စံးထီၣ်ပတြၢၤ 76:7 - Sgaw Karen Common Bible

⁷ မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ. တုၤနသးထီၣ်န့ၣ်ဒီး, ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.

စံးထီၣ်ပတြၢၤ 76:7 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:25

ယွၤန့ၣ်ဒိၣ်ဝဲ, ဒီးကြၢးဘၣ်တၢ်စံးထီၣ်ပတြၢၤအီၤဒိၣ်ဒိၣ် ကလဲာ်န့ၣ်လီၤ. အဝဲကြၢးဒိးဘၣ်တၢ်လၤကပီၤဒိၣ်န့ၢ်ဒံးကစၢ်အဂၤတဖၣ်ခဲလၢာ် လီၤ.

လံာ်စီၤဧ့စြၤ 9:15

ယွၤ, အံၣ်စရ့လးအကစၢ်ယွၤဧၢ, နတီဝဲလိၤဝဲ, ဘၣ်ဆၣ်နပျဲအိၣ်မူဒံးပှၤလီၤ. ပအၢၣ်လီၤပတၢ်ကမၣ်လၢနၤ, ပဟဲဆူနခီၣ်ထံးမဲာ်ညါန့ၣ်ပတၢ်ကြၢးဝဲဘၣ်ဝဲတအိၣ်နီတမံၤ ဘၣ်.”

စံးထီၣ်ပတြၢၤ 130:3

ယွၤဧၢ, နမ့ၢ်ကွဲးနီၣ်ပတၢ်ဒဲးဘးတဖၣ်ဒီး မ့ၢ်မတၤပူၤဖျဲးလၢ တၢ်စံၣ်ညီၣ်ကသ့တဂၤလဲၣ်.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

စံးထီၣ်ပတြၢၤ 90:11

မ့ၢ်မတၤဆိကမိၣ်ထီၣ်နတၢ်သးထီၣ်အစိအကမီၤ ဒီးသ့ၣ်ညါတၢ်ပျံၤလၢနတၢ်သးကဲၤထီၣ် ဟဲစိာ်ဝဲသ့န့ၣ်တဂၤလဲၣ်.

လံာ်တၢ်ဟးထီၣ်ကွံာ် 15:1

တုၤနုၤတစု, စီၤမိၤၡ့ဒီးပှၤအံၣ်စရ့လးဖိတဖၣ်သးဝံၣ်တၢ် သးဝံၣ်အံၤဆူယွၤအအိၣ်လီၤ. “ယကသးဝံၣ်ထီၣ်ယွၤလီၤ. အဂ့ၢ်ဒ်အံၤ, အဝဲမၤနၢၤတၢ်အိၣ်ဒီးတၢ်မၤနၢၤအကဟုကညီၢ်ဖးဒိၣ်လီၤ. အဝဲတြူာ်ကွံာ်ကသ့ၣ်တဖၣ်ဒီးပှၤလၢအဒိးအီၤတဖၣ်ဆူပီၣ်လဲၣ်ပူၤလီၤ.

လံာ်တၢ်ဟးထီၣ်ကွံာ် 15:4

အဝဲကွံာ်တ့ၢ်ကွံာ်ကီၢ်အဲၤကူပတူးအသုးမုၢ်ဒီးအလ့ၣ်ကဟၣ်ဒုး သုးတဖၣ်ဆူပီၣ်လဲၣ်ပူၤ, အသုးခိၣ်သုးနၢ်အဂ့ၤကတၢၢ်တဖၣ်လီၤအုးသံလၢပီၣ်လဲၣ်ဂီၤအပူၤလီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

1 ကရံၣ်သူး 10:22

မ့တမ့ၢ်ဘၣ်ဒီး, မ့ၢ်ပအဲၣ်ဒိးမၤသးက့ၣ်ကစၢ်ဧါ. မ့ၢ်ပဆိကမိၣ်လၢပဂံၢ်ပဘါဆူၣ်န့ၢ်ဒံးအီၤတက့ၢ်ဧါ.

လံာ်လီၣ်ဖျါ 14:7

အဝဲကတိၤတၢ်လၢအကလုၢ်ဖးဒိၣ်, “ပျံၤကစၢ်ယွၤ ဒီးမၤလၤကပီၤအီၤဒီးစံးထီၣ်ပတြၢၤအတၢ်ဒိၣ်တၢ်မုၢ် တက့ၢ်. အဂ့ၢ်ဒ်အံၤ, တၢ်ဆၢကတီၢ်ဟဲတုၤလံဝဲလၢ အဝဲဒၣ်ကဘၣ်စံၣ်ညီၣ်ပှၤဟီၣ်ခိၣ်ဖိလံ. ဘူၣ်ထီၣ်ဘါထီၣ်အဝဲလၢအတ့လီၤမူခိၣ်, ဟီၣ်ခိၣ်, ပီၣ်လဲၣ်, ဒီးထံမူထီၣ်ပၢၢ်တဖၣ်န့ၣ်တက့ၢ်.”

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”