စံးထီၣ်ပတြၢၤ 77:2 - Sgaw Karen Common Bible

² လၢယတၢ်ကိၢ်တၢ်ဂီၤအမုၢ်နံၤန့ၣ်, ယဃုယွၤ, ယစုယူာ်ထီၣ်အသးလၢမုၢ်နၤ လၢတၢ်တလီၤဘှံးလီၤတီၤဘၣ်အပူၤ, ဘၣ်ဆၣ်တၢ်မၤမုာ်ထီၣ်က့ၤယၤတသ့ဘၣ်.

စံးထီၣ်ပတြၢၤ 77:2 Iomraidhean Croise

လံာ်တၢ်ကဲထီၣ်အခီၣ်ထံး 32:28

ဒီးပှၤတဂၤန့ၣ်စံးဘၣ်အီၤ, “နမံၤတမ့ၢ်လၢၤဘၣ်စီၤယၤကိာ် ဘၣ်. နဂဲၤပျုၢ်ပြၢလိာ်တ့ၢ်နသးဒီးကစၢ်ယွၤဒီးပှၤကညီ, ဒီးနမၤနၢၤလံတၢ်လံ. အဃိဒီးနမံၤကမ့ၢ်စီၤအံၣ်စရ့လးလီၤ.”

လံာ်တၢ်ကဲထီၣ်အခီၣ်ထံး 37:35

ကယဲၢ်အဖိခွါဒီးအဖိမုၣ်တဖၣ်ဟဲဝဲလၢကမၤမုာ်အီၤအဂီၢ်, ဘၣ်ဆၣ်ဒီးအဝဲဂ့ၢ်လိာ်ကွံာ်တၢ်မၤမုာ်အီၤဒီးစံးဝဲ, “ယကလဲၤလီၤဆူတၢ်သံအကီၢ်ပူၤ, အိၣ်ဒံးဒီးတၢ်သူၣ်အုးသး အုးလၢယဖိခွါအဃိန့ၣ်လီၤ.” အန့ၣ်ဒီးအဝဲဟီၣ်ယၢၤထွဲဒံးဝဲလၢအဖိခွါစီၤယိၤသးအဃိ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:28

တုၤတၢ်သၣ်ဝံၤလီၤဒိအိၣ်ထီၣ်လၢထံဧိၤကီၢ်ဧိၤအပူၤမ့ၢ်ဂ့ၤ, တၢ်ဆါသံသတြိာ်တမံၤမ့ၢ်ဂ့ၤ, တၢ်မုၢ်တၢ်ဘိတဖၣ်ဘၣ်တၢ်မၤဟး ဂီၤအီၤလၢကလံၤကိၢ်မ့တမ့ၢ်ဒွဲၣ်ဧိၤတကံၤဧိၤအဖုအဂီၢ်တဖၣ် မ့ၢ်ဂ့ၤ, ဖဲနပှၤဂီၢ်မုၢ်ဘၣ်တၢ်ထီဒါအီၤလၢအဝဲသ့ၣ်အဒုၣ်အဒါတဖၣ်မ့ၢ် ဂ့ၤ, ဖဲတၢ်ဆူးတၢ်ဆါမ့တမ့ၢ်တၢ်ဆိးက့အိၣ်လၢအဝဲသ့ၣ်အကျါမ့ၢ် ဂ့ၤ,

လံာ်စီၤယိၤဘး 11:13

စီၤယိၤဘးဧၢ, ပာ်လိၤပာ်ဘၣ်က့ၤနသးတက့ၢ်. ယူာ်ဃီၤနသးဆူကစၢ်ယွၤအအိၣ်န့ၣ်တက့ၢ်.

စံးထီၣ်ပတြၢၤ 18:6

လၢယဘၣ်တၢ်ကိၢ်တၢ်ဂီၤအပူၤန့ၣ်ယကိးထီၣ်ယွၤ, ယကိးထီၣ်ယကစၢ်ယွၤလၢတၢ်မၤစၢၤအဂီၢ်လီၤ. လၢအတၢ်လုၢ်ဟံၣ်အပူၤအဝဲနၢ်ဟူယကလုၢ်, အဝဲဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 55:17

မုၢ်ဟါ, ဒီးမုၢ်ဂီၤ, ဒီးလၢမုၢ်ထူၣ်န့ၣ် ယကအုကစွါဒီးယဟီၣ်ယယၢၤ, ဒီးအဝဲကနၢ်ဟူယကလုၢ်လီၤ.

