စံးထီၣ်ပတြၢၤ 78:42 - Sgaw Karen Common Bible

⁴² အဝဲသ့ၣ်သးပ့ၤနီၣ်ကွံာ်အတၢ်စိတၢ်ကမီၤ, ဒီးမုၢ်တနံၤလၢအဝဲဒၣ်အုၣ်က့ၤခီၣ်က့ၤအဝဲသ့ၣ် လၢအဒုၣ်အဒါတဖၣ်အစုပူၤ,

စံးထီၣ်ပတြၢၤ 78:42 Iomraidhean Croise

စံးထီၣ်ပတြၢၤ 106:21

အဝဲသ့ၣ်သးပ့ၤနီၣ်ကွံာ်ကစၢ်ယွၤ, ပှၤအုၣ်က့ၤခီၣ်က့ၤအီၤ, ပှၤလၢအမၤတ့ၢ်တၢ်အဒိၣ်တဖၣ်လၢ အဲၤကူပတူးအပူၤန့ၣ်လီၤ.

စံးထီၣ်ပတြၢၤ 78:11

အဝဲသ့ၣ်သးပ့ၤနီၣ်တၢ်လၢယွၤမၤတ့ၢ်ဝဲ ဒီးတၢ်လီၤလးတဖၣ်လၢ အဒုးနဲၣ်တ့ၢ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 13:9

တၢ်အလုၢ်အလၢ်အံၤကမ့ၢ်တၢ်ဒုးသ့ၣ်နီၣ်ထီၣ်တၢ်, ဒ်တၢ်တမံၤလၢအဘၣ်တၢ်စၢဃးအီၤလၢသုစုလိၤမ့ၢ်ဂ့ၤလၢသု ခိၣ်တိသၣ်လိၤမ့ၢ်ဂ့ၤ, ဒ်သိးကဒုးသ့ၣ်နီၣ်ထီၣ်သုလၢသုကတိၢ် န့ၢ်ဒီးမၤလိထွဲယွၤအတၢ်သိၣ်တၢ်သီလၢအဟ့ၣ်လီၤပှၤယူဒၤဖိ န့ၣ်လီၤ. အဂ့ၢ်ဒ်အံၤ, ယွၤထုးထီၣ်ကွံာ်သုလၢကီၢ်အဲၤကူပတူးပတူးအပူၤလၢအတၢ်စိ တၢ်ကမီၤဖးဒိၣ်န့ၣ်လီၤ.

လံာ်တၢ်ဟးထီၣ်ကွံာ် 14:12

မ့ၢ်ပတတဲဘၣ်နၤတချုးပဟးထီၣ်ဒံးဘၣ်န့ၣ်လၢတၢ်ကမၤအသးဒ်သိး အံၤဘၣ်ဧါ. ပတဲတ့ၢ်နၤလၢနကပျဲပအိၣ်ဒၣ်ဒ်န့ၣ်ဒီးကဲဒၣ်ပှၤအဲၤကူပတူးဖိ တဖၣ်အကုၢ်န့ၣ်လီၤ. တၢ်ကဲကုၢ်ဖဲန့ၣ်, ဂ့ၤဒိၣ်န့ၢ်ဒံးတၢ်သံဖဲအံၤလၢပှၢ်မုၢ်ကနၢ အပူၤတက့ၢ်န့ၣ်လီၤ.”

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယံးရမံယၤ 32:21

ခီဖျိတၢ်လီၤလးတဖၣ်ဒီး တၢ်လီၤကမၢကမၣ်တဖၣ်လၢ အမၤပျံၤ မၤဖုးပဒုၣ်ပဒါတဖၣ်န့ၣ်, နသူတ့ၢ်နစိနကမီၤဒီး နတၢ်ဂံၢ်ဆူၣ်ဘါဆူၣ် ဒ်သိး နကထုးထီၣ်ကွံာ်ပှၤဂီၢ်မုၢ် အံၣ်စရ့လးလၢ ကီၢ်အဲၤကူပတူးန့ၣ်လီၤ.

လံာ်ပှၤစံၣ်ညီၣ်ကွီၢ် 8:34

အဝဲသ့ၣ်တမၤလၢၤကစၢ်ယွၤလၢအအုၣ်က့ၤခီၣ်က့ၤတ့ၢ်အီၤလၢအဒုၣ်အဒါ လၢအအိၣ်ဝးတရံးအီၤတဖၣ်အစုပူၤအတၢ်မၤလၢၤဘၣ်န့ၣ်လီၤ.