စံးထီၣ်ပတြၢၤ 78:64 - Sgaw Karen Common Bible

⁶⁴ အပှၤလုၢ်တၢ်အခိၣ်တဖၣ်ဘၣ်တၢ်မၤသံအီၤလၢနး ဒီးအမုၣ်ကမဲတဖၣ်, တၢ်တပျဲအဟီၣ်တၢ်ယၢၤတၢ်ဘၣ်.

စံးထီၣ်ပတြၢၤ 78:64 Iomraidhean Croise

လံာ်စီၤယိၤဘး 27:15

ပှၤလၢအအိၣ်လီၤတဲာ်သ့ၣ်တဖၣ်ကသံဝဲလၢတၢ်ဆူးတၢ်ဆါ, ဒီးအမုၣ်ကမဲတဖၣ်ဒၣ်လဲာ်တဟီၣ်ဘၣ်ဝဲလၢအဝဲသ့ၣ်အတၢ်သံန့ၣ်ဘၣ်.

လံာ်ယဃ့းစက့လး 24:23

သုတလဲၤဘၣ်တၢ်လၢတၢ်ဖၢၣ်သုခိၣ်မ့ၢ်ဂ့ၤ, တၢ်ဒိးခီၣ်ဖံးမ့ၢ်ဂ့ၤ, တၢ်ဘၣ်မိၣ်ဘၣ်မးမ့ၢ်ဂ့ၤ, တၢ်ဟီၣ်တၢ်ယၢၤတၢ်မ့ၢ်ဂ့ၤအပူၤန့ၣ် ဘၣ်. သုဂံၢ်သုဘါကလီၤစၢ်ကွံာ်, မ့ၢ်လၢသုတၢ်ဒဲးဘးတဖၣ် အဃိဒီးသုကကအုကစွါလၢတဂၤဒီးတဂၤအဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:11

ကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ်ဘၣ်တၢ်မၤန့ၢ်အီၤ ဒီးစီၤဧ့လံၤအဖိခွါခံဂၤ, စီၤဃၤဖနံဒီးစီၤဖံနဃၣ်ခံဂၤလိာ်ဘၣ်တၢ်မၤသံကွံာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:17

ပှၤစိာ်တၢ်ကစီၣ်စံးဆၢဝဲ, “ပှၤအံၣ်စရ့လးဖိဃ့ၢ်ကွံာ်လၢပှၤဖလ့ၡသးဖိအအိၣ်လံ. မ့ၢ်တၢ်မၤနၢၤကွံာ်ပှၤလီၤပျံၤလီၤဖုးလီၤ. လၢန့ၣ်အမဲာ်ညါန့ၣ်နဖိခွါစီၤဃၤဖနံဒီးစီၤဖံနဃၣ်တဖၣ်ဘၣ် တၢ်မၤသံအီၤဒီးကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ် ဘၣ်တၢ်မၤန့ၢ်အီၤလံ.”

လံာ်စီၤၡမူၤအ့လးအခီၣ်ထံးတဘ့ၣ် 4:21

ပိာ်မုၣ်န့ၣ်ယုၢ်အဖိအမံၤလၢစီၤအံကဘိး, အခီပညီမ့ၢ်ဝဲ, “ကစၢ်ယွၤအလၤကပီၤပာ်တ့ၢ်ကွံာ်ကီၢ်အံၣ်စရ့လးလီၤ.” မ့ၢ်တၢ်ဒုးနဲၣ်လၢတၢ်မၤန့ၢ်ယွၤအတၢ်အၢၣ်လီၤအီလီၤအတလါစီ ဆှံဒီးအမံၤပှၢ်ဒီးအဝၤအတၢ်သံန့ၣ်အပနီၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:22

အဝဲဒၣ်စံးဝဲ, “ကစၢ်ယွၤအလၤကပီၤပာ်တ့ၢ်ကွံာ်ကီၢ်အံၣ်စရ့လးလံ. အဂ့ၢ်ဒ်အံၤကစၢ်ယွၤအတၢ်အၢၣ်လီၤအီလီၤအတလါ စီဆှံဘၣ်တၢ်မၤန့ၢ်အီၤလံ.”