စံးထီၣ်ပတြၢၤ 77:11 - Sgaw Karen Common Bible

¹¹ ကစၢ်ယွၤဧၢ, ယကသ့ၣ်နီၣ်ထီၣ်က့ၤနတၢ်မၤဖးဒိၣ်တဖၣ် ဒီးယကစံးဘၣ်တဲဘၣ်တၢ်မၤလီၤလးတဖၣ်လၢ နမၤတ့ၢ်လၢအပူၤကွံာ်န့ၣ်လီၤ.

စံးထီၣ်ပတြၢၤ 77:11 Iomraidhean Croise

လံာ်တၢ်ကဲထီၣ်အခီၣ်ထံး 24:63

ဒီးဖဲမုၢ်ဟါလီၤသီသီအကတီၢ်န့ၣ်အဝဲဟးထီၣ်ဒ်သိးကဟးကသုၣ် ကသီလၢစံာ်ပျီပူၤဒီးထံၣ်ဝဲကီၤလၤအူးတဖၣ်ဟဲဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:12

သ့ၣ်နီၣ်ထီၣ်က့ၤတၢ်မၤလီၤလးတဖၣ်လၢကစၢ်ယွၤမၤတ့ၢ်ဝဲ ဒီးတၢ်စံၣ်ညီၣ်တဖၣ်လၢအဟ့ၣ်ဝဲ,

စံးထီၣ်ပတြၢၤ 105:5

သ့ၣ်နီၣ်ထီၣ်က့ၤတၢ်လီၤလးတဖၣ်လၢအမၤတ့ၢ်ဝဲ, အတၢ်မၤလီၤလးတဖၣ်, ဒီးတၢ်စံၣ်ညီၣ်လၢ အဟ့ၣ်လီၤဝဲန့ၣ်တက့ၢ်.

စံးထီၣ်ပတြၢၤ 111:4

ယွၤတပျဲပသးပ့ၤနီၣ်အတၢ်မၤလီၤလးတဖၣ်န့ၣ်ဘၣ်. အဝဲဒၣ်န့ၣ်သးကညီၤတၢ်ဒီးသးအိၣ်တၢ်လီၤ.

စံးထီၣ်ပတြၢၤ 143:5

ယသ့ၣ်နီၣ်ထီၣ်က့ၤမုၢ်နံၤမုၢ်သီလၢ အပူၤကွံာ်သ့ၣ်တဖၣ်, ယဆိကမိၣ်ထီၣ်က့ၤတၢ်ဂ့ၢ်လၢနမၤတ့ၢ်ခဲလၢာ်, ယသးဆိကမိၣ်ထီၣ်က့ၤ နတၢ်မၤခဲလၢာ်သ့ၣ်တဖၣ်န့ၣ်လီၤ.

စံးထီၣ်ပတြၢၤ 28:5

အဝဲသ့ၣ်တပာ်ဒိၣ်ယွၤတၢ်မၤတဖၣ် ဒီးယွၤအစုအတၢ်ဖံးတၢ်မၤန့ၣ်ဘၣ်. သတးဒီးယွၤကမၤဟးဂီၤကွံာ်အဝဲသ့ၣ် ဒီးတသူၣ်ထီၣ်က့ၤလၢၤအီၤနီတဘျီဘၣ်န့ၣ်လီၤ.

စံးထီၣ်ပတြၢၤ 77:10

အန့ၣ်ဒီးယစံး, “တၢ်လၢအမၤဘၣ်ဒိဆါယၤအဒိၣ်ကတၢၢ် မ့ၢ်ဝဲ, ကစၢ်ယွၤအစိကမီၤတအိၣ် လၢၤဘၣ်န့ၣ်လီၤ.”

စံးထီၣ်ပတြၢၤ 78:11

အဝဲသ့ၣ်သးပ့ၤနီၣ်တၢ်လၢယွၤမၤတ့ၢ်ဝဲ ဒီးတၢ်လီၤလးတဖၣ်လၢ အဒုးနဲၣ်တ့ၢ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

လံာ်ယၡါယၤ 5:12

လၢသုတၢ်အီၣ်အမူးတဖၣ်အပူၤသုအိၣ်ဒီးတနၢ်သီတူၢ်, ဒၢဧိၤမိၤဧိၤ, ပံဧိၤတြၤဧိၤဒီးစပံးထံလီၤ. ဘၣ်ဆၣ်သုတနၢ်ပၢၢ်တၢ်လၢယွၤမၤဝဲန့ၣ်ဘၣ်.