စံးထီၣ်ပတြၢၤ 78:25 - Sgaw Karen Common Bible

²⁵ ဒီးအဝဲသ့ၣ် အီၣ်ကလူးတဖၣ်အတၢ်အီၣ်, ဒီးကစၢ်ယွၤဟ့ၣ်လီၤအဝဲသ့ၣ်တၢ်အီၣ် လၢလၢပှဲၤပှဲၤန့ၣ်လီၤ.

စံးထီၣ်ပတြၢၤ 78:25 Iomraidhean Croise

စံးထီၣ်ပတြၢၤ 103:20

အကလူးလၢအဂံၢ်ဆူၣ်ဘါဆူၣ်, ဒီးမၤအတၢ်, ဒီးကနၣ်အတၢ်ကတိၤအသီၣ်သ့ၣ်ဧၢ, စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 105:40

အဝဲသ့ၣ်ဃ့တၢ်, ဒီးယွၤဆှၢလီၤထိၣ်ဘှၢၣ်တဖၣ်, အဝဲဒၣ်ဟ့ၣ်လီၤတၢ်အီၣ်လၢ မူခိၣ်လၢကဒုးဘျဲးအီၣ် အဝဲသ့ၣ်အဂီၢ်လီၤ.

လံာ်တၢ်ဟးထီၣ်ကွံာ် 16:8

ဒီးစီၤမိၤၡ့စံးဝဲဒၣ်, “ယွၤမ့ၢ်ပှၤလၢကဟ့ၣ်သုတၢ်ဖံးတၢ် ညၣ်လၢသုကအီၣ်လၢမုၢ်ဟါ, ဒီးကိၣ်ပှဲၤသိးသုအဲၣ်ဒိးအီၣ်လၢမုၢ်ဂီၤအကတီၢ်န့ၣ်လီၤ. အဂ့ၢ်ဒ်အံၤ, အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤန့ၣ်လီၤ. ဖဲသုကဒူးကဒ့ၣ်ထီဒါပှၤန့ၣ်, မ့ၢ်သပှၢ်ကတၢၢ်သုကဒူးကဒ့ၣ်ထီဒါယွၤန့ၣ်လီၤ.”

လံာ်မးသဲ 14:20

ပှၤခဲလၢာ်အီၣ်ဝဲဒီးဘျဲးအီၣ်ဝဲလီၤ. ဒီးအဝဲသ့ၣ်ထၢဖှိၣ်က့ၤတၢ်အီၣ်အဘျဲၣ်အစဲၢ်ပှဲၤကုတဆံခံဒုလီၤ.

လံာ်မးသဲ 15:37

အဝဲသ့ၣ်ကိးဂၤဒဲးအီၣ်ဝဲဒီးဘျဲးအီၣ်ဘျဲးအီဝဲလီၤ. အပျဲၢ်အဘီၣ်တဖၣ်ထၢဖှိၣ်က့ၤတၢ်အဘျဲၣ်အစဲၢ်ပှဲၤကုနွံဒုလီၤ.