စံးထီၣ်ပတြၢၤ 76:6 - Sgaw Karen Common Bible

⁶ စီၤယၤကိာ်အကစၢ်ယွၤဧၢ, တုၤနသိၣ်ဃီၣ်အဝဲသ့ၣ်တဖၣ်န့ၣ်ဒီး ကသ့ၣ်ဒီးပှၤဒိးကသ့ၣ်တဖၣ်လီၤဃံၤသံဝဲန့ၣ်လီၤ.

စံးထီၣ်ပတြၢၤ 76:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:18

တၢ်ဒုးတၢ်ယၤစးထီၣ်ဝဲဒီးပှၤအံၣ်စရ့လးဖိတဖၣ်နီၣ်ကဒါက့ၤ ပှၤစူၤရံဖိအသုးမုၢ်ဆူအလီၢ်ခံန့ၣ်လီၤ. စီၤဒၤဝံးဒီးအပှၤတဖၣ်မၤသံကွံာ်ပှၤစူၤရံဖိအပှၤနီၣ်လ့ၣ်ကဟၣ်ဒုးသုးအဂၤနွံကယၤဒီး ကသ့ၣ်သုးဖိအဂၤလွံၢ်ကလး, ဒီးအဝဲသ့ၣ်မၤဘၣ်ဒိဘၣ်ထံးဒုၣ်ဒါအသုးခိၣ်ကျၢၢ်စီၤၡိဘး လၢအသံဝဲဖဲတၢ်ဒုးပျီအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:35

လၢမုၢ်တနၤန့ၣ်, ယွၤအကလူးတဂၤလဲၤဆူပှၤအၤၡူၢ်ဖိအသူၣ်ဒဲ အလီၢ်ဒီးမၤသံကွံာ်ပှၤသုးဖိအဂၤတကလီၢ်ဃိးကလးဒီးယဲၢ်ကထိန့ၣ်လီၤ. လၢမုၢ်ဆ့ၣ်ထီၣ်တနံၤဂီၤဂီၤန့ၣ်, ဖဲန့ၣ်အိၣ်ထဲပှၤသံစိၣ်တဖၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:21

ယွၤဆှၢလီၤအကလူးတဂၤလၢအမၤသံကွံာ်ကီၢ်အၤၡူၢ်အသုးဖိ တဖၣ်ဒီးအသုးခိၣ်သုးနၢ်တဖၣ်န့ၣ်လီၤ. လၢတၢ်န့ၣ်အဃိကီၢ်အၤၡူၢ်အစီၤပၤဖးဒိၣ်က့ၤကဒါက့ၤဆူ ကီၢ်အၤၡူၢ်လၢတၢ်မဲာ်ဆှးအပူၤန့ၣ်လီၤ. ဘၣ်မုၢ်တနံၤဖဲ အဝဲအိၣ်လၢအကစၢ်အတၢ်လုၢ်ဟံၣ်အပူၤအခါန့ၣ်, အဝဲအဖိခွါတနီၤမၤသံကွံာ်အီၤလၢအဝဲသ့ၣ်အနးတဖၣ်န့ၣ်လီၤ.

စံးထီၣ်ပတြၢၤ 104:7

ဖဲနသိၣ်ဃီၣ်ထံတဖၣ်န့ၣ် အဝဲသ့ၣ်ယွၤလီၤဝဲ, ယွၤလီၤဝဲချ့ချ့ ဖဲအဝဲသ့ၣ်နၢ်ဟူနကိးထီၣ်နတၢ်မၤလိာ်န့ၣ်လီၤ.

စံးထီၣ်ပတြၢၤ 18:15

ယွၤဧၢ, ဖဲနသိၣ်နသီနဒုၣ်နဒါတဖၣ်, ဒီးနသါသဖှိထီၣ်တၢ်ဆူၣ်ဆူၣ်ကလဲာ် လၢတၢ်သးထီၣ်န့ၣ်, ပီၣ်လဲၣ်အခံဒးဖျါထီၣ်ဝဲ ဒီးဟီၣ်ခိၣ်အခီၣ်ထံးတဖၣ် ဘၣ်တၢ်မၤဖျါထီၣ်အီၤန့ၣ်လီၤ.

စံးထီၣ်ပတြၢၤ 80:16

ပဒုၣ်ပဒါတဖၣ်ဒွဲၣ်ကွံာ်အီၤလၢမ့ၣ်အူ, ကူာ်လီၤဃံၤကွံာ်အီၤလံ. ကွၢ်အဝဲသ့ၣ်လၢတၢ်သးထီၣ်အပူၤဒီး မၤဟးဂီၤကွံာ်အဝဲသ့ၣ်န့ၣ်တက့ၢ်.

လံာ်တၢ်ဟးထီၣ်ကွံာ် 15:1

တုၤနုၤတစု, စီၤမိၤၡ့ဒီးပှၤအံၣ်စရ့လးဖိတဖၣ်သးဝံၣ်တၢ် သးဝံၣ်အံၤဆူယွၤအအိၣ်လီၤ. “ယကသးဝံၣ်ထီၣ်ယွၤလီၤ. အဂ့ၢ်ဒ်အံၤ, အဝဲမၤနၢၤတၢ်အိၣ်ဒီးတၢ်မၤနၢၤအကဟုကညီၢ်ဖးဒိၣ်လီၤ. အဝဲတြူာ်ကွံာ်ကသ့ၣ်တဖၣ်ဒီးပှၤလၢအဒိးအီၤတဖၣ်ဆူပီၣ်လဲၣ်ပူၤလီၤ.

