စံးထီၣ်ပတြၢၤ 76:5 - Sgaw Karen Common Bible

⁵ ပှၤသုးဖိလၢအဒူတဖၣ်ပာ်လီၤတ့ၢ်လံအစုကဝဲၤ, ဒီးအခဲအံၤမံဝဲလၢတၢ်သံအတၢ်မံအပူၤလံ. အဂံၢ်အဘါဒီးအတၢ်သ့တၢ်ဘၣ်ခဲလၢာ် တဂိာ်တသီၣ်လၢၤနီတမံၤဘၣ်.

စံးထီၣ်ပတြၢၤ 76:5 Iomraidhean Croise

စံးထီၣ်ပတြၢၤ 13:3

ယွၤ, ယကစၢ်ယွၤဧၢ, ကွၢ်လီၤယၤ, ဒီးစံးဆၢယၤတက့ၢ်. ဒုးအိၣ်ထီၣ်က့ၤယဂံၢ်ယဘါ, ဒီးတဘၣ်ပျဲယသံတဂ့ၤ.

လံာ်ယၡါယၤ 31:8

ကီၢ်အၤၡူၢ်ကဘၣ်တၢ်မၤဟးဂီၤအီၤလၢတၢ်ဒုးအပူၤ, ဘၣ်ဆၣ်တမ့ၢ်လၢပှၤကညီအတၢ်စိကမီၤဘၣ်. ပှၤအၤၡူၢ်ဖိတဖၣ်ကထွးထီၣ်ဃ့ၢ်ကွံာ်လၢတၢ်ဒုးဒီးအဝဲသ့ၣ် အပှၤသးစၢ်တဖၣ်ကဘၣ်တၢ်ဒုးကဲထီၣ်အီၤလၢကုၢ်တဖၣ်န့ၣ်လီၤ.

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယၡါယၤ 46:12

သုဝဲပှၤလၢအခိၣ်ကိၤဒီးဆိကမိၣ်လၢတၢ်မၤနၢၤအံၤယံၤဒံးဝဲ တဖၣ်ဧၢ, ဒိကနၣ်ယၤတက့ၢ်.

လံာ်ယံးရမံယၤ 51:39

မ့ၢ်အဝဲသ့ၣ်သးကွံအီၣ်တၢ်အီတၢ်ဧါ. ယကတဲာ်ကတီၤန့ၢ် အဝဲသ့ၣ်တၢ်အီၣ်အမူး တမူးဒီးဒုးအီမူၤအီဘှီးအဝဲသ့ၣ်ဒီး မၤသူၣ်ဖှံသးညီအီၤလီၤ. အဝဲသ့ၣ်ကမံဝဲဒီးတပၢၢ်ထီၣ်နီတစုလၢၤဘၣ်.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်နၤဃူၣ် 3:18

ကီၢ်အၤၡူၢ်အစီၤပၤဧၢ, နပဒိၣ်ဖးဒိၣ်တဖၣ်သံလံ, ဒီးနပှၤတူၢ်ဒိၣ်ကီၤဒိၣ်တဖၣ်မံမုာ်ဝဲလီၤထူလီၤယိာ်လံ. နပှၤဂီၢ်မုၢ်တဖၣ်လီၤပြံလီၤပြါလၢကစၢၢ်ခိၣ်ကလိ ကျါဒီးပှၤတအိၣ်ဘၣ်နီတဂၤလၢကကိးကဒါ က့ၤအဝဲသ့ၣ်ဆူဟံၣ်န့ၣ်ဘၣ်.