စံးထီၣ်ပတြၢၤ 79:4 - Sgaw Karen Common Bible

⁴ ပကဲထီၣ်တ့ၢ်လံလၢတၢ်ဒုၣ်ဒွဲၣ်အလီၢ်လၢ ပှၤလၢပဃၢၤအဂီၢ်, ဒီးပဘၣ်တၢ်မၤတရီတပါဒီးကတိၤဒုၣ်ဒွဲၣ်ပှၤ, လၢပှၤအိၣ်ဝးတရံးပှၤန့ၣ်လီၤ.

စံးထီၣ်ပတြၢၤ 79:4 Iomraidhean Croise

လံာ်စီၤပၤအခီၣ်ထံးတဘ့ၣ် 9:7

အန့ၣ်တစု, ယကသုးကွံာ်ယပှၤဂီၢ်မုၢ်အံၣ်စရ့လးလၢထံဧိၤကီၢ် ဧိၤလၢယဟ့ၣ်တ့ၢ်လံအီၤအပူၤန့ၣ်လီၤ. ယကပာ်လီၤတဲာ်ကွံာ်စ့ၢ်ကီးတၢ်လုၢ်ဟံၣ်လၢယမၤစီဆှံတ့ၢ်အီၤဒ် တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုၣ်ဒွဲၣ်ပယွဲကီၢ်အံၣ်စရ့လးဒီး ကပာ်အီၤဒ်တၢ်လီၤသးဘၣ်အၢန့ၣ်လီၤ.

လံာ်စီၤနဃ့မယၤ 1:3

ဒီးအဝဲသ့ၣ်တဲဘၣ်ယၤလၢပှၤလၢအိၣ်လီၤတဲာ်ဒီးဟဲက့ၤတုၤဆူ အထံဧိၤကီၢ်ဧိၤဒၣ်ဝဲန့ၣ်အိၣ်လၢတၢ်ကီတၢ်ခဲနးမးအပူၤဒီး ပှၤတခီဘီမုၢ်ဖိလၢအအိၣ်ဘူးတဖၣ်န့ၣ်ကွၢ်တလီၤအဝဲသ့ၣ်န့ၣ် လီၤ. အဝဲသ့ၣ်တဲဘၣ်စ့ၢ်ကီးယၤလၢဝ့ၢ်ယရူၤၡလ့ၣ်အဝ့ၢ်ခိၣ်ဒူတဖၣ် န့ၣ်စးထီၣ်လၢအဘၣ်တၢ်ဒွဲၣ်ကွံာ်အီၤန့ၣ်တဘၣ်တၢ်ဘှီထီၣ်က့ၤ ဒံးအီၤဘၣ်န့ၣ်လီၤ.

လံာ်စီၤနဃ့မယၤ 2:19

ဒီးတုၤစီၤစၤနဘၤလး, စီၤတိၤဘံယၤဒီးပှၤဧ့ရ့းဖိစီၤ က့ၤၡ့ၣ်နၢ်ဟူဝဲတၢ်လၢပသုးကျဲၤလၢပကမၤအီၤန့ၣ်အဝဲသ့ၣ်နံၤ ဘၣ်ပှၤဒီးစံးဝဲ, “တၢ်လၢသုကမၤန့ၣ်သုဆိကမိၣ်လၢအမ့ၢ်တၢ်မနုၤလဲၣ်. မ့ၢ်သုကပူထီၣ်ထီဒါစီၤပၤဖးဒိၣ်န့ၣ်ဧါ.”

စံးထီၣ်ပတြၢၤ 80:6

နပာ်ပှၤလၢတၢ်အ့ၣ်လိာ်ဆိးက့လိာ်အလီၢ် လၢပှၤလၢပဃၢၤ, ဒီးပဒုၣ်ပဒါနံၤဘၣ်ပှၤလၢအကျါဒၣ်ဝဲန့ၣ်လီၤ.

စံးထီၣ်ပတြၢၤ 89:41

ကယဲၢ်ပှၤလၢအလဲၤခီဂာ်အီၤန့ၣ်ဂုာ်န့ၢ်အတၢ်ဒီး အဝဲကဲထီၣ်တ့ၢ်လံတၢ်ဒုၣ်ဒွဲၣ်အလီၢ်လၢ ပှၤလၢအဃၢၤတဖၣ်အဂီၢ်န့ၣ်လီၤ.

