စံးထီၣ်ပတြၢၤ 79:12 - Sgaw Karen Common Bible

¹² ယွၤဧၢ, ပှၤလၢပဃၢၤ, ပှၤကတိၤဒုၣ်ဒွဲၣ်တၢ်သ့ၣ်တဖၣ်န့ၣ်ဟ့ၣ်ကၣ်အီၤနွံစးလၢ အသးနါပှၢ်အပူၤ, လၢအကတိၤဒုၣ်ဒွဲၣ်နၤအဃိန့ၣ်တက့ၢ်.

စံးထီၣ်ပတြၢၤ 79:12 Iomraidhean Croise

လံာ်တၢ်ကဲထီၣ်အခီၣ်ထံး 4:15

ဘၣ်ဆၣ်ယွၤစံးဆၢအီၤ, “တမ့ၢ်ဘၣ်. ပှၤတဂၤဂၤမ့ၢ်မၤသံနၤဒီးသးသမူနွံဖျၢၣ်ကဘၣ်တၢ်ဟံးန့ၢ်က့ၤ အီၤလၢတၢ်ဟ့ၣ်ကၣ်တၢ်အဂီၢ်န့ၣ်လီၤ.” လၢတၢ်န့ၣ်အဃိယွၤပာ်တၢ်ပနီၣ်တမံၤလၢစီၤကၤယံၣ်အလိၤဒ်သိး ပှၤတဂၤလၢ်လၢ်လၢအထံၣ်အီၤအသုတမၤသံအီၤတဂ့ၤအဂီၢ်န့ၣ်လီၤ.

စံးထီၣ်ပတြၢၤ 44:16

မ့ၢ်လၢယနၢ်ဟူဘၣ်ယဒုၣ်ယဒါ ဒီးပှၤလၢအသးဟ့ယၤသ့ၣ်တဖၣ် အတၢ်ကတိၤဒုၣ်ဒွဲၣ်ယၤဒီးမၤတရီတပါယၤ အဃိန့ၣ်လီၤ.

စံးထီၣ်ပတြၢၤ 74:10

ကစၢ်ယွၤဧၢ, ပဒုၣ်ပဒါသ့ၣ်တဖၣ် ကနံၤဘၣ်ဖၣ်လဲနၤဆံးယံာ်လဲၣ်. မ့ၢ်အဝဲသ့ၣ်ကကတိၤတရီတပါနမံၤထီဘိဧါ.

စံးထီၣ်ပတြၢၤ 89:52

မ်ယွၤဘၣ်တၢ်စံးထီၣ်ပတြၢၤလီၤထူလီၤယိာ်တက့ၢ်. အၤမ့ၣ်, ဒီးအၤမ့ၣ်.

တၢ်ကတိၤဒိ. 6:31

တုၤမ့ၢ်တၢ်ဖီၣ်န့ၢ်အီၤဒီး, အဝဲကဘၣ်ဟ့ၣ်က့ၤတၢ်အါန့ၢ်အလီၢ်နွံစး, ကဘၣ်ဟ့ၣ်တၢ်လၢအအိၣ်ဒီးအီၤခဲလၢာ်လီၤ.

လံာ်ယံးရမံယၤ 32:18

နဒုးနဲၣ်တ့ၢ်တၢ်အဲၣ်တထံၣ်ဃီဆူ ပှၤအကထိတဖၣ်, ဘၣ်ဆၣ်ဒီး နစံၣ်ညီၣ်စ့ၢ်ကီၤပှၤဂီၢ်မုၢ်လၢ အမိၢ်အပၢ် တဖၣ် အတၢ်ဒဲးဘးတဖၣ်အဃိန့ၣ်လီၤ. နမ့ၢ်ကစၢ်ယွၤ လၢအဒိၣ်နီၢ်မးဒီး အစိအကမီၤဒိၣ်နီၢ်မးတဂၤန့ၣ်လီၤ. နမ့ၢ်ယွၤသ့တၢ်လၢာ်တဂၤလီၤ.

လံာ်ယဃ့းစက့လး 35:12

အန့ၣ်ဒီး, သုကသ့ၣ်ညါသုဝဲလၢယၤ, ယွၤနၢ်ဟူဘၣ်တၢ်လၢ သုစံးအီၤပှဲၤဒီးတၢ်တပာ်လ့ၢ်ပာ်ကါလၢ, ကီၢ်အံၣ်စရ့လးအက စၢၢ်ကလိတဖၣ်အိၣ်သယုၢ်လီၤ ဃီဒီးအဝဲသ့ၣ်မ့ၢ်တၢ်လၢသုကဟးဂီၤ ကွံာ်အီၤအဂီၢ်န့ၣ်လီၤ.

လံာ်ယဃ့းစက့လး 36:7

ယၤ, ယွၤပၢဘၣ်တၢ်ခဲလၢာ်ကစၢ်, အၢၣ်လီၤတၢ်သမှံၤသပှၢ် လၢပှၤကလုာ်အိၣ်ခိၣ်အိၣ်ဃၢၤတဖၣ်ကဘၣ်တၢ်ဆီၣ်လီၤကွံာ်အီၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:21

သုမ့ၢ်ထီဒါဒံးယၤဒီးတဒိကနၣ်ဘၣ်ယၤန့ၣ်, ယကမၤအါထီၣ်ကဒီးတၢ်စံၣ်ညီၣ်နွံဘျီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

လံာ်လူၤကၣ် 6:38

ဟ့ၣ်တၢ်လၢပှၤဂၤတက့ၢ်. ဒီးကစၢ်ယွၤကဟ့ၣ်တၢ်လၢသုလီၤ. သပှၢ်ကတၢၢ် သုကဒိးန့ၢ်ဘၣ်တၢ်လၢအဘၣ်တၢ်ဃီၣ်အီၤ ပှဲၤထီၣ်ပှဲၤထီဒီးတၢ်ကဟ့ၣ်လီၤသုတၢ်အါအါဂီၢ်ဂီၢ်ဒီး ကလူလီၤအီၤလၢသုစုပူၤထဲသိးသုဟံးဃာ်အီၤသ့ဝဲန့ၣ်လီၤ. အဂ့ၢ်ဒ်အံၤ, ကစၢ်ယွၤကဃီၣ်ဟ့ၣ်တၢ်လၢသုပှဲၤသိးသိး သုဃီၣ်ဟ့ၣ်တၢ်လၢပှၤဂၤန့ၣ်လီၤ.”