စံးထီၣ်ပတြၢၤ 78:5 - Sgaw Karen Common Bible

⁵ အဝဲဟ့ၣ်လီၤတၢ်သိၣ်တၢ်သီတဖၣ်ဆူ အံၣ်စရ့လးအပှၤဂီၢ်မုၢ် ဒီးတၢ်မၤလိာ်တဖၣ်ဆူ ယၤကိာ်အစၢၤအသွဲၣ်န့ၣ်လီၤ. အဝဲသိၣ်လိတ့ၢ်လံပပၢ်သ့ၣ်တဖၣ်လၢ ကသိၣ်လိယွၤအတၢ်သိၣ်တၢ်သီ ဆူအဖိအလံၤတဖၣ်,

စံးထီၣ်ပတြၢၤ 78:5 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

စံးထီၣ်ပတြၢၤ 119:152

နတၢ်အုၣ်နသးတဖၣ်န့ၣ်ယသ့ၣ်ညါတ့ၢ်လၢပျၢၤ, လၢနပာ်လီၤအီၤလီၤထူလီၤယိာ်န့ၣ်လီၤ.

စံးထီၣ်ပတြၢၤ 147:19

အဝဲဟ့ၣ်လီၤအပှၤဂီၢ်မုၢ်လၢ အတၢ်ကစီၣ်, အတၢ်မၤလိာ်ဒီးအတၢ်သိၣ်တၢ်သီတဖၣ် ဆူအံၣ်စရ့လးန့ၣ်လီၤ.

စံးထီၣ်ပတြၢၤ 19:7

ယွၤအတၢ်သိၣ်တၢ်သီလၢဝဲပှဲၤဝဲ ဒီးမၤကျၢၤထီၣ်က့ၤပသးလီၤ. ယွၤအတၢ်အုၣ်အသးန့ၣ်မ့ၢ်ဝဲတီဝဲ, ဒီးဒုးကူၣ်သ့ပှၤလၢအတမၤလိဘၣ်တၢ်ဘၣ်လီၤ.

စံးထီၣ်ပတြၢၤ 81:5

အဝဲဟ့ၣ်လီၤတၢ်န့ၣ် ဆူအံၣ်စရ့လးအပှၤဂီၢ်မုၢ်, ဖဲအဒုးကီၢ်အဲၤကူပတူးအခါန့ၣ်လီၤ. ယနၢ်ဟူတၢ်ကလုၢ်တမံၤလၢယတသ့ၣ်ညါဘၣ်စံးဝဲ,

လံာ်တၢ်ဟးထီၣ်ကွံာ် 12:27

သုကဘၣ်စံးဆၢလၢအအံၤမ့ၢ်တၢ်လုၢ်တၢ်ပာ်ဘၣ်ဃးဘူၣ်လဲၤကပာ်လၢ တၢ်ကမၤလၤကပီၤယွၤအဂီၢ်န့ၣ်လီၤ. အဂ့ၢ်ဒ်အံၤ, ယွၤလဲၤကပာ်ကွံာ်ပှၤအံၣ်စရ့လးဖိတဖၣ်အဟံၣ်လၢ ကီၢ်အဲၤကူပတူးအပူၤန့ၣ်လီၤ. အဝဲမၤသံကွံာ်ပှၤအဲၤကူပတူးဖိတဖၣ်ဒီးပျၢ်ဖျဲးပှၤန့ၣ်လီၤ.” ဒီးပှၤအံၣ်စရ့လးဖိတဖၣ်တီၤလီၤဒီးဘူၣ်ထီၣ်ဘါထီၣ်ယွၤလီၤ.

လံာ်တၢ်ဟးထီၣ်ကွံာ် 25:16

အန့ၣ်ဝံၤဒီးလၢၢ်ဘ့ၣ်ဘၣ်ခံဘ့ၣ်လၢတၢ်ကွဲးလီၤတ့ၢ်တၢ်မၤလိာ် တဖၣ်လၢယကဟ့ၣ်သုန့ၣ်ဒၢနုာ်အီၤဆူတလါအပူၤတက့ၢ်.

လံာ်တၢ်ဟးထီၣ်ကွံာ် 25:21

ဒၢနုာ်လၢၢ်ဘ့ၣ်ဘၣ်ခံဘ့ၣ်ဆူတလါအပူၤန့ၣ်ဒီးကးဘၢအီၤလၢ တလါအခိၣ်ကၢၢ်တက့ၢ်.

လံာ်တၢ်ဟးထီၣ်ကွံာ် 40:20

အန့ၣ်ဝံၤဒီးအဝဲဟံးထီၣ်တၢ်မၤလိာ်အထံၣ်တဆံအလၢၢ်ဘ့ၣ်ဘၣ်ဒီး ဒၢနုာ်အီၤဆူတလါစီဆှံအပူၤန့ၣ်လီၤ. အဝဲဂိာ်နုာ်နီၣ်ယိးဘိတဖၣ်ဆူတလါအကွီၤတဖၣ်အပူၤဒီးပာ်ထီၣ် တလါစီဆှံအခိၣ်ကၢၢ်န့ၣ်လီၤ.

