စံးထီၣ်ပတြၢၤ 78:8 - Sgaw Karen Common Bible

⁸ အဝဲသ့ၣ်တမ့ၢ်ကလီၤဂာ်ဒီးအပၢ်သ့ၣ်တဖၣ် လၢအပူထီၣ်တၢ်ဒီးအတၢ်ဒိကနၣ်တအိၣ်, ပှၤတစိၤလၢအတၢ်နာ်ယွၤတဂၢၢ်တကျၢၤ, ဒီးတအိၣ်လၢၤလၢတၢ်သးတီဒီးယွၤန့ၣ်ဘၣ်လီၤ.

စံးထီၣ်ပတြၢၤ 78:8 Iomraidhean Croise

လံာ်စီၤပၤခံဘ့ၣ်တဘ့ၣ် 17:14

ဘၣ်ဆၣ်အဝဲသ့ၣ်တစူၢ်ဝဲဒၣ်ဘၣ်. အဝဲသ့ၣ်အခိၣ်ကိၤဝဲဒ်အမိၢ်ပၢ် ဖံဖုလၢပျၢၤတဖၣ်အသိး, ပှၤလၢအတနာ်ဘၣ်ယွၤအဝဲသ့ၣ်အကစၢ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:14

အဝဲမၤတ့ၢ်တၢ်လၢအအၢအသီ, မ့ၢ်လၢအဝဲတကျဲးစၢးဃုထံၣ်ယွၤ အတၢ်ဘၣ်အသးအဃိလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:3

ဘၣ်ဆၣ်ဒီးလၢနပူၤန့ၣ်တၢ်အဂ့ၤအိၣ်ဒံးဝဲတနီၤန့ၣ်လီၤ. နသုးကွံာ်တ့ၢ်ကယဲၢ်ကစၢ်မုၣ်အၡ့ရၤအတၢ်ပနီၣ်တဖၣ်လၢပှၤဂီၢ်မုၢ် ဘူၣ်ထီၣ်ဘါထီၣ်ဝဲ, ဒီးနဂုာ်ကျဲးစၢးပိာ်ထွဲတ့ၢ်ကစၢ်ယွၤအတၢ်ဘၣ်အသးအခံန့ၣ် လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:33

ဘၣ်ဆၣ်ပှၤဘါတၢ်ဂီၤတၢ်ဖီၣ်အတၢ်ဘါအလီၢ်တဖၣ်, တဘၣ်တၢ်မၤဟးဂီၤကွံာ်အီၤဘၣ်. ပှၤဂီၢ်မုၢ်တဃၣ်က့ၤအသးလၢာ် လၢာ်ဆ့ဆ့လၢသူၣ်ဒီဖျၢၣ်သးဒီဖျၢၣ်အပူၤဆူတၢ်ဘူၣ်ထီၣ်ဘါ ထီၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤဒံးဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:19

“အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, လၢနတၢ်ဂ့ၤတၢ်ဝါဒၣ်နဲအပူၤန့ၣ်, ပျၢ်လၢ်ပှၤတဖၣ်လၢအဘူၣ်ထီၣ် ဘါထီၣ်နၤလၢအသူၣ်ဒီဖျၢၣ်သးဒီဖျၢၣ်အတၢ်ကမၣ်, ဖဲအဝဲသ့ၣ်တကဆှီဘၣ်ဒ်တၢ်အလုၢ်အလၢ်အိၣ်ဝဲအသိးအခါဒၣ်လဲာ်န့ၣ် တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 30:7

သုတဘၣ်လီၤဂာ်ဒီးသုမိၢ်ပၢ်ဖံဖုလၢပျၢၤတဖၣ်ဒီးသုပှၤအံၣ် စရ့လးဖိသကိးသကိးတဖၣ်လၢအသူၣ်တတီသးတရၤဘၣ်ဒီးယွၤ, ပကစၢ်ယွၤန့ၣ်ဘၣ်, ဒ်သုထံၣ်ဘၣ်တ့ၢ်လံအသိး, ယွၤစံၣ်ညီၣ်အဝဲသ့ၣ်ဆါဆါကလဲာ်န့ၣ်လီၤ.

လံာ်စီၤယိၤဘး 11:13

စီၤယိၤဘးဧၢ, ပာ်လိၤပာ်ဘၣ်က့ၤနသးတက့ၢ်. ယူာ်ဃီၤနသးဆူကစၢ်ယွၤအအိၣ်န့ၣ်တက့ၢ်.

စံးထီၣ်ပတြၢၤ 106:7

ပမိၢ်ပၢ်ဖံဖုလၢပျၢၤတဖၣ်, လၢကီၢ်အဲၤကူပတူးအပူၤန့ၣ် တနၢ်ပၢၢ်ကစၢ်ယွၤအတၢ်မၤလီၤလးတဖၣ်န့ၣ်ဘၣ်. အဝဲသ့ၣ်သးပ့ၤနီၣ်ကွံာ် လၢကစၢ်ယွၤ ဒုးနဲၣ်တ့ၢ်အီၤအတၢ်အဲၣ်အါဘျီ, ဒီးပူထီၣ်ထီဒါတၢ်ထီကတၢၢ်ယွၤလၢ ပီၣ်လဲၣ်ဂီၤန့ၣ်လီၤ.

