စံးထီၣ်ပတြၢၤ 77:12 - Sgaw Karen Common Bible

¹² ယကဆိကမိၣ်ထီၣ်က့ၤကယဲၢ်တၢ်လၢနမၤတ့ၢ်ခဲလၢာ် ဒီးနစိနကမီၤအတၢ်ဖံးတၢ်မၤတဖၣ်န့ၣ်လီၤ.

စံးထီၣ်ပတြၢၤ 77:12 Iomraidhean Croise

စံးထီၣ်ပတြၢၤ 104:34

မ်ယတၢ်ဆိကမိၣ်န့ၣ်ဘၣ်အသးတက့ၢ်. ဒီး, ယကသးခုလၢယွၤအပူၤလီၤ.

စံးထီၣ်ပတြၢၤ 105:2

သးဝံၣ်ထီၣ်အီၤ, သးဝံၣ်စံးထီၣ်ပတြၢၤအီၤတက့ၢ်. တဲဖျါထီၣ်ကယဲၢ်အတၢ်မၤလီၤလး ခဲလၢာ်န့ၣ်တက့ၢ်.

စံးထီၣ်ပတြၢၤ 105:5

သ့ၣ်နီၣ်ထီၣ်က့ၤတၢ်လီၤလးတဖၣ်လၢအမၤတ့ၢ်ဝဲ, အတၢ်မၤလီၤလးတဖၣ်, ဒီးတၢ်စံၣ်ညီၣ်လၢ အဟ့ၣ်လီၤဝဲန့ၣ်တက့ၢ်.

စံးထီၣ်ပတြၢၤ 119:52

ယွၤဧၢ, ယသ့ၣ်နီၣ်ထီၣ်က့ၤနတၢ်စံၣ်ညီၣ်တဖၣ်လၢပျၢၤ ဒီးတၢ်သ့ၣ်တဖၣ်အံၤမၤမုာ်ထီၣ်က့ၤယၤလီၤ.

စံးထီၣ်ပတြၢၤ 143:5

ယသ့ၣ်နီၣ်ထီၣ်က့ၤမုၢ်နံၤမုၢ်သီလၢ အပူၤကွံာ်သ့ၣ်တဖၣ်, ယဆိကမိၣ်ထီၣ်က့ၤတၢ်ဂ့ၢ်လၢနမၤတ့ၢ်ခဲလၢာ်, ယသးဆိကမိၣ်ထီၣ်က့ၤ နတၢ်မၤခဲလၢာ်သ့ၣ်တဖၣ်န့ၣ်လီၤ.

စံးထီၣ်ပတြၢၤ 145:11

အဝဲသ့ၣ်ကကတိၤနဘီနမုၢ် အလၤကပီၤအဂ့ၢ်အကျိၤ, ဒီးကစံးဘၣ်တဲဘၣ်နစိနကမီၤအဂ့ၢ်အကျိၤ,

စံးထီၣ်ပတြၢၤ 145:4

ပှၤတစိၤကစံးထီၣ်ပတြၢၤနတၢ်မၤလၢပှၤတစိၤဒၣ်, ဒီးနကဒုးနဲၣ်နတၢ်မၤအဒိၣ်တဖၣ်လီၤ.

စံးထီၣ်ပတြၢၤ 71:24

ဒီးယပျ့ၤကစံးကတိၤနတၢ်တီတၢ်လိၤ အတၢ်မၤစၢၤသ့သ့တနံၤလီၤ. အဂ့ၢ်ဒ်အံၤ, ပှၤလၢအဃုမၤဟးဂီၤယၤတဖၣ်န့ၣ် အမဲာ်ဆှးဒီးဘၣ်တၢ်ပာ်မဲာ်ဆှးအီၤလီၤ.

လံာ်ယၡါယၤ 63:11

အန့ၣ်တစု, အဝဲသ့ၣ်သ့ၣ်နီၣ်ထီၣ်က့ၤတၢ်လၢအပူၤကွံာ်, မုၢ်နံၤတဖၣ်လၢယွၤအခ့အပှၤစီၤမိၤၡ့အစိၤဒီးအဝဲသ့ၣ်သံကွၢ်တၢ်, “ယွၤလၢအအုၣ်က့ၤခီၣ်က့ၤအပှၤဂီၢ်မုၢ် အခိၣ်အနၢ်တဖၣ်လၢပီၣ်လဲၣ်ပူၤန့ၣ်, ခဲအံၤအိၣ်ဖဲလဲၣ်. ယွၤလၢအဟ့ၣ်လီၤစီၤမိၤၡ့လၢအသးဒၣ်ဝဲန့ၣ်, အိၣ်ဖဲလဲၣ်.

လံာ်သိၣ်လီၤသီလီၤတၢ် 6:7

သိၣ်လိသီလိသုဖိသုလံၤတဖၣ်န့ၣ်တက့ၢ်. ဖဲသုအိၣ်လၢဟံၣ် ဒီးဖဲသုအိၣ်လၢတၢ်လီၢ်အယံၤ, ဖဲသုအိၣ်ဘှံးဒီးဖဲသုမၤ တၢ်အခါန့ၣ်, ယၢၤထီၣ်ကဒါက့ၤအီၤတက့ၢ်.

လံာ်သိၣ်လီၤသီလီၤတၢ် 7:18

ပျံၤဘၣ်အဝဲသ့ၣ်တဂ့ၤ. သ့ၣ်နီၣ်ထီၣ်တၢ်လၢယွၤ, သုကစၢ်ယွၤမၤတ့ၢ်ဘၣ်ကီၢ်အဲၤကူပတူးအစီၤပၤဒီးအပှၤဂီၢ်မုၢ် ခဲလၢာ်အဂ့ၢ်န့ၣ်တက့ၢ်.

လံာ်သိၣ်လီၤသီလီၤတၢ် 7:19

သ့ၣ်နီၣ်ထီၣ်တၢ်သံသတြိာ်လီၤပျံၤလီၤဖုးတဖၣ်, လၢသုထံၣ်ဘၣ်တ့ၢ်အီၤလၢသုမဲာ်ချံဒၣ်ဝဲ, တၢ်လီၤလးတဖၣ်ဒီးတၢ်လီၤကမၢကမၣ်တဖၣ်, ယွၤသုကစၢ်ယွၤမၤထူၣ် ဖျဲးသုခီဖျိတၢ်စိတၢ်ကမီၤဖးဒိၣ်ဒီးတၢ်ဂံၢ်ဆူၣ်ဘါဆူၣ်န့ၣ်တက့ၢ်. ဒ်ကျဲတဘိဃီလၢယွၤမၤဟးဂီၤကွံာ်ပှၤအဲၤကူပတူးဖိတဖၣ် အသိးန့ၣ်, အဝဲကမၤဟးဂီၤကွံာ်ကယဲၢ်ပှၤဂီၢ်မုၢ်ခဲလၢာ်အံၤလၢသုပျံၤဘၣ် အီၤခဲအံၤန့ၣ်လီၤ.