စံးထီၣ်ပတြၢၤ 78:4 - Sgaw Karen Common Bible

⁴ ပတပာ်တဒၢတၢ်သ့ၣ်တဖၣ်န့ၣ်လၢပဖိတဖၣ်ဘၣ်. ပကတဲဘၣ်ပှၤလၢခံတစိၤ လၢယွၤအတၢ်မၤအဒိၣ်အမုၢ်တဖၣ် ဒီးအစိအကမီၤ, ဒီးအတၢ်မၤလီၤလးတဖၣ်လၢအမၤတ့ၢ်ဝဲန့ၣ်လီၤ.

စံးထီၣ်ပတြၢၤ 78:4 Iomraidhean Croise

လံာ်စီၤယိၤဘး 15:18

ပှၤကူၣ်ဘၣ်ကူၣ်သ့သ့ၣ်တဖၣ်သိၣ်လိတ့ၢ်လံယၤတၢ်မ့ၢ်တၢ်တီ တဖၣ်လၢအမၤလိန့ၢ်တ့ၢ်လၢအမိၢ်ပၢ်ဖံဖုလၢပျၢၤတဖၣ်အအိၣ် ဒီးအဝဲသ့ၣ်တဖၣ်တပာ်ခူသူၣ်တၢ်နီတမံၤဘၣ်.

စံးထီၣ်ပတြၢၤ 26:7

ယသးဝံၣ်တၢ်စံးထီၣ်ပတြၢၤအတၢ်သးဝံၣ် ဒီးတဲဖျါထီၣ်နတၢ်မၤလီၤလးခဲလၢာ်လီၤ.

စံးထီၣ်ပတြၢၤ 9:14

ဒ်သိးယကဆၢထၢၣ်ဘၣ်ယဲလၢ ဝ့ၢ်ယရူၤၡလ့ၣ်အပှၤဂီၢ်မုၢ်အမဲာ်ညါ ဒီးစံးဘၣ်အဝဲသ့ၣ်ခဲလၢာ်လၢ ယဘၣ်စံးထီၣ်ပတြၢၤ နၤအဂ့ၢ်န့ၣ်တက့ၢ်. ယကသူၣ်ဖှံသးညီလၢနအုၣ်က့ၤခီၣ်က့ၤယၤအဃိလီၤ.

လံာ်တၢ်ဟးထီၣ်ကွံာ် 12:26

ဖဲသုဖိသုလံၤတဖၣ်သံကွၢ်သုလၢတၢ်အလုၢ်အလၢ်အံၤအခီ ပညီမ့ၢ်ဒ်လဲၣ်န့ၣ်,

လံာ်တၢ်ဟးထီၣ်ကွံာ် 13:14

ဒီးခါဆူညါန့ၣ်တုၤသုဖိခွါတဖၣ်သံကွၢ်သုလၢတၢ်အလုၢ်အလၢ် အံၤအခီပညီမ့ၢ်တၢ်မနုၤလဲၣ်န့ၣ်ဒီးသုကဘၣ်စံးဆၢအီၤ, ယွၤသူအစိကမီၤဖးဒိၣ်ဒီးထုးထီၣ်ကွံာ်ပှၤလၢကီၢ်အဲၤကူပတူး, ဖဲတၢ်လီၢ်လၢပကဲတ့ၢ်ကုၢ်န့ၣ်လီၤ.

လံာ်တၢ်ဟးထီၣ်ကွံာ် 13:8

ဖဲဘူၣ်စးထီၣ်န့ၣ်, တဲနၢ်ပၢၢ်သုဖိခွါတဖၣ်လၢသုမၤတၢ်အံၤ န့ၣ်မ့ၢ်လၢယွၤမၤတ့ၢ်တၢ်လၢသုဂီၢ်ဖဲသုဟးထီၣ်လၢကီၢ်အဲၤ ကူပတူးအဃိန့ၣ်တက့ၢ်.

လံာ်ယၡါယၤ 38:19

ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

လံာ်ယိၤအ့လး 1:3

ဒီးတဲဘၣ်သုဖိသုလံၤ, ဒီးသုဖိသုလံၤကတဲဘၣ်အဖိအလံၤ, ဒီးအဝဲသ့ၣ်အဖိအလံၤကတဲဘၣ်ကဒီး အဖိအလံၤန့ၣ်လီၤ.

လံာ်သိၣ်လီၤသီလီၤတၢ် 11:19

သိၣ်လိန့ၢ်သုဖိတဖၣ်တက့ၢ်. ကတိၤတၢ်လၢအဂ့ၢ်ဖဲ သုအိၣ်လၢဟံၣ်ဒီးဖဲသုလဲၤတၢ်က့ၤတၢ်, ဖဲသုအိၣ်ဘှံးအိၣ်သါ ဒီးဖဲသုဖံးတၢ်မၤတၢ်အခါန့ၣ်တက့ၢ်.

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

လံာ်သိၣ်လီၤသီလီၤတၢ် 6:7

သိၣ်လိသီလိသုဖိသုလံၤတဖၣ်န့ၣ်တက့ၢ်. ဖဲသုအိၣ်လၢဟံၣ် ဒီးဖဲသုအိၣ်လၢတၢ်လီၢ်အယံၤ, ဖဲသုအိၣ်ဘှံးဒီးဖဲသုမၤ တၢ်အခါန့ၣ်, ယၢၤထီၣ်ကဒါက့ၤအီၤတက့ၢ်.