စံးထီၣ်ပတြၢၤ 78:40 - Sgaw Karen Common Bible

⁴⁰ အဝဲသ့ၣ်တဖၣ်န့ၣ်ပူထီၣ်အီၤ ဒီးမၤဆါအသးလၢပှၢ်မုၢ်ကနၢအပူၤပှဲၤဘျီလဲၣ်.

စံးထီၣ်ပတြၢၤ 78:40 Iomraidhean Croise

စံးထီၣ်ပတြၢၤ 107:11

အဂ့ၢ်ဒ်အံၤအဝဲသ့ၣ်ပူထီၣ်ကစၢ်ယွၤအကလုၢ်ကထါ, ဒီးညိကွံာ်တၢ်ထီကတၢၢ်တဂၤ အတၢ်ဟ့ၣ်ကူၣ်န့ၣ်လီၤ.

စံးထီၣ်ပတြၢၤ 78:17

ဘၣ်ဆၣ်အဝဲသ့ၣ်မၤကမၣ်တၢ်ထီဒါကစၢ်ယွၤအါထီၣ် ဒီးပူထီၣ်တၢ်ထီကတၢၢ်တဂၤလၢ မဲးမုၢ်ခိၣ်အပူၤန့ၣ်လီၤ.

စံးထီၣ်ပတြၢၤ 78:8

အဝဲသ့ၣ်တမ့ၢ်ကလီၤဂာ်ဒီးအပၢ်သ့ၣ်တဖၣ် လၢအပူထီၣ်တၢ်ဒီးအတၢ်ဒိကနၣ်တအိၣ်, ပှၤတစိၤလၢအတၢ်နာ်ယွၤတဂၢၢ်တကျၢၤ, ဒီးတအိၣ်လၢၤလၢတၢ်သးတီဒီးယွၤန့ၣ်ဘၣ်လီၤ.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယၡါယၤ 7:13

ဘၣ်ဃးတၢ်အံၤန့ၣ်ဝံယၡါယၤစံးဆၢတၢ်ဒီးစံးဝဲ, “အခဲအံၤ, ဒိကနၣ်တက့ၢ်, စီၤပၤစီၤဒၤဝံးအစၢၤအသွဲၣ်သ့ၣ် ဧၢ, သုမၤလၢာ်ကွံာ်ပှၤကညီအတၢ်သးစူၤန့ၣ်အၢတ့ၢ်မးလံ. မ့ၢ်သုကမၤလၢာ်ကွံာ်ကစၢ်ယွၤအတၢ်သးစူၤစ့ၢ်ကီးဧါ.

လံာ်တၢ်ဂံၢ် 14:11

ယွၤစံးဘၣ်စီၤမိၤၡ့, “မ့ၢ်ပှၤဂီၢ်မုၢ်အံၤကညိကွံာ်ဒံးယၤ ဆံးယံာ်လဲၣ်. ယမၤတ့ၢ်တၢ်လီၤလးအါမံၤလၢအဝဲသ့ၣ် အကျါဒၣ်လဲာ်, ကဂ့ၢ်လိာ်တၢ်လၢတနာ်ယၤအဂီၢ်န့ၣ်ဆံးယံာ်ဒံးလဲၣ်.

အ့းဖ့းစူး 4:30

တဘၣ်မၤသးအုးယွၤအသးစီဆှံတဂ့ၤ. အဂ့ၢ်ဒ်အံၤယွၤအသးစီဆှံမ့ၢ်ကစၢ်ယွၤအတၢ်စဲပနီၣ်ဃာ် သုလၢတၢ်အုၣ်က့ၤခီၣ်က့ၤအမုၢ်တနံၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 9:7

သုမၤသးဒိၣ်ထီၣ်တ့ၢ်ယွၤသုကစၢ်ယွၤလၢပှၢ်မုၢ်ကနၢအပူၤန့ၣ် သးပ့ၤနီၣ်ကွံာ်အီၤနီတစုတဂ့ၤ. စးထီၣ်မုၢ်တနံၤလၢသု ဟးထီၣ်ကွံာ်လၢကီၢ်အဲၤကူပတူးတုၤလၢဖဲအံၤအမုၢ်တနံၤန့ၣ်, သုပူထီၣ်တၢ်ထီဒါအီၤအခါန့ၣ်လီၤ.