လံာ်ယၡါယၤ 43:28

ဒီးနပှၤပၢတၢ်တဖၣ်မၤတရီတပါယလီၢ်စီဆှံလီၤ. လၢတၢ်န့ၣ်အဃိ, ယဟဲစိာ်တ့ၢ်တၢ်ဟးဂီၤလၢ ကီၢ်အံၣ်စရ့လးအဖီခိၣ် ဒီးယပျဲယပှၤဂီၢ်မုၢ်ဒၣ်ယဲဘၣ်တၢ်မၤအီၤ တရီတပါလီၤ.”

လံာ်ယံးရမံယၤ 24:9

ယကဟဲစိာ်တၢ်တတၢးတနါဒ်န့ၣ်အသိးလၢအဝဲသ့ၣ်အဖီခိၣ်, တုၤဒၣ်လဲာ်ပှၤကလုာ်တဖၣ်လၢဟီၣ်ခိၣ်ဒီဘ့ၣ်ကပျံၤတၢ်ဖုးတၢ်န့ၣ် လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်, ကကတိၤကလိာ်ကလာ်တၢ်ဘၣ်ဃးအဝဲ သ့ၣ်, ကတိၤနံၤဘၣ်ဖၣ်လဲအဝဲသ့ၣ်, ဒီးသူ အဝဲသ့ၣ်အမံၤဒ်တၢ်ဆိၣ်အၢတမံၤအသိးလၢတၢ်လီၢ်ကိးပူၤဒဲးဖဲ ယမၤလီၤပြံလီၤပြါအဝဲသ့ၣ်န့ၣ်လီၤ.

လံာ်ယံးရမံယၤ 25:18

ဝ့ၢ်ယရူၤၡလ့ၣ်ဒီး ကီၢ်ယူဒၤအဝ့ၢ်တဖၣ်ခဲလၢာ်, ဃုာ်ဒီး အစိကမီၤတဖၣ်ဒီး အခိၣ်အနၢ်တဖၣ် ဘၣ်တၢ်မၢအီၤလၢ ကအီဝဲ, ဒ်သိးအဝဲသ့ၣ် ကကဲထီၣ်မဲးမုၢ်ခိၣ်တတီၤ, တၢ်ထံၣ်ဘၣ်အလီၢ်လၢအလီၤပျံၤလီၤဖုးဒီး လီၤကမၢကမၣ်သတးဒီး ပှၤဂီၢ်မုၢ်ကသူအဝဲသ့ၣ်အမံၤဒ်တၢ်ဆိၣ်အၢဒ် အဝဲသ့ၣ်မၤဒံးဝဲခဲအံၤအသိးန့ၣ်လီၤ.

လံာ်ယံးရမံယၤ 42:18

ယွၤ, အံၣ်စရ့လး အကစၢ်ယွၤစံးဝဲ, ‘ဒ်ယတၢ်သးဒိၣ်ဒီး သးကဲၤထီၣ် တဖၣ်ဘၣ်တၢ်လူလီၤဂၢ်လီၤအီၤလၢဝ့ၢ်ယရူၤၡလ့ၣ်အပှၤဂီၢ်မုၢ် အဖီခိၣ်အသိးန့ၣ်, သုမ့ၢ်လဲၤဆူ ကီၢ်အဲၤကူပတူးဒီး ယတၢ်သးကဲၤ ထီၣ်ကဘၣ်တၢ်လူလီၤဂၢ်လီၤအီၤလၢ သုဖီခိၣ်န့ၣ်လီၤ. ပှၤကွၢ်သုဒီး သုကလီၤပျံၤလီၤဖုးဒိၣ်မးလီၤ. ပှၤဂီၢ်မုၢ်ကမၤ သုကလိာ်ကလာ်ဒီး သုမံၤန့ၣ် ဒ်တၢ်ဘၣ်ဆိၣ်အၢတမံၤ အသိးန့ၣ်လီၤ. သုတထံၣ်ဘၣ်က့ၤကဒီးတၢ်လီၢ်အံၤ နီတစုလၢၤဘၣ်.’ ”

လံာ်ယံးရမံယၤ 51:51

သုစံးလၢ, ‘ပဘၣ်တၢ်ဒုၣ်ဒွဲၣ်ဒီး တၢ်မၤမဲာ်ဆှးတ့ၢ်ပှၤလီၤ. ပစုကတၢၢ်ခီၣ်ကတၢၢ်ဒီး မၤစၢၤလီၤပသးတဘၣ်, မ့ၢ်လၢပှၤတခီဘီမုၢ်ဖိတဖၣ် ဟံးန့ၢ်ကွံာ်တၢ်လီၢ်စီ ဆှံတဖၣ်လၢ ယွၤအတၢ်လုၢ်ဟံၣ်အပူၤလံအဃိန့ၣ်လီၤ.’

