စံးထီၣ်ပတြၢၤ 78:21 - Sgaw Karen Common Bible

²¹ လၢတၢ်န့ၣ်အဃိ, တုၤကစၢ်ယွၤနၢ်ဟူဝဲဒၣ်န့ၣ်ဒီးအဝဲပှဲၤဒီးတၢ်သးထီၣ်, ထီဒါယၤကိာ်ဒ် မ့ၣ်အူအီၣ်တၢ်အသိး ဒီးအသးကဲၤထီၣ်ထီဒါအံၣ်စရ့လးလီၤ.

စံးထီၣ်ပတြၢၤ 78:21 Iomraidhean Croise

စံးထီၣ်ပတြၢၤ 78:31

ဒီးတုၤကစၢ်ယွၤအသးထီၣ်အဝဲသ့ၣ်န့ၣ် ဒီးမၤသံကွံာ်အပှၤဆူၣ်ကတၢၢ်တဖၣ်, အံၣ်စရ့လးအပှၤသးစၢ်လၢ အဂ့ၤကတၢၢ်တဖၣ်န့ၣ်လီၤ.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်တၢ်ဂံၢ် 11:10

စီၤမိၤၡ့နၢ်ဟူဘၣ်ကယဲၢ်ပှၤဂီၢ်မုၢ်အတၢ်ကဒူးအဒ့ၣ်ဖဲအဝဲသ့ၣ် ဆၢထၢၣ်ဝဲလၢကရူၢ်တဖၣ်အပူၤဖဲအဝဲသ့ၣ်အဒဲတဖၣ်အကျဲစၢၤန့ၣ် လီၤ. မ့ၢ်လၢယွၤသးဒိၣ်ဘၣ်အဝဲသ့ၣ်အဃိစီၤမိၤၡ့အသးအုးဝဲဒၣ်,

1 ကရံၣ်သူး 10:11

တၢ်သ့ၣ်တဖၣ်အံၤခဲလၢာ်မၤအသးဒီးအဝဲသ့ၣ်ဒ်သိးအကကဲ ထီၣ်တၢ်အဒိအတဲာ်လၢပှၤဂၤတဖၣ်အဂီၢ်ဒီးဘၣ်တၢ်ကွဲးနီၣ် ကွဲးဃါအီၤဒ်သိးအကကဲထီၣ်တၢ်ဟ့ၣ်ပလီၢ်လၢပဂီၢ်လီၤ. အဂ့ၢ်ဒ်အံၤ, ပအိၣ်မူပဝဲဖဲဆၢကတီၢ်လၢတၢ်အကတၢၢ်ဘူး ကတုၤအိၣ်ပှၤလံန့ၣ်လီၤ.

1 ကရံၣ်သူး 10:5

ဘၣ်ဆၣ်ဒီးအန့ၣ်ဒၣ်လဲာ်, ကစၢ်ယွၤတဘၣ်သူၣ်ဘၣ်သးအဝဲသ့ၣ်အါဒၣ်တၢ်တက့ၢ်, ဒီးလၢတၢ်န့ၣ်အဃိ, အဝဲသ့ၣ်အစိၣ်တဖၣ်အိၣ်ပြံပြါလၢပှၢ်မုၢ် ကနၢအပူၤလီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

ဧ့ၤဘြံၤ 12:29

အဂ့ၢ်ဒ်အံၤ, ပကစၢ်ယွၤမ့ၢ်မ့ၣ်အူလၢအအီၣ်ကွံာ်တၢ်လီၤ.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.