စံးထီၣ်ပတြၢၤ 78:36 - Sgaw Karen Common Bible

³⁶ ဘၣ်ဆၣ်ဒီးအဝဲသ့ၣ်လီန့ၢ်အီၤလၢအထးခိၣ်, ဒီးကတိၤကဘျံးကဘျၣ်တၢ်ဒီးအီၤလၢအပျ့ၤန့ၣ်လီၤ.

စံးထီၣ်ပတြၢၤ 78:36 Iomraidhean Croise

စံးထီၣ်ပတြၢၤ 18:44

ပှၤတခီဘီမုၢ်ဖိတဖၣ်တီၤလီၤကဒွံကျိာ်လၢယမဲာ်ညါ ဒီးဖဲအနၢ်ဟူယကလုၢ်န့ၣ်, ဒိကနၣ်ဝဲလီၤ.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယၡါယၤ 57:11

ယွၤစံးဝဲ, “တုၤဒၣ်လဲာ်သုဘၣ်တဲယၤတၢ်လီတၢ်ဝ့ၤတဖၣ် ဒီးသးပ့ၤနီၣ်ကွံာ်ယၤလၢာ်လၢာ်ဆ့ဆ့န့ၣ်, မ့ၢ်ကစၢ်မတၤတဖၣ်မၤပျံၤမၤဖုးသုန့ၣ်လဲၣ်. မ့ၢ်သုဆိကတီၢ်ကွံာ်သု တၢ်ယူးယီၣ်ယၤ, မ့ၢ်လၢယအိၣ်ဘှ့ၣ် အိၣ်ဘှီၣ်ကဲၣ်ဆိးအဃိန့ၣ်ဧါ.

လံာ်ယံးရမံယၤ 42:6

တၢ်ဘၣ်ပှၤမုာ်မ့ၢ်ဂ့ၤ, တမုာ်မ့ၢ်ဂ့ၤ ပကစူၢ်ယွၤပကစၢ် ယွၤလၢ ပမၢနဃ့ဘါထုကဖၣ်ဆူ အအိၣ်လၢပဂီၢ်န့ၣ် လီၤ. ပမ့ၢ်စူၢ်အီၤဒီး, တၢ်ခဲလၢာ်ကလဲၤအသးဂ့ၤဂ့ၤဘၣ် ဘၣ်လၢပဂီၢ်န့ၣ်လီၤ.”

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်ဟိၤၡ့ 11:12

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ကဝီၤဃာ်ယၤဒီး တၢ်လီတၢ်ဝ့ၤတဖၣ်ဒီးတၢ်ကတိၤကဘျံးကဘျၣ်, ဒီးကီၢ်ယူဒၤအပှၤဂီၢ်မုၢ်ပူထီၣ်ဒံးတၢ်ထီဒါယၤ, တၢ်သူၣ်တီသးရၤဒီးတၢ်စီဆှံအကစၢ်ယွၤန့ၣ်လီၤ.

လံာ်ဟိၤၡ့ 12:1

တၢ်ခဲလၢာ်လၢကီၢ်အံၣ်စရ့လးအပှၤဂီၢ်မုၢ်မၤဝဲစးထီၣ် လၢဂီၤတုၤလၢဟါန့ၣ်မ့ၢ်တၢ်လၢအဘျုးတအိၣ်ဘၣ်ဒီးတၢ်ဟးဂီၤ န့ၣ်လီၤ. တၢ်လီတၢ်ဝ့ၤဒီးတၢ်စုဆူၣ်ခီၣ်တကးအတၢ်ဖံးတၢ်မၤတဖၣ် အါထီၣ်ဝဲလၢအဝဲသ့ၣ်အကျါလီၤ. အဝဲသ့ၣ်မၤလံာ်ဃံၤဃာ်ဒီးကီၢ်အၤ ၡူၢ်ဒီးမၤတၢ်ကူၣ်ဖံးကူၣ်မၤဒီးကီၢ်အဲၤကူပတူးန့ၣ်လီၤ.

လံာ်ဟိၤၡ့ 12:2

ယွၤအိၣ်ဒီးတၢ်ပာ်တၢ်ကမၣ်တမံၤလၢကဟဲစိာ်ဝဲထီဒါကီၢ် ယူဒၤအပှၤဂီၢ်မုၢ်လီၤ. အဝဲသါကစံၣ်ညီၣ်စ့ၢ်ကီးကီၢ်အံၣ်စရ့လးလၢအတၢ်ဖံးတၢ်မၤ အဂီၢ်လီၤ. အဝဲကဟ့ၣ်ဆၢက့ၤအဝဲသ့ၣ်လၢတၢ်လၢအဝဲသ့ၣ် အပှၤဂီၢ်မုၢ်မၤအဃိန့ၣ်လီၤ.

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.