စံးထီၣ်ပတြၢၤ 63:6

ဖဲယသ့ၣ်နီၣ်ထီၣ်က့ၤနၤလၢယလီၢ်မံအဖီခိၣ်, ဒီးယဆိကမိၣ်လၢနဂ့ၢ်နကျိၤသီတနၤကျၢၤန့ၣ်လီၤ.

စံးထီၣ်ပတြၢၤ 86:7

လၢယဘၣ်တၢ်ကိၢ်တၢ်ဂီၤအမုၢ်တနံၤန့ၣ် ယကိးထီၣ်နၤလီၤ. အဂ့ၢ်ဒ်အံၤ, နစံးဆၢယၤလီၤ.

တၢ်ကတိၤဒိ. 18:14

ဖဲနဆူးနဆါအခါန့ၣ်နတၢ်သးဆူၣ်အိၣ်မူ, ဟံးဃာ်ကျၢၤနၤသ့ဝဲ လီၤ. ဘၣ်ဆၣ်တၢ်န့ၣ်မ့ၢ်လီၤမၢ်ကွံာ်န့ၢ်နၤဒီး, နတၢ်မုၢ်လၢ်လၢခံ ကတၢၢ်လၢာ်ကွံာ်ဝဲလီၤ.

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယၡါယၤ 26:9

လၢမုၢ်နၤန့ၣ်, ယသးဆၢန့ၢ်နၤလၢယသးဒီဖျၢၣ်ညါလီၤ. ဖဲနစံၣ်ညီၣ်ဟီၣ်ခိၣ်ဒီးအပှၤဂီၢ်မုၢ်န့ၣ်, အဝဲသ့ၣ်ခဲလၢာ်ကမၤလိန့ၢ်တၢ်စံၣ်ညီၣ်တီမ့ၢ်တၢ်မနုၤလဲၣ်န့ၣ်လီၤ.

လံာ်ယံးရမံယၤ 31:15

ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.

လံာ်ဟိၤၡ့ 5:13

ဖဲကီၢ်အံၣ်စရ့လးထံၣ်ဝဲလၢအဘၣ်ဆူးဘၣ်ဆါ ဒ်လဲၣ်ဒီးကီၢ်ယူဒၤထံၣ်အတၢ်ပူၤလီၢ်ပူၤကျဲဒၣ်ဝဲတဖၣ်န့ၣ် ဒီးကီၢ်အံၣ်စရ့လးလဲၤဝဲဒၣ်ဆူကီၢ်အၤၡူၢ်အအိၣ်လၢကဃ့ တၢ်မၤစၢၤလၢစီၤပၤဖးဒိၣ်အအိၣ်, ဘၣ်ဆၣ်အဝဲဒၣ်ဒုးအိၣ်ဆူၣ်အိၣ်ချ့ထီၣ်အဝဲသ့ၣ်မ့ၢ်ဂ့ၤ, မၤဘျါအဝဲသ့ၣ်အပူၤလီၢ်ပူၤကျဲတဖၣ်မ့ၢ်ဂ့ၤတန့ၢ်ဘၣ်.

လံာ်ဟိၤၡ့ 6:1

ပှၤဂီၢ်မုၢ်စံးဝဲဒၣ်, မ်ပကဃၣ်ကဒါက့ၤပသးဆူယွၤအအိၣ်တက့ၢ်. အဝဲမၤဆါတ့ၢ်ပှၤဘၣ်ဆၣ်အဝဲကမၤဘျါက့ၤပှၤသပှၢ်ကတၢၢ်, အဝဲမၤဘၣ်ဒိဘၣ်ထံးပှၤဘၣ်ဆၣ်ကဘိၣ်ဘံထီၣ်ပပူၤလီၢ်တ ဖၣ်လီၤတမ့ၢ်ဘၣ်ဧါ.

လံာ်ယိၤဟၣ် 11:31

ဖဲပှၤယူဒၤဖိလၢအကတိၤမုာ်ထီၣ်က့ၤအီၤဒီးအိၣ်ဒီးအီၤ လၢဟံၣ်ပူၤတဖၣ်ထံၣ်နီၢ်မၤရံဂဲၤဆၢထၢၣ်ချ့သဒံးန့ၣ်, အဝဲသ့ၣ်ပိာ်ထီၣ်အခံလီၤ. အဝဲသ့ၣ်ဆိကမိၣ်ဝဲလၢအဝဲ ကလဲၤဆူတၢ်သွၣ်ခိၣ်ဒ်သိးအကဟီၣ်ဝဲဖဲန့ၣ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.