လံာ်တၢ်ဟးထီၣ်ကွံာ် 40:3

ဒၢနုာ်လီၤတၢ်အၢၣ်လီၤအီလီၤအတလါစီဆှံလၢအအိၣ်ဒီးတၢ်မၤ လိာ်အထံၣ်တဆံန့ၣ်လၢအပူၤ, ဒီးဘျးထီၣ်ယၣ်ဘျးသဒၢတၢ်လၢအမဲာ်ညါတက့ၢ်.

လံာ်ယၡါယၤ 38:19

ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

ရိမ့ၤ 3:2

အိၣ်အါဝဲနီၢ်နီၢ်လၢကျဲကိးဘိဒဲးန့ၣ်လီၤ. အခီၣ်ထံးကတၢၢ်တမံၤန့ၣ်, ကစၢ်ယွၤဟ့ၣ်လီၤအးလီၤအတၢ်ကစီၣ်လၢပှၤယူဒၤဖိတဖၣ်န့ၣ်လီၤ.

အ့းဖ့းစူး 6:4

မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 11:19

သိၣ်လိန့ၢ်သုဖိတဖၣ်တက့ၢ်. ကတိၤတၢ်လၢအဂ့ၢ်ဖဲ သုအိၣ်လၢဟံၣ်ဒီးဖဲသုလဲၤတၢ်က့ၤတၢ်, ဖဲသုအိၣ်ဘှံးအိၣ်သါ ဒီးဖဲသုဖံးတၢ်မၤတၢ်အခါန့ၣ်တက့ၢ်.

လံာ်သိၣ်လီၤသီလီၤတၢ် 31:13

လၢကျဲဒ်သိးအံၤန့ၣ်, သုစၢၤသုသွဲၣ်တဖၣ်လၢတနၢ်ဟူဘၣ်တ့ၢ်ယူ ဒၤအတၢ်သိၣ်တၢ်သီလၢယွၤ, သုကစၢ်ယွၤဟ့ၣ်လီၤဝဲန့ၣ်ကနၢ်ဟူဘၣ်အီၤလီၤ. မၤသးဒ်န့ၣ်ဒီး, အဝဲသ့ၣ်ကမၤလိန့ၢ်တၢ်စူၢ်အီၤဖဲအဝဲသ့ၣ်အိၣ်မူဒံးဝဲအခါ လၢကီၢ်တဘ့ၣ်လၢသုကဘၣ်မၤန့ၢ်အီၤလၢအအိၣ်ဝဲလၢထံကျိ ယၢ်ဒ့ၣ်အဝၢ်ဘးခီအပူၤန့ၣ်လီၤ.”

လံာ်သိၣ်လီၤသီလီၤတၢ် 32:46

အဝဲစံးဝဲ, “မၤလီၤတံၢ်လၢသုကစူၢ်ကယဲၢ်တၢ်မၤလိာ်တဖၣ်အံၤ လၢယဟ့ၣ်လီၤသုတနံၤအံၤန့ၣ်တက့ၢ်. တဲကဒါက့ၤအီၤဆူသုဖိတဖၣ်, ဒ်သိးအဝဲသ့ၣ်ကစူၢ်ကယဲၢ်ကစၢ် ယွၤအတၢ်သိၣ်လိတဖၣ်လၢတၢ်သူၣ်တီသးရၤအပူၤတက့ၢ်.

လံာ်သိၣ်လီၤသီလီၤတၢ် 4:45

အဝဲဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီ တဖၣ်အံၤဖဲအဝဲသ့ၣ်ဟးထီၣ်လၢကီၢ်အဲၤကူပတူးဝံၤအလီၢ်ခံ, ဒီးအဝဲသ့ၣ်အိၣ်လၢထံကျိယၢ်ဒ့ၣ်အမုၢ်ထီၣ်တၢ်တြီၤပူၤ, လၢအအိၣ်ကွၢ်ဆၢညါလိာ်သးဒီးဝ့ၢ်ဘ့ၤသပဧိၢ်အကတီၢ်န့ၣ်လီၤ.

လံာ်သိၣ်လီၤသီလီၤတၢ် 6:7

သိၣ်လိသီလိသုဖိသုလံၤတဖၣ်န့ၣ်တက့ၢ်. ဖဲသုအိၣ်လၢဟံၣ် ဒီးဖဲသုအိၣ်လၢတၢ်လီၢ်အယံၤ, ဖဲသုအိၣ်ဘှံးဒီးဖဲသုမၤ တၢ်အခါန့ၣ်, ယၢၤထီၣ်ကဒါက့ၤအီၤတက့ၢ်.