စံးထီၣ်ပတြၢၤ 78:51 - Sgaw Karen Common Bible

⁵¹ အဝဲမၤသံကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအဟံၣ်ဖိဃီဖိအကျါန့ၣ်လီၤ.

စံးထီၣ်ပတြၢၤ 78:51 Iomraidhean Croise

လံာ်တၢ်ကဲထီၣ်အခီၣ်ထံး 10:6

ဒီးစီၤဃၣ်အဖိခွါန့ၣ်မ့ၢ်ဝဲစီၤကူၤၡး, စီၤအဲၤကူပတူး, စီၤဖူးဒီးစီၤကနၤဧၣ်တဖၣ်န့ၣ်လီၤ. အဝဲသ့ၣ်တဖၣ်န့ၣ်မ့ၢ်ပၢ်လၢပျၢၤတဖၣ်လၢအပှၤဂီၢ်မုၢ်စိာ်အဝဲ သ့ၣ်တဖၣ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 49:3

စီၤရူၤဘ့ၣ်, ယဖိဝဲၢ်ကိ, နမ့ၢ်ယဂံၢ်ယဘါ, ဒီးယတၢ်ဒိၣ်တုာ်ခိၣ်ပှဲၤအဖိအဆိကတၢၢ်, ပှၤဒိၣ်ဝဲထီဝဲကတၢၢ် ဒီးအဂံၢ်ဆူၣ်ကတၢၢ်လၢယဖိခွါတဖၣ်အကျါလီၤ.

စံးထီၣ်ပတြၢၤ 105:23

တုၤစီၤယၤကိာ်လဲၤဆူ ကီၢ်အဲၤကူပတူး ဒီးအိၣ်ဝဲဆိးဝဲဖဲ ကီၢ်န့ၣ်အပူၤလီၤ.

စံးထီၣ်ပတြၢၤ 105:27

အဝဲသ့ၣ်မၤတ့ၢ်ကစၢ်ယွၤအတၢ်မၤဖးဒိၣ်တဖၣ် ဒီးမၤတၢ်လီၤလးတဖၣ်လၢ ကီၢ်အဲၤကူပတူးအပူၤလီၤ.

စံးထီၣ်ပတြၢၤ 105:36

အဝဲမၤသံကွံာ်ကယဲၢ်ကီၢ်အဲၤကူပတူးအဟံၣ်ဒူၣ်ဃီထၢတဖၣ်, အဖိခွါဝဲၢ်ကိခဲလၢာ်န့ၣ်လီၤ.

စံးထီၣ်ပတြၢၤ 106:22

တၢ်လၢအဝဲမၤတ့ၢ်ဝဲဖဲန့ၣ်တဖၣ်လီၤလးဒိၣ်မးလဲၣ်. လၢပီၣ်လဲၣ်ဂီၤန့ၣ်မၤတၢ်လီၤကမၢကမၣ်ဒိၣ်မးလဲၣ်.

စံးထီၣ်ပတြၢၤ 135:8

အဝဲဒၣ်န့ၣ်မ့ၢ်ပှၤလၢအကျီသံကွံာ် ပှၤအဲၤကူပတူးအဖိဝဲၢ်ကိ, ဒီးဆၣ်ဖိကီၢ်ဖိဝဲၢ်ကိစ့ၢ်ကီးန့ၣ်လီၤ.

စံးထီၣ်ပတြၢၤ 136:10

အဝဲကျီသံကွံာ်ပှၤအဲၤကူပတူးဖိအဖိဝဲၢ်ကိလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

လံာ်တၢ်ဟးထီၣ်ကွံာ် 12:12

လၢမုၢ်နၤအဝဲန့ၣ်ယကလဲၤခီဂာ်ကီၢ်အဲၤကူပတူးဒီးမၤသံကွံာ် ကယဲၢ်တၢ်အဝဲၢ်ကိအပိာ်ခွါမ့တမ့ၢ်အဖါလၢကီၢ်အဲၤကူပတူးအပူၤ လၢပှၤကညီတုၤလၢဆၣ်ဖိကီၢ်ဖိဒီးစံၣ်ညီၣ်ကီၢ်အဲၤကူပတူး အကစၢ်ခဲလၢာ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဟးထီၣ်ကွံာ် 13:15

ဒီးဖဲပှၤအဲၤကူပတူးဖိအစီၤပၤမၤကိၤအသးဒီးဂ့ၢ်လိာ်ဝဲလၢအကပျဲ ပဟးထီၣ်န့ၣ်, ယွၤမၤသံကယဲၢ်ပှၤကညီဒီးဆၣ်ဖိကီၢ်ဖိအဖိဝဲၢ် ကိခဲလၢာ်လၢကီၢ်အဲၤကူပတူးအပူၤန့ၣ်လီၤ. မၤသးဒ်န့ၣ်ဒီးပလုၢ်ထီၣ်ကယဲၢ်ဆၣ်ဖိကီၢ်ဖိအဖိဝဲၢ်ကိခဲလၢာ် ဆူယွၤအအိၣ်န့ၣ်လီၤ. မ့မ့ၢ်ပဖိဝဲၢ်ကိပိာ်ခွါတဖၣ်န့ၣ်ပပှ့ၤကဒါက့ၤအီၤန့ၣ်လီၤ.

ဧ့ၤဘြံၤ 11:28

လၢတၢ်စူၢ်တၢ်နာ်အဝဲဒုးအိၣ်ထီၣ်ဘူၣ်လဲၤကပာ်ဒီးဟ့ၣ် လီၤအကလုၢ်လၢပှၤကဘၣ်ဖှံတြဲၤအထူၣ်တဖၣ်လၢတၢ် သွံၣ်, ဒ်သိးတၢ်သံအကလူးအသုတမၤသံဘၣ်အံၣ်စရ့လး အဖိဝဲၢ်ကိတဖၣ်တဂ့ၤအဂီၢ်န့ၣ်လီၤ.