စံးထီၣ်ပတြၢၤ 78:55 - Sgaw Karen Common Bible

⁵⁵ အဝဲဟီထီၣ်ကွံာ်ပှၤကလုာ်တဖၣ်လၢအပှၤဂီၢ်မုၢ် အမဲာ်ညါ ဒီးနီၤလီၤအထံအကီၢ်ဆူ အပှၤဂီၢ်မုၢ်ဒ် တၢ်န့ၢ်သါအသိးလၢအဝဲသ့ၣ်အဂီၢ်, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ် လၢအဝဲသ့ၣ်အဟံၣ်ပူၤန့ၣ်လီၤ.

စံးထီၣ်ပတြၢၤ 78:55 Iomraidhean Croise

စံးထီၣ်ပတြၢၤ 44:2

လၢနစုဒၣ်နဲနနီၣ်ဟးထီၣ်ကွံာ်ပှၤတဘူၣ် ထီၣ်ဘါထီၣ်နၤသ့ၣ်တဖၣ်, ဒီးပာ်လီၤနပှၤဂီၢ်မုၢ်လၢ အဝဲသ့ၣ်အကီၢ်ပူၤဒ်လဲၣ်, နစံၣ်ညီၣ်ဃၣ်ပှၤကလုာ်ဂၤတဖၣ် ဒီးဒုးဘီၣ်ထီၣ်ညီထီၣ်နပှၤဂီၢ်မုၢ်ဒၣ်နဲဒ်လဲၣ်န့ၣ်လီၤ.

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

လံာ်ယၡါယၤ 34:17

ပှၤလၢကနီၤဖးတၢ်အိၣ်တၢ်ဆိးအလီၢ်လၢအဝဲသ့ၣ်အဂီၢ်ဒီး ဟ့ၣ်လီၤအဝဲသ့ၣ်တဖုဘၣ်တဖုအတၢ်နီၤဟ့ၣ်န့ၣ်မ့ၢ်ယွၤလီၤ. အဝဲသ့ၣ်ကအိၣ်လၢထံကီၢ်န့ၣ်အပူၤတစိၤဝံၤတစိၤ, ဒီးကကဲထီၣ်အဝဲသ့ၣ်အတၢ်အစိၤစိၤအဃၣ်ဃၣ်လီၤ.

လံာ်တၢ်ဂံၢ် 33:54

နီၤဖးလီၤကီၢ်န့ၣ်လၢပှၤအဒူၣ်အကလုာ်ကလုာ်တဖၣ်ဒီးဒူၣ်ထၢတဖၣ် အကျါခီဖျိတၢ်ဖီၣ်တၢ်ဖးတဖၣ်, ဒီးဟ့ၣ်လီၤကီၢ်အလီၢ်လဲၢ်တတီၤဆူဒူၣ်ထၢအဒိၣ်တဒူၣ်လၢအတၢ်န့ၢ် သါအဂီၢ်, ဒီးကီၢ်အလီၢ်အံၣ်ဆူဒူၣ်ထၢအဆံးဖိတဒူၣ်အအိၣ်တက့ၢ်.

လံာ်စီၤယိၤၡူ 13:7

ဒီးခဲကနံၣ်အံၤ, နီၤဖးထံဧိၤကီၢ်ဧိၤလၢဒူၣ်အဂၤခွံဒူၣ်အကျါဒီးပှၤမနၤၡ့ၤ အဒူၣ်တဝာ်ဒ်သိးအဝဲသ့ၣ်ကန့ၢ်ဘၣ်ဝဲဒ် အတၢ်န့ၢ်သါဒၣ်ဝဲအသိးန့ၣ်တက့ၢ်.”

လံာ်စီၤယိၤၡူ 19:51

ပှၤလုၢ်တၢ်အခိၣ်စီၤအလၤဧစၢ်, စီၤနိၣ်အဖိခွါစီၤယိၤၡူ, ဒီးပှၤအံၣ်စရ့လးဖိအဒူၣ်တဖၣ်အခိၣ်အနၢ်တဖၣ်ဖီၣ်တၢ်ဖးဝံၤဒီး နီၤဖးလီၤထံကီၢ်လၢယွၤအမဲာ်ညါဖဲတၢ်ဘူၣ်ထီၣ်ဘါထီၣ်ယွၤ အဒဲအကျဲစၢၤလၢဝ့ၢ်ၡံလိၤန့ၣ်လီၤ. အန့ၣ်ဒီးအဝဲသ့ၣ်နီၤဖးထံကီၢ်ဝံၤဝဲဒၣ်န့ၣ်လီၤ.

လံာ်စီၤယိၤၡူ 21:43

သတးဒီးယွၤဟ့ၣ်လီၤပှၤအံၣ်စရ့လးဖိလၢထံကီၢ်ခဲလၢာ်ဒ်အအၢၣ် လီၤတ့ၢ်ဝဲလၢအကဟ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဖဲအဝဲသ့ၣ်မၤန့ၢ်ထံကီၢ်ခဲလၢာ်လံဒီးအဝဲသ့ၣ်အိၣ်ဝဲ ဆိးဝဲဖဲန့ၣ်န့ၣ်လီၤ.

လံာ်စီၤယိၤၡူ 23:4

ကွၢ်ကွၢ်, ယနီၤလီၤန့ၢ်သုတၢ်န့ၢ်သါလၢသုဒူၣ်တဖၣ်အဂီၢ်လၢပှၤကလုာ်အအိၣ်လီၤတဲာ်ဒံးတဖၣ်အကီၢ်, ဃုာ်ဒီးပှၤကလုာ်လၢယမၤနၢၤတ့ၢ်လံခဲလၢာ်အကီၢ်စးထီၣ်လၢ ထံကျိယၢ်ဒ့ၣ်တုၤလၢမုၢ်ထီၣ်လၢပီၣ်လဲၣ်ဖးဒိၣ်မဲးဒံးယၢၣ်ရ့နယၢၣ်လၢမုၢ်နုာ်န့ၣ်လီၤ.