လံာ်သးသယုၢ်တၢ် 1:11

အပှၤဂီၢ်မုၢ်ကအုကစွါဖဲအဟးဃုန့ၢ်တၢ်တမံၤမံၤလၢကအီၣ်ဝဲ အဂီၢ် ဒီးဟ့ၣ်လဲလိာ်အတၢ်ထူးတၢ်တီၤတဖၣ်လၢတၢ်အီၣ် အဂီၢ်ဒ်သိးကအိၣ်မူဘၣ်ဒံးဝဲအဂီၢ်လီၤ. ဝ့ၢ်ယရူၤၡလ့ၣ်ကိးထီၣ် ဝဲ, “ကွၢ်ဃီၤယၤ, ယွၤဧၢ, ထံၣ်ယၤလၢယတၢ်ကိၢ်တၢ်ဂီၤအပူၤတက့ၢ်.”

လံာ်သးသယုၢ်တၢ် 5:1

ယွၤဧၢ, သ့ၣ်နီၣ်ထီၣ်တၢ်မၤအသးဒီးပှၤတက့ၢ်. ကွၢ်ဃီၤပှၤဒီးထံၣ်ပတၢ်မဲာ်ဆှးတက့ၢ်.

လံာ်ယဃ့းစက့လး 22:5

ထံကီၢ်တဖၣ်လၢအဘူးမ့ၢ်ဂ့ၤအယံၤမ့ၢ်ဂ့ၤ, ဒုၣ်ဒွဲၣ်နၤ, မ့ၢ်လၢနတဟံးဃာ်တၢ်သိၣ်တၢ်သီအဃိန့ၣ်လီၤ.

လံာ်ယဃ့းစက့လး 35:12

အန့ၣ်ဒီး, သုကသ့ၣ်ညါသုဝဲလၢယၤ, ယွၤနၢ်ဟူဘၣ်တၢ်လၢ သုစံးအီၤပှဲၤဒီးတၢ်တပာ်လ့ၢ်ပာ်ကါလၢ, ကီၢ်အံၣ်စရ့လးအက စၢၢ်ကလိတဖၣ်အိၣ်သယုၢ်လီၤ ဃီဒီးအဝဲသ့ၣ်မ့ၢ်တၢ်လၢသုကဟးဂီၤ ကွံာ်အီၤအဂီၢ်န့ၣ်လီၤ.

လံာ်ယဃ့းစက့လး 36:15

အလီၢ်တအိၣ်လၢကီၢ်န့ၣ်ကဒိကနၣ်ပှၤကလုာ်တဖၣ်အတၢ်နံၤဘၣ် ဖၣ်လဲအီၤမ့ၢ်ဂ့ၤ, ထံၣ်ဘၣ်ပှၤဂီၢ်မုၢ်တဖၣ်အတၢ်မၤကလိာ်ကလာ် အီၤမ့ၢ်ဂ့ၤန့ၣ်လၢၤဘၣ်. ကီၢ်န့ၣ်တဂုာ်န့ၢ်ဆူၣ်လၢၤဘၣ်ပှၤကလုာ် တဖၣ်အဖိတဖၣ်လၢၤဘၣ်. ယၤ, ယွၤပၢဘၣ်တၢ်ခဲလၢာ်ကစၢ် ကတိၤလံတၢ်လံ.”

