စံးထီၣ်ပတြၢၤ 77:20 - Sgaw Karen Common Bible

²⁰ နဆှၢနပှၤဂီၢ်မုၢ်ဒ်သိတဖုအသိး လၢစီၤမိၤၡ့ဒီးစီၤအၤဟရိၣ်အစုန့ၣ်လီၤ.

စံးထီၣ်ပတြၢၤ 77:20 Iomraidhean Croise

စံးထီၣ်ပတြၢၤ 78:52

အန့ၣ်ဒီး အဝဲဆှၢထီၣ်အပှၤဂီၢ်မုၢ် ဒ်ပှၤကွၢ်သိတဂၤအသိး ဒီးဆှၢခီဖျိအီၤလၢ ပှၢ်မုၢ်ကနၢန့ၣ်လီၤ.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

လံာ်တၢ်ဟးထီၣ်ကွံာ် 13:21

ဒီးလၢမုၢ်ဆါအကတီၢ်န့ၣ်ယွၤလဲၤတၢ်လၢအဝဲသ့ၣ်အမဲာ်ညါလၢတၢ် အၢၣ်အထူၣ်အပူၤ, ဒ်သိးကနဲၣ်အီၤကျဲဒီးလၢမုၢ်နၤအကတီၢ်န့ၣ်, လဲၤဝဲလၢအမဲာ်ညါလၢအမ့ၣ်အူအထူၣ်အပူၤဒ်သိးကဟ့ၣ်အီၤတၢ်ကပီၤ, ဒ်သိးအဝဲသ့ၣ်လဲၤတၢ်လၢမုၢ်ဆါဒီးလၢမုၢ်နၤကသ့ဝဲအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 14:19

ဒီးကစၢ်ယွၤအကလူးလၢအအိၣ်တ့ၢ်လံလၢကီၢ်အံၣ်စရ့လးအသုးမုၢ် မဲာ်ညါန့ၣ်သုးအသးဒီးလဲၤဆူအဝဲသ့ၣ်အလီၢ်ခံတကပၤန့ၣ်လီၤ. တၢ်အၢၣ်အထူၣ်စ့ၢ်ကီးသုးအသးတုၤလၢပှၤအဲၤကူပတူးဖိတဖၣ်ဒီးပှၤအံၣ်စရ့လးဖိတဖၣ် အဘၢၣ်စၢၤန့ၣ်လီၤ.

လံာ်ယၡါယၤ 43:16

ပူၤကွံာ်လၢညါယံာ်တ့ၢ်မးလံန့ၣ်, ယွၤမ့ၢ်တ့ၢ်ကျဲမုၢ်တဘိ ခီဖျိပီၣ်လဲၣ်, ကျဲဖိတဘိခီဖျိထံသဝံးအပူၤလီၤ.

လံာ်ဟိၤၡ့ 12:13

ယွၤဆှၢလီၤဝံတဂၤဒ်သိးကမၤထူၣ်ဖျဲးကီၢ် အံၣ်စရ့လးအပှၤဂီၢ်မုၢ်လၢတၢ်ကဲကုၢ်အလီၢ်လၢကီၢ်အဲၤ ကူပတူးအပူၤဒီးလၢကအံးထွဲကွၢ်ထွဲအဝဲသ့ၣ်အဂီၢ်လီၤ.

လံာ်ဃဘးကူာ် 3:15

နယီၢ်တံၢ်လီၤပီၣ်လဲၣ်လၢနကသ့ၣ်တဖၣ်, ဒီးထံမိၢ်ပှၢ်အသဘှဲထီၣ်ဝဲလီၤ.

လံာ်တၢ်ဂံၢ် 9:22

ကမ့ၢ်ဒၣ်ဝဲခံသီ, တလါ, တနံၣ်, မ့တမ့ၢ်ယံာ်န့ၢ်အဝဲန့ၣ်မ့ၢ် ဂ့ၤ, ဖဲတၢ်အၢၣ်အိၣ်ဒံးဝဲလၢဒဲစီဆှံအဖီခိၣ်န့ၣ်အဝဲသ့ၣ်တသုး အသးဆူညါဘၣ်. မ့မ့ၢ်ဖဲတၢ်အၢၣ်သုးထီထီၣ်အသးန့ၣ်, အဝဲသ့ၣ်သုးအသးန့ၣ်လီၤ.

လံာ်သိၣ်လီၤသီလီၤတၢ် 11:5

သုသ့ၣ်ညါလၢယွၤမၤတ့ၢ်တၢ်မနုၤလၢသုဂီၢ်လၢပှၢ်မုၢ်ကနၢအပူၤ တချုးလၢသုဟဲတုၤဒံးဖဲအံၤအကတီၢ်န့ၣ်လီၤ.