လံာ်တၢ်ဟးထီၣ်ကွံာ် 15:10

ဘၣ်ဆၣ်ဒီးယွၤဧၢ, နတၢ်သါထီၣ်တဘီမၤလီၤအုးသံကွံာ်ပှၤ အဲၤကူပတူးဖိတဖၣ်လီၤ. အဝဲသ့ၣ်လီၤဘျၢဝဲဒ်စၢၢ်လၢထံ လီၤပျံၤလီၤဖုးအပူၤအသိးန့ၣ်လီၤ.

လံာ်တၢ်ဟးထီၣ်ကွံာ် 15:21

နီၢ်မံးရယၣ်သးဝံၣ်ထီၣ်တၢ်လၢအဝဲသ့ၣ်အဂီၢ်, “သးဝံၣ်ထီၣ်ယွၤတက့ၢ်. အဂ့ၢ်ဒ်အံၤ, အဝဲမၤနၢၤတ့ၢ်လံ တၢ်မၤနၢၤလီၤကဟုကညီၢ်တမံၤလီၤ. အဝဲကွံာ်လီၤကသ့ၣ်တဖၣ်ဒီးပှၤဒိးအီၤတဖၣ်ဆူ ပီၣ်လဲၣ်အပူၤလီၤ.”

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယံးရမံယၤ 51:39

မ့ၢ်အဝဲသ့ၣ်သးကွံအီၣ်တၢ်အီတၢ်ဧါ. ယကတဲာ်ကတီၤန့ၢ် အဝဲသ့ၣ်တၢ်အီၣ်အမူး တမူးဒီးဒုးအီမူၤအီဘှီးအဝဲသ့ၣ်ဒီး မၤသူၣ်ဖှံသးညီအီၤလီၤ. အဝဲသ့ၣ်ကမံဝဲဒီးတပၢၢ်ထီၣ်နီတစုလၢၤဘၣ်.

လံာ်ယံးရမံယၤ 51:57

ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

လံာ်ယဃ့းစက့လး 39:20

လၢယစီၢ်နီၢ်ခိၣ်န့ၣ်, အဝဲသ့ၣ်ကအီၣ်ကူးအီပှဲၤဒီး ကယဲၢ်တၢ်လၢအဖီၣ်န့ၢ်ဝဲသ့ဒ်ကသ့ၣ်တဖၣ်ဒီးပှၤတဖၣ်လၢ အဒိးအဝဲသ့ၣ်ဒီးပှၤသုးဖိတဖၣ်ဒီးပှၤဒုးတၢ်ပိာ်ခွါတဖၣ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်နၤဃူၣ် 2:13

ယွၤသ့တၢ်လၢာ်စံးဝဲဒၣ်, “ယမ့ၢ်နဒုၣ်နဒါလီၤ. ယကဒွဲၣ်အူကွံာ်နလ့ၣ်ကဟၣ်ဒုးသုးတဖၣ်လီၤ. နပှၤသုးဖိတဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, ဒီးယကဟံးထီၣ်ကွံာ်ကယဲၢ်တၢ်ခဲလၢာ်လၢန ဟံးန့ၢ်လၢပှၤဂၤတဖၣ်အအိၣ်န့ၣ်လီၤ. ဒီးနပှၤဃ့ၢ်စိာ်ဆှၢတၢ်ကစီၣ်အကလုၢ်န့ၣ်, တၢ်တနၢ်ဟူလၢၤဘၣ်အီၤနီတစုဘၣ်.”

လံာ်နၤဃူၣ် 3:18

ကီၢ်အၤၡူၢ်အစီၤပၤဧၢ, နပဒိၣ်ဖးဒိၣ်တဖၣ်သံလံ, ဒီးနပှၤတူၢ်ဒိၣ်ကီၤဒိၣ်တဖၣ်မံမုာ်ဝဲလီၤထူလီၤယိာ်လံ. နပှၤဂီၢ်မုၢ်တဖၣ်လီၤပြံလီၤပြါလၢကစၢၢ်ခိၣ်ကလိ ကျါဒီးပှၤတအိၣ်ဘၣ်နီတဂၤလၢကကိးကဒါ က့ၤအဝဲသ့ၣ်ဆူဟံၣ်န့ၣ်ဘၣ်.

လံာ်စကၤရယၤ 12:4

ဖဲအဆၢကတီၢ်အဝဲန့ၣ်, ယကမၤပျံၤအဝဲသ့ၣ်အကသ့ၣ်ခဲလၢာ်ဒီးမၤပျုၢ်အပှၤဒိးကသ့ၣ်တဖၣ် လီၤ. ဒီးယကအံးလီၤကွၢ်လီၤကီၢ်ယူဒၤအပှၤဂီၢ်မုၢ်, အဝဲသ့ၣ်အဒုၣ်အဒါတဖၣ်အကသ့ၣ်န့ၣ်, ယကမၤဘျီၣ်ကွံာ်အမဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:12

မၤသးဒ်န့ၣ်ဒီးစီၤဒၤဝံးဟံးန့ၣ်ဘီဒီးထံကိဖိလၢစီၤစီ လူးအခိၣ်အကပၤလၢစုထွဲတခီပၤ, ဒီးအဝဲဒီးစီၤအဘံၡဲၤဟးထီၣ်ကွံာ်ဝဲဒၣ်လီၤ. တၢ်မၤအသးန့ၣ်ပှၤထံၣ်မ့ၢ်ဂ့ၤ, သ့ၣ်ညါမ့ၢ်ဂ့ၤ, ဖုးသံနီၣ်ထီၣ်ဒၣ်လဲာ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်ကိးဂၤဒဲးမံဘၣ်အသးလၢတၢ်မံယိာ်အပူၤလီၤ. အဂ့ၢ်ဒ်အံၤ, ယွၤဆှၢလီၤတၢ်မံယိာ်လၢအဝဲသ့ၣ်ကိးဂၤဒဲးအလိၤလီၤ.