လံာ်ယဃ့းစက့လး 36:3

ကတိၤတၢ်လၢဝံအကျိာ်, အန့ၣ်ဝံၤဒီး, ဘိးဘၣ်သ့ၣ်ညါတၢ်လၢယၤယွၤပၢ ဘၣ်တၢ်ခဲလၢာ်ကစၢ်ကစံးဝဲန့ၣ်တက့ၢ်. တုၤပှၤကလုာ်အိၣ်ခိၣ်အိၣ်ဃၢၤတဖၣ်ဒုးန့ၢ်ဒီးဂုာ်ဆူၣ်ပျိဆူၣ်ကီၢ် အံၣ်စရ့လးအကစၢၢ်ကလိတဖၣ်ဒီးမ့ၢ်အဝဲသ့ၣ်ခဲလၢာ်ကတိၤတရီတပါ ကီၢ်အံၣ်စရ့လးန့ၣ်လီၤ.

လံာ်ဒၤနံးယ့လး 9:16

နအိၣ်ပှိၤတ့ၢ်ပှၤလၢပျၢၤလီၤ. မၤသးဒ်န့ၣ်ဒီးသးဒိၣ်ဝ့ၢ်ယရူၤ ၡလ့ၣ်လၢၤတဂ့ၤ. မ့ၢ်ဝဲနဝ့ၢ်, နကစၢၢ်စီဆှံလီၤ. ကယဲၢ်ပှၤ ဂီၢ်မုၢ်ခဲလၢာ်လၢအအိၣ်လၢထံကီၢ်ခိၣ်ဃၢၤတဖၣ်ကွၢ်တလီၤ ဝ့ၢ်ယရူၤၡလ့ၣ်ဒီးနပှၤဂီၢ်မုၢ်, လၢပတၢ်ဒဲးဘးတဖၣ်အဃိ, ဒီးတၢ်အၢတၢ်သီလၢမိၢ်ပၢ် ဖံဖုလၢပျၢၤတဖၣ်မၤတ့ၢ်ဝဲအဃိန့ၣ်လီၤ.

လံာ်စဖါနယၤ 3:18

ဒ်ပှၤဂီၢ်မုၢ်လၢအသူၣ်ဖှံသးညီဖဲမူးဖးဒိၣ်တဘျီအသိးန့ၣ် လီၤ.” ယွၤစံးဝဲဒၣ်, “ယမၤကတၢၢ်ကွံာ်တၢ်စံၣ်ညီၣ်ဃါမနၤလၢ အမၤပျံၤမၤဖုးတၢ် ဒီးစိာ်ကွံာ်လံနတၢ်မဲာ်ဆှးန့ၣ်လံ.

လံာ်စကၤရယၤ 8:13

ကီၢ်ယူဒၤဒီးကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, လၢအပူၤကွံာ်န့ၣ်, ပှၤတခီဘီမုၢ်ဖိတဖၣ်တဂၤဒီးတဂၤစံးဝဲလၢမ်တၢ်တတၢးတနါ တမံၤဃီလၢအလီၤဘၣ်လၢကီၢ်ယူဒၤဒီးကီၢ်အံၣ်စရ့လးအလိၤ ကလီၤဘၣ်နၤတက့ၢ်, ဖဲအဆိၣ်အၢလိာ်အသးန့ၣ်လီၤ. မ့မ့ၢ်ခဲအံၤယကအုၣ်က့ၤခီၣ်က့ၤသုလီၤ. အန့ၣ်ဒီးပှၤတခီဘီမုၢ်ဖိတဖၣ်ကစံးလိာ်အသးတဂၤဒီးတဂၤ, မ်သုကဒိးန့ၢ်တၢ်ဆိၣ်ဂ့ၤတမံၤဃီလၢအဘၣ်ကီၢ် ယူဒၤဒီးကီၢ်အံၣ်စရ့လးတက့ၢ်န့ၣ်လီၤ. လၢတၢ်န့ၣ်အဃိ, အိၣ်ဒီးတၢ်သးဒူတက့ၢ်.”

လံာ်သိၣ်လီၤသီလီၤတၢ် 28:37

လၢထံကီၢ်တဖၣ်ဖဲယွၤကမၤလီၤပြံလီၤပြါသုအပူၤန့ၣ်, ပှၤဂီၢ်မုၢ်တဖၣ်ကဖုးဘၣ်အသးလၢတၢ်လၢအမၤအသးဒီးသု အဃိန့ၣ်လီၤ. အဝဲသ့ၣ်ကလိာ်လ့သုဒီးနံၤဘၣ်ဖၣ်လဲသုန့ၣ်လီၤ.