စံးထီၣ်ပတြၢၤ 77:9 - Sgaw Karen Common Bible

⁹ မ့ၢ်ကစၢ်ယွၤသးပ့ၤနီၣ်တ့ၢ်လံလၢကသးကညီၤတၢ်န့ၣ်ဧါ. မ့ၢ်အတၢ်သးထီၣ်ဟံးန့ၢ် အတၢ်သးကညီၤအလီၢ်န့ၣ်လံဧါ. စ့လၤ

စံးထီၣ်ပတြၢၤ 77:9 Iomraidhean Croise

စံးထီၣ်ပတြၢၤ 25:6

ယွၤဧၢ, သ့ၣ်နီၣ်ထီၣ်က့ၤနတၢ်သူၣ်ကညီၤသးကညီၤဒီးနတၢ် အဲၣ်ဂၢၢ်ကျၢၤ လၢနပာ်ဖျါတ့ၢ်အီၤလၢပျၢၤန့ၣ်တက့ၢ်.

စံးထီၣ်ပတြၢၤ 40:11

ယွၤဧၢ, မ်နသုတထုးကွံာ်နတၢ်သးကညီၤလၢယၤတဂ့ၤ. မ်နတၢ်အဲၣ်ဂၢၢ်ကျၢၤဒီးနတၢ်သူၣ်တီသးတီ ပၢၤယၤတထံၣ်ဃီတက့ၢ်.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

လံာ်ယၡါယၤ 40:27

ကီၢ်အံၣ်စရ့လးဧၢ, နကဒူးကဒ့ၣ်တၢ်လၢယွၤတသ့ၣ်ညါနတၢ်ကီတၢ်ခဲ တဖၣ်မ့ၢ်ဂ့ၤ, တကဟုကယာ်နၤဖဲနတူၢ်ဘၣ်တၢ်စံၣ်ညီၣ်တတီမ့ၢ်ဂ့ၤန့ၣ်ဘၣ်မနုၤ အဃိလဲၣ်.

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

ရိမ့ၤ 11:32

အဂ့ၢ်ဒ်လဲၣ်န့ၣ်, ကစၢ်ယွၤဒုးကဲထီၣ်ပှၤခဲလၢာ်လၢတၢ်တဒိကနၣ် အကုၢ်အပှၤဒ်သိးကဒုးနဲၣ်တၢ်သးကညီၤလၢအဝဲသ့ၣ်ခဲလၢာ် န့ၣ်လီၤ.

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.