စံးထီၣ်ပတြၢၤ 68:6

ပှၤလၢအအိၣ်သယုၢ်ထဲတဂၤဧိၤန့ၣ် ယွၤဟ့ၣ်အီၤဟံၣ်လၢကအိၣ်ဝဲ, အဝဲဆှၢဝဲပှၤဘၣ်တၢ်စၢဃာ်သ့ၣ်တဖၣ်ဆူ တၢ်အီၣ်ကုာ်အီပှဲၤန့ၣ်လီၤ. မ့မ့ၢ်ပှၤပူထီၣ်တၢ်ဖိသ့ၣ်တဖၣ်န့ၣ် အိၣ်ဝဲဆိးဝဲလၢတၢ်လီၢ်အိၣ်သယုၢ်န့ၣ်လီၤ.

စံးထီၣ်ပတြၢၤ 78:37

အဝဲသ့ၣ်အသးတအိၣ်ဂၢၢ်ကျၢၤဘၣ်ဒီးအီၤဘၣ်, ဒီးတတီဒီးအတၢ်အၢၣ်လီၤဒီးယွၤန့ၣ်ဘၣ်.

စံးထီၣ်ပတြၢၤ 78:40

အဝဲသ့ၣ်တဖၣ်န့ၣ်ပူထီၣ်အီၤ ဒီးမၤဆါအသးလၢပှၢ်မုၢ်ကနၢအပူၤပှဲၤဘျီလဲၣ်.

စံးထီၣ်ပတြၢၤ 78:56

နာ်သက့အဝဲသ့ၣ်လ့ပစီ ဒီးပူထီၣ်တၢ်ထီကတၢၢ်ကစၢ်ယွၤ, ဒီးတတိၢ်န့ၢ်အတၢ်မၤလိာ်ဘၣ်.

လံာ်တၢ်ဟးထီၣ်ကွံာ် 32:9

ပှၤဂီၢ်မုၢ်အံၤအခိၣ်ကိၤထဲလဲၣ်န့ၣ်ယသ့ၣ်ညါယဲလီၤ.

လံာ်တၢ်ဟးထီၣ်ကွံာ် 33:3

သုကလဲၤဆူကီၢ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ တဘ့ၣ်အပူၤလီၤ. ဘၣ်ဆၣ်ဒီးယနီၢ်ကစၢ်ဒၣ်ယဲယတလဲၤဃုာ်တၢ်ဒီးသုဘၣ်. အဂ့ၢ်ဒ်အံၤ, သုမ့ၢ်ပှၤဂီၢ်မုၢ်တဖုလၢအခိၣ်ကိၤ, ဒီးယကမၤဟးဂီၤဘၣ်ဖုးသုလၢကျဲန့ၣ်လီၤ.”

လံာ်တၢ်ဟးထီၣ်ကွံာ် 33:5

ယွၤမၤလိာ်စီၤမိၤၡ့လၢကစံးဘၣ်အဝဲသ့ၣ်, “သုမ့ၢ်ပှၤဂီၢ်မုၢ်တဖုလၢအခိၣ်ကိၤလီၤ. ယမ့ၢ်လဲၤဃုာ်တၢ်ဒီးသုထဲတစိၢ်တလီၢ်ဧိၤဒၣ်လဲာ်န့ၣ်, ယကမၤဟးဂီၤကွံာ်သုလၢာ်လၢာ်ဆ့ဆ့န့ၣ်လီၤ. ခဲအံၤဘ့ၣ်လီၤကွံာ်သုတၢ်မျၢ်လုၢ်ဒိၣ်ပှ့ၤဒိၣ်တဖၣ်တက့ၢ်. ဒီးယစံၣ်ညီၣ်တဲာ်လၢယကဘၣ်မၤသုဒ်လဲၣ်ဒ်လဲၣ်အဂ့ၢ်န့ၣ်လီၤ.”

လံာ်တၢ်ဟးထီၣ်ကွံာ် 34:9

အဝဲစံးဝဲ, “ယွၤဧၢ, နမ့ၢ်ဘၣ်သူၣ်ဘၣ်သးယၤသပှၢ်တၢၢ်ဒီးယဃ့ နၤဒ်သိးနကလဲၤဃုာ်တၢ်ဒီးပှၤန့ၣ်လီၤ. ပှၤဂီၢ်မုၢ်အံၤအခိၣ်ကိၤဝဲလီၤ. ဘၣ်ဆၣ်ဒီးပျၢ်လၢ်ပတၢ်အၢတၢ် သီဒီးပတၢ်ဒဲးဘးဒီးတူၢ်လိာ်ပှၤဒ်နပှၤဂီၢ်မုၢ်ဒၣ်နဲအသိးန့ၣ်တက့ၢ်.”

