စံးထီၣ်ပတြၢၤ 77:19 - Sgaw Karen Common Bible

¹⁹ နလဲၤခီဂာ်လပီတဖၣ် ဒီးနခီဂာ်ပီၣ်လဲၣ်လၢအယိာ်ဝဲ, ဘၣ်ဆၣ်နခီၣ်လီၢ်တဖၣ်တၢ်ထံၣ်န့ၢ်အီၤတသ့ဘၣ်.

စံးထီၣ်ပတြၢၤ 77:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:8

တုၤနုၤတစု, ဟီၣ်ခိၣ်ကနိးကစုာ်ဒီးဟူးဝးဆှဲးဆှိးဝဲ, မူကပိာ်လိၤအခီၣ်ထံးတဖၣ်ဟူးဂဲၤဝဲဒီးကနိးကစုာ်ဝဲ, မ့ၢ်လၢကစၢ်ယွၤအသးဒိၣ်အဃိန့ၣ်လီၤ.

လံာ်စီၤနဃ့မယၤ 9:11

နမၤတ့ၢ်ကျဲတဘိလၢနပှၤဂီၢ်မုၢ်အဂီၢ်လၢပီၣ်လဲၣ်ပူၤ ဒီးဆှၢခီဖျိအဝဲသ့ၣ်လၢဟီၣ်ခိၣ်ဃ့အလိၤန့ၣ်လီၤ. ပှၤတဖၣ်လၢအလူၤအဝဲသ့ၣ်န့ၣ်လီၤအုးကွံာ်လၢထံယိာ်အပူၤ ဒ်လၢၢ်တဖျၢၣ်လီၤဘျၢကွံာ်လၢပီၣ်လဲၣ်လၢအလပီဒိၣ်အပူၤအသိး န့ၣ်လီၤ.

လံာ်စီၤယိၤဘး 23:14

အဂ့ၢ်ဒ်အံၤ, အဝဲကမၤလၢထီၣ်ပှဲၤထီၣ်အတၢ်တိာ်ပာ်လၢယဂီၢ်, ဒီးတၢ်တိာ်ပာ်ဒ်န့ၣ်အသိးတဖၣ်အိၣ်ဝဲအါမးလၢအသးပူၤန့ၣ် လီၤ.

လံာ်စီၤယိၤဘး 36:29

တၢ်အၢၣ်တဖၣ်သုးအလီၢ်ဒ်လဲၣ်မ့ၢ်ဂ့ၤ, လီသီၣ်လၢမူကပိာ် လိၤဖဲကစၢ်ယွၤအိၣ်ဝဲအလီၢ်ဒ်လဲၣ်မ့ၢ်ဂ့ၤပှၤတသ့ၣ်ညါဘၣ် နီတဂၤဘၣ်.

စံးထီၣ်ပတြၢၤ 104:32

အဝဲကွၢ်လီၤဟီၣ်ခိၣ်ဒီးဟီၣ်ခိၣ်ဆှဲးဆှိးဝဲ, အဝဲထိးဘၣ်ကစၢၢ်ကလိဒီး မ့ၣ်အူလုၣ်ခုၣ်ထီၣ်ဝဲလီၤ.

စံးထီၣ်ပတြၢၤ 29:10

ယွၤဆ့ၣ်နီၤပၢတၢ်လၢထံလုၣ်ဘၢတၢ်အဖီခိၣ်, ယွၤ, စီၤပၤလီၤထူလီၤယိာ်ဆ့ၣ်နီၤပၢတၢ်လီၤ.

စံးထီၣ်ပတြၢၤ 97:2

တၢ်အၢၣ်တဖၣ်ဒီးတၢ်ခံးတၢ်နၤအိၣ်ဝးတရံးအီၤ, အဝဲပၢတၢ်လၢတၢ်တီတၢ်လိၤဒီး တၢ်စံၣ်ညီၣ်တီန့ၣ်လီၤ.

စံးထီၣ်ပတြၢၤ 97:4

အလီဝၢ်ဒံးတဖၣ်မၤကပီၤထီၣ်ဟီၣ်ခိၣ်, ဟီၣ်ခိၣ်ထံၣ်ဝဲဒီးဆှဲးဆှိးဝဲလီၤ.

လံာ်တၢ်ဟးထီၣ်ကွံာ် 14:28

ထံဟဲက့ၤကဒါက့ၤဒီးလုၣ်ဘၢကွံာ်လ့ၣ်ကဟၣ်ဒုးသုးတဖၣ်, ပှၤနီၣ်တၢ်တဖၣ်ဒီးကယဲၢ်ပှၤအဲၤကူပတူးအသုးမုၢ်လၢအလူၤထွဲ ပှၤအံၣ်စရ့လးဖိတဖၣ်အခံဆူပီၣ်လဲၣ်ပူၤန့ၣ်လီၤ. ပှၤတဂၤဒၣ်လဲာ်တအိၣ်တ့ၢ်ဘၣ်.

လံာ်တၢ်ဟးထီၣ်ကွံာ် 19:18

ကစၢၢ်စံၤနါဒီဖျၢၣ်ညါဘၣ်တၢ်ကးဘၢအီၤလၢမ့ၣ်အူလုၣ်န့ၣ် လီၤ. အဂ့ၢ်ဒ်အံၤယွၤဟဲလီၤလၢအဒီခိၣ်လၢမ့ၣ်အူအပူၤန့ၣ်လီၤ. မ့ၣ်အူလုၣ်ခုၣ်ထီၣ်ဝဲဒ်မ့ၣ်အူလုၣ်လၢဖၣ်ကပူၤအသိးဒီးပှၤဂီၢ် မုၢ်ကနိးကစုာ်ဒိၣ်ဒိၣ်ကလဲာ်လီၤ.

လံာ်ဃဘးကူာ် 3:15

နယီၢ်တံၢ်လီၤပီၣ်လဲၣ်လၢနကသ့ၣ်တဖၣ်, ဒီးထံမိၢ်ပှၢ်အသဘှဲထီၣ်ဝဲလီၤ.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.