စံးထီၣ်ပတြၢၤ 77:10 - Sgaw Karen Common Bible

¹⁰ အန့ၣ်ဒီးယစံး, “တၢ်လၢအမၤဘၣ်ဒိဆါယၤအဒိၣ်ကတၢၢ် မ့ၢ်ဝဲ, ကစၢ်ယွၤအစိကမီၤတအိၣ် လၢၤဘၣ်န့ၣ်လီၤ.”

စံးထီၣ်ပတြၢၤ 77:10 Iomraidhean Croise

လံာ်စီၤယိၤဘး 42:3

နစံးလၢ, ဖဲယတၢ်သ့ၣ်ညါနၢ်ပၢၢ်တအိၣ်ဘၣ်နီတစဲးန့ၣ်ယသံ ကွၢ်နတၢ်ကူၣ်ဘၣ်ကူၣ်သ့ဘူၣ်ဒ်လဲၣ်. ယကတိၤတ့ၢ်တၢ်လၢ ယတနၢ်ပၢၢ်တဖၣ်အဂ့ၢ်, တၢ်လၢအလီၤလးကဲၣ်ဆိးလၢယဂီၢ် ဒ်သိးယကသ့ၣ်ညါအီၤတဖၣ်အဂ့ၢ်လီၤ.

စံးထီၣ်ပတြၢၤ 116:11

ဒီးဖဲယပျံၤတၢ်ဒီးစံး, “ပနာ်န့ၢ်ပှၤတသ့နီတဂၤဘၣ်” အခါဒၣ်လဲာ်န့ၣ်လီၤ.

စံးထီၣ်ပတြၢၤ 31:22

ယပျံၤတၢ်ဒီးယဆိကမိၣ်ယဲလၢ အဝဲဟီထီၣ်ကွံာ်ယၤလၢအမဲာ်ညါလံန့ၣ်လီၤ. ဘၣ်ဆၣ်တုၤယကိးထီၣ်အီၤလၢတၢ်မၤစၢၤအဂီၢ်န့ၣ်ဒီး နၢ်ဟူယတၢ်ကိးထီၣ်န့ၣ်လီၤ.

စံးထီၣ်ပတြၢၤ 73:22

ယမ့ၢ်ပှၤလၢအသးတပှဲၤဒီး တၢ်သ့ၣ်ညါနၢ်ပၢၢ်တအိၣ်, ယလီၤဂာ်ဒီးဆၣ်ဖိကီၢ်ဖိလၢနမဲာ်ညါလီၤ.

စံးထီၣ်ပတြၢၤ 77:5

ယဆိကမိၣ်တၢ်လၢမုၢ်နံၤလၢပျၢၤတဖၣ်, ယသ့ၣ်နီၣ်ထီၣ်က့ၤနံၣ်ဧိၤလါဧိၤလၢပျၢၤန့ၣ်လီၤ.

လံာ်တၢ်ဟးထီၣ်ကွံာ် 15:6

ယွၤဧၢ, နစုထွဲလီၤလးမးလၢတၢ်စိကမီၤအပူၤလီၤ. မၤဟးဂီၤဒုၣ်ဒါတဖၣ်တုၤအလီၤသဘှံးလီၤ.

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်မၢ်ကူး 9:24

တဘျီဃီပၢ်တဂၤကိးထီၣ်လၢအကလုၢ်ဖးဒိၣ်ဒီးစံးဝဲ, “ယနာ်လီၤ. ဘၣ်ဆၣ်မ့ၢ်တၢ်နာ်လၢအဆံးအစှၤဒံးအဃိ, မၤစၢၤယၤလၢယကအိၣ်ဒီးတၢ်နာ်လၢအအါန့ၣ်တက့ၢ်.”

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.