စံးထီၣ်ပတြၢၤ 78:70 - Sgaw Karen Common Bible

⁷⁰ အဝဲဃုထၢအခ့အပှၤစီၤဒၤဝံး, ဒီးဟံးန့ၢ်အီၤလၢသိကရၢၢ်အပူၤ,

စံးထီၣ်ပတြၢၤ 78:70 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:18

ခဲကနံၣ်အံၤမ့ၢ်တၢ်အခွဲးအယာ်လၢသုဂီၢ်လီၤ. သ့ၣ်နီၣ်ထီၣ်လၢယွၤစံးတ့ၢ်ဝဲ, “ယကသူယခ့ယပှၤစီၤဒၤဝံးဒ် သိးကအုၣ်က့ၤခီၣ်က့ၤယပှၤဂီၢ်မုၢ်အံၣ်စရ့လးလၢပှၤဖလ့ ၡသးဖိတဖၣ်အစုပူၤဒီးလၢကယဲၢ်အဒုၣ်အဒါအဂၤခဲလၢာ်အစုပူၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 6:21

စီၤဒၤဝံးစံးဆၢဝဲဒၣ်, “ယဂဲၤကလံာ်ဒ်သိးယကမၤလၤကပီၤယွၤ, ပှၤလၢအဃုထၢထီၣ်ယၤလၢနပၢ်ဒီးအဟံၣ်ဖိ ဃီဖိအလီၢ်, ဒ်သိးကဒုးကဲထီၣ်ယၤအပှၤဂီၢ်မုၢ်အခိၣ်အနၢ်တဂၤ န့ၣ်လီၤ. ဒီးယကဂဲၤကလံာ်ဒံးဆူညါလၢတၢ်မၤလၤကပီၤယွၤအဂီၢ်,

လံာ်စီၤၡမူၤအ့လးခံဘ့ၣ်တဘ့ၣ် 7:8

လၢတၢ်န့ၣ်အဃိတဲဘၣ်ယခ့ယပှၤစီၤဒၤဝံလၢယၤ, ယွၤသ့တၢ်လၢာ်စံးဘၣ်အီၤဒ်အံၤ, ယဟံးထီၣ်နၤလၢတၢ်ကွၢ်ထွဲသိဖိတဖၣ် လၢပျီတဖၣ်အပူၤဒီးဒုးကဲထီၣ်နၤလၢပှၤပၢဘၣ်ယပှၤ ဂီၢ်မုၢ်အံၣ်စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:16

စးထီၣ်လၢယဒုးဟးထီၣ်ကွံာ်ယပှၤဂီၢ်မုၢ်လၢကီၢ်အဲၤကူပတူး အပူၤန့ၣ်, လၢကီၢ်အံၣ်စရ့လးအပူၤယတဃုထၢဘၣ်ဝ့ၢ်နီတဖျၢၣ်ဒ်သိးတၢ်လုၢ် ဟံၣ်တဖျၢၣ်ကဘၣ်တၢ်ဘှီထီၣ်အီၤလၢတၢ်ကဘူၣ်ထီၣ်ဘါထီၣ်ယွၤအဂီၢ် န့ၣ်ဘၣ်. ဘၣ်ဆၣ်ယဃုထၢထီၣ်နၤ, စီၤဒၤဝံးလၢကပၢယပှၤဂီၢ်မုၢ်န့ၣ်လီၤ.”

လံာ်တၢ်ဟးထီၣ်ကွံာ် 3:1

ဒီးမုၢ်တနံၤဖဲစီၤမိၤၡ့ကွၢ်အမံၤပှၢ်ပှၤမံးဒယၣ်ဖိအပှၤလုၢ် တၢ်အခိၣ်စီၤယံးသရိၤအသိဒီးမဲာ်တဲးလဲးတဖၣ်အခါန့ၣ်, အဝဲလဲၤခီဖျိဝဲပှၢ်မုၢ်ကနၢဒီးလဲၤဝဲဆူကစၢၢ်ဃိၤရ့းလၢ အမ့ၢ်ယွၤအကစၢၢ်န့ၣ်လီၤ.

လံာ်တၢ်ဟးထီၣ်ကွံာ် 3:10

ဒီး, ခဲကနံၣ်အံၤ, ယဆှၢလီၤနၤဆူကီၢ်အဲၤကူပတူးအစီၤပၤဖၤ ရိၤအအိၣ်ဒ်သိးနကထုးထီၣ်ကွံာ်ယပှၤဂီၢ်မုၢ်ပှၤအံၣ်စရ့လးဖိ လၢကီၢ်အဲၤကူပတူးပူၤန့ၣ်လီၤ.”

မၤတၢ် 13:22

ဒီးကစၢ်ယွၤထုးထီၣ်ကွံာ်အီၤလၢစီၤပၤအလီၢ်ဝံၤအလီၢ်ခံ, ဒုးကဲထီၣ်စီၤဒၤဝံးလၢအဝဲသ့ၣ်အစီၤပၤလီၤ. လၢစီၤဒၤဝံးအဂ့ၢ်န့ၣ်, ကစၢ်ယွၤစံးတ့ၢ်ဝဲဒ်အံၤ, ‘ယထံၣ်ဘၣ်တ့ၢ်ယဲလၢစီၤယံးၡဲအဖိခွါစီၤဒၤဝံးမ့ၢ်ပှၤလၢ အဘၣ်သူၣ်ဘၣ်သးယၤတကလုာ်, ပှၤတဂၤလၢအကမၤတၢ်လၢအဘၣ်ယသးခဲလၢာ်န့ၣ်လီၤ.’