လံာ်ယၡါယၤ 30:9

အဝဲသ့ၣ်ပူထီၣ်ထီဒါကစၢ်ယွၤထီဘိ, လီတၢ်ထီဘိဒီးဂ့ၢ်လိာ် လၢအကဒိကနၣ်ယွၤအတၢ်သိၣ်လိသီလိတဖၣ်ထီဘိန့ၣ်လီၤ.

လံာ်ယဃ့းစက့လး 20:18

အခိၣ်တလိာ်ယဟ့ၣ်ပလီၢ်ပှၤသးစၢ်တဖၣ်လၢအဝဲသ့ၣ်အကျါလီၤ. တိၢ်န့ၢ်ဟံးဃာ်တၢ်သိၣ်တၢ်သီတဖၣ်လၢသုမိၢ်ပၢ်ဖံဖုလၢပျၢၤ တဖၣ်ဒုးအိၣ်ထီၣ်အီၤန့ၣ်တဂ့ၤ. ပိာ်ထွဲအဝဲသ့ၣ်အလုၢ်အလၢ်တဖၣ်မ့ၢ်ဂ့ၤ, မၤဘၣ်အၢလီၤသုသးလၢအဝဲသ့ၣ်အတၢ်ဂီၤတၢ်ဖီၣ်မ့ၢ်ဂ့ၤန့ၣ်တဂ့ၤ.

လံာ်ယဃ့းစက့လး 20:8

ဘၣ်ဆၣ်အဝဲသ့ၣ်ခီၣ်ဆၢယၤဒီးဂ့ၢ်လိာ်ဝဲလၢကဒိကနၣ်တၢ်အဂီၢ် လီၤ. အဝဲသ့ၣ်တစူးကွံာ်ဘၣ်အတၢ်ဂီၤတၢ်ဖီၣ်တဖၣ်လၢအလီၤသးဘၣ် အၢမ့ၢ်ဂ့ၤတပာ်တ့ၢ်ကွံာ်ကီၢ်အဲၤကူပတူးအကစၢ်တဖၣ်မ့ၢ်ဂ့ၤန့ၣ်ဘၣ်. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးဒိၣ်ထီၣ်အသဟီၣ်လၢအဆူၣ်ဝဲဖဲန့ၣ်, လၢကီၢ်အဲၤကူပတူးအပူၤန့ၣ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

လံာ်သိၣ်လီၤသီလီၤတၢ် 31:27

ယသ့ၣ်ညါလၢအဝဲသ့ၣ်မ့ၢ်ပှၤအခိၣ်ကိၤဒီးပူထီၣ်ထီဒါတၢ်ထဲ လဲၣ်န့ၣ်လီၤ. အဝဲသ့ၣ်ပူထီၣ်ထီဒါတ့ၢ်ယွၤလၢယအိၣ်မူအစိၤ, ဒီးအဝဲသ့ၣ်ကပူထီၣ်တၢ်အါန့ၢ်ဒံးအလီၢ်ဖဲယသံဝံၤအလီၢ်ခံ န့ၣ်လီၤ.

လံာ်သိၣ်လီၤသီလီၤတၢ် 4:4

မ့မ့ၢ်သုဝဲတဖၣ်လၢအသူၣ်တီသးရၤဒီးယွၤ, သုကစၢ်ယွၤန့ၣ်မူဒံးဝဲတုၤမဆါတနံၤအံၤန့ၣ်လီၤ.

လံာ်သိၣ်လီၤသီလီၤတၢ် 9:13

ယွၤစံးဘၣ်စ့ၢ်ကီးယၤ, ပှၤဂီၢ်မုၢ်အံၤအခိၣ်ကိၤဝဲဆံးအါဆံး အါလဲၣ်န့ၣ်ယသ့ၣ်ညါယဲလီၤ.

လံာ်သိၣ်လီၤသီလီၤတၢ် 9:24

စးထီၣ်လၢယသ့ၣ်ညါသုလံၤလံၤန့ၣ်သုပူထီၣ်တ့ၢ်တၢ်ထီဒါယွၤ န့ၣ်လီၤ.

လံာ်စီၤယိၤၡူ 22:15

အဝဲသ့ၣ်ဟဲတုၤဝဲလၢကီၢ်ကံးလဧးလၢပှၤရူၤဘ့ၣ်ဖိ, ပှၤကးဖိ, ဒီးပှၤမုၢ်ထီၣ်မနၤၡ့ၤဖိအအိၣ်

လံာ်စီၤၡမူၤအ့လးအခီၣ်ထံးတဘ့ၣ် 8:8

စးထီၣ်လၢယထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤလံၤ လံၤန့ၣ်အဝဲသ့ၣ်ဃၣ်ကွံာ်အသးလၢယအိၣ်ဒီးဘူၣ်ထီၣ်ဘါထီၣ်ကစၢ် အဂၤတဖၣ်, ဒီးခဲအံၤအဝဲသ့ၣ်မၤဘၣ်နၤဒ်အမၤတ့ၢ်ယၤထီဘိ အသိးန့ၣ်လီၤ.