်.

လံာ်သးသယုၢ်တၢ် 5:22

မ့တမ့ၢ်ဒီးမ့ၢ်နပာ်ကွံာ်ပှၤလီၤစိၤလီၤထီလံဧါ. နတၢ်သးဒိၣ်အဆၢအဖီတအိၣ်ဘၣ်ဧါ.

လံာ်ယဃ့းစက့လး 36:5

ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လၢယတၢ် သးဒိၣ်ကဲၤထီၣ်အပူၤထီဒါပှၤကလုာ်တဖၣ်လၢအအိၣ်ခိၣ်အိၣ်ဃၢၤ ဒီးလီၤဆီဒၣ်တၢ်ထီဒါကီၢ်အဒိၣ်န့ၣ်လီၤ. လၢတၢ်နံၤဘၣ်ဖၣ်လဲ ဒီးတၢ်တပာ်လ့ၢ်ပာ်ကဲအပူၤ, အဝဲသ့ၣ်မၤန့ၢ်ကွံာ်ယကီၢ် ဒီးဟံးန့ၢ်ကွံာ်အတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်စဖါနယၤ 3:8

ယွၤစံးဝဲဒၣ်, “အိၣ်ခိး, ခိးတုၤမုၢ်တနံၤလၢယဂဲၤဆၢထၢၣ် အုၣ်ယသးထီဒါပှၤကလုာ်တဖၣ်န့ၣ်တက့ၢ်. ယပာ်လီၤယသးလၢယကပာ်ဖှိၣ်ပှၤကလုာ်တဖၣ်ဒီးဘီမုၢ် တဖၣ်ဒ်သိးယကပျဲအဝဲသ့ၣ်ကလၢၢ်ဘၣ်ယတၢ်သးထီၣ် အသဟီၣ်လီၤ. ဟီၣ်ခိၣ်ဒီဘ့ၣ်ကဘၣ်တၢ်မၤဟးဂီၤကွံာ်အီၤလၢယတၢ်သးကဲၤထီၣ် အမ့ၣ်အူန့ၣ်လီၤ.

လံာ်စကၤရယၤ 1:12

တုၤနုၤတဘျီ, ယွၤအကလူးစံးဝဲဒၣ်, “သ့တၢ်လၢာ်ယွၤဧၢ, နသးထီၣ်တ့ၢ်ဝ့ၢ်ယရူၤရှလ့ၣ်ဒီးကီၢ်ယူဒၤအဝ့ၢ်တဖၣ်, ခဲအံၤအိၣ်လံအနံၣ်နွံဆံလံ. တချုးလၢနကဒုးနဲၣ်နတၢ်သးကညီၤအဝဲသ့ၣ်န့ၣ်ကယံာ်ဒံးဆံး ယံာ်လဲၣ်.”

လံာ်သိၣ်လီၤသီလီၤတၢ် 29:20

ယွၤတပျၢ်ကွံာ်ပှၤဒ်န့ၣ်အသိးတဂၤအတၢ်ကမၣ်ဘၣ်, အခိၣ်တလိာ်, ယွၤအတၢ်သးကဲၤထီၣ်ကကဲၤကပျီၤထီၣ်ဘၣ်ထီဒါအီၤ, ဒီးကယဲၢ်တၢ်တတၢးတနါတဖၣ်လၢအအိၣ်ကွဲးအသးလၢလံာ်အံၤအပူၤ ကလီၤဘၣ်လၢအလိၤ, တုၤလၢယွၤမၤဟးဂီၤကွံာ်အီၤလၢာ်လၢာ်ဆ့ဆ့တစုန့ၣ်လီၤ.

လံာ်သိၣ်လီၤသီလီၤတၢ် 32:16

အဝဲသ့ၣ်အတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်ဒုးအိၣ်ထီၣ်ယွၤ အတၢ်သးက့ၣ်, တၢ်အၢတၢ်သီလၢအဝဲသ့ၣ်မၤတ့ၢ်န့ၣ်, မၤသးဒိၣ်ထီၣ်အီၤလီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”