စံးထီၣ်ပတြၢၤ 77:3 - Sgaw Karen Common Bible

³ တုၤယဆိကမိၣ်ထီၣ်ကစၢ်ယွၤန့ၣ်ဒီး, ယဟီၣ်ယယၢၤယဲ, ဒီးယသးလီၤဘှါယဲလီၤ. စ့လၤ

စံးထီၣ်ပတြၢၤ 77:3 Iomraidhean Croise

လံာ်တၢ်ကဲထီၣ်အခီၣ်ထံး 37:35

ကယဲၢ်အဖိခွါဒီးအဖိမုၣ်တဖၣ်ဟဲဝဲလၢကမၤမုာ်အီၤအဂီၢ်, ဘၣ်ဆၣ်ဒီးအဝဲဂ့ၢ်လိာ်ကွံာ်တၢ်မၤမုာ်အီၤဒီးစံးဝဲ, “ယကလဲၤလီၤဆူတၢ်သံအကီၢ်ပူၤ, အိၣ်ဒံးဒီးတၢ်သူၣ်အုးသး အုးလၢယဖိခွါအဃိန့ၣ်လီၤ.” အန့ၣ်ဒီးအဝဲဟီၣ်ယၢၤထွဲဒံးဝဲလၢအဖိခွါစီၤယိၤသးအဃိ န့ၣ်လီၤ.

လံာ်စီၤယိၤဘး 15:11

ကစၢ်ယွၤအတၢ်မၤမုာ်ထီၣ်က့ၤနၤလၢ, ပတၢ်ကတိၤကပုာ်လုး တဖၣ်န့ၣ်တလၢလၢနဂီၢ်ဘၣ်ဧါ.

လံာ်စီၤယိၤဘး 31:23

အဂ့ၢ်ဒ်အံၤယပျံၤကစၢ်ယွၤအတၢ်စံၣ်ညီၣ်သတးဒီး, တၢ်မၤဒ်သိးအံၤန့ၣ်ယမၤတဘူၣ်နီတဘျီဘၣ်.

လံာ်စီၤယိၤဘး 6:4

သ့တၢ်လၢာ်အကစၢ်ယွၤခးတ့ၢ်လံယၤလၢအပျၢ်တဖၣ်ဒီး အစုၣ်ထီၣ်ပှဲၤလၢယပူၤန့ၣ်လီၤ. ကစၢ်ယွၤအတၢ်မၤပျံၤမၤ ဖုးတဖၣ်ရဲၣ်လီၤအသးထီဒါယၤလီၤ.

လံာ်စီၤယိၤဘး 7:11

လၢတၢ်န့ၣ်အဃိယအိၣ်ဃိကလာ်တသ့ဘၣ်. ယကကတိၤ တၢ်လၢတၢ်ကိၢ်တၢ်ဂီၤပှဲၤယသးဒီးကဒူးကဒၣ်လၢ ယတၢ်သးဆါအပူၤလီၤ.

စံးထီၣ်ပတြၢၤ 42:11

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

စံးထီၣ်ပတြၢၤ 42:5

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီး ယကစၢ်ယွၤလၢအမၤပူၤဖျဲးက့ၤယၤလီၤ.

စံးထီၣ်ပတြၢၤ 43:5

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 61:2

လၢတၢ်သးဟးဂီၤဒီး တၢ်အိၣ်ယံၤဒီး ဟံၣ်အပူၤန့ၣ်ယကိးထီၣ်နၤလီၤ. ဆှၢယၤဆူတၢ်ပူၤဖျဲးအလီၢ်တတီၤန့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 3:1

ယမံလၢယလီၢ်မံပူၤတနၤဘၣ်တနၤ, ဒီးမံမီၢ်ဘၣ်ပှၤလၢယအဲၣ်တဂၤန့ၣ်လီၤ. ယကွၢ်ဃုအီၤ, ဘၣ်ဆၣ်ယတထံၣ်န့ၢ်အီၤဘၣ်.

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယံးရမံယၤ 17:17

ကဲထီၣ်တၢ်လၢအမၤပျံၤမၤဖုးယၤတမံၤတဂ့ၤ. ဖဲတၢ်ကီတၢ်ခဲ အဆၢကတီၢ်ဟဲဝဲန့ၣ်, နမ့ၢ်ယတၢ်ပူၤဖျဲးအလီၢ်န့ၣ်လီၤ.

လံာ်သးသယုၢ်တၢ် 3:17

ယသးပ့ၤနီၣ်ကွံာ်တၢ်အိၣ်ဆူၣ်အိၣ်ချ့ဒီးတၢ်ဃူတၢ်မုာ်ဒီးတၢ် သူၣ်ခုသးခုမ့ၢ်တၢ်မနုၤတဖၣ်လဲၣ်န့ၣ်လီၤ.

လံာ်သးသယုၢ်တၢ် 3:39

ဖဲပဘၣ်တၢ်စံၣ်ညီၣ်လၢပတၢ်ဒဲးဘးအဃိန့ၣ်ဘၣ်မနုၤလၢ ပကဒူးကဒ့ၣ်ထီရီၤတၢ်န့ၣ်လဲၣ်.