စံးထီၣ်ပတြၢၤ 75:4 - Sgaw Karen Common Bible

⁴ ယစံးဘၣ်ပှၤအၢပှၤသီတဖၣ်လၢ အသုတပာ်ကဖိအသးလၢၤတဂ့ၤ

စံးထီၣ်ပတြၢၤ 75:4 Iomraidhean Croise

စံးထီၣ်ပတြၢၤ 148:14

အဝဲမၤဆူၣ်ထီၣ်အပှၤကလုာ်အဂံၢ်အဘါ ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 68:3

မ့မ့ၢ်ပှၤတီပှၤလိၤန့ၣ်မ်အသးခုတက့ၢ်. မ်အဝဲသ့ၣ်သူၣ်ဖှံသးညီလၢကစၢ်ယွၤ အမဲာ်ညါတက့ၢ်. မ်အဝဲသ့ၣ်ကိးထီၣ်လၢတၢ်သးခုန့ၣ်တက့ၢ်.

စံးထီၣ်ပတြၢၤ 89:17

နဟ့ၣ်ပှၤလၢ တၢ်မၤနၢၤဖးဒိၣ်တဖၣ် ဒီးလၢနတၢ်အဲၣ်အပူၤန့ၣ် နဒုးမၤနၢၤပှၤတၢ်န့ၣ်လီၤ.

စံးထီၣ်ပတြၢၤ 94:8

ယပှၤဂီၢ်မုၢ်ဧၢ, သုကဲထီၣ်ပှၤဟးဂီၤဖိထဲသိးန့ၣ်ဧါ. သ့ဒ်လဲၣ်. သုကမၤလိန့ၢ်တၢ်အခါဖဲလဲၣ်.

စံးထီၣ်ပတြၢၤ 97:5

ကစၢၢ်ကလိပှံၢ်လီၤဝဲဒ်ဃိးအသိးလၢယွၤအမဲာ်ညါ, လၢဟီၣ်ခိၣ်ဒီဘ့ၣ်ညါအကစၢ်အမဲာ်ညါလီၤ.

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

တၢ်ကတိၤဒိ. 8:5

မ့ၢ်သုတဒိၣ်တုာ်ခိၣ်ပှဲၤဘၣ်ဧါ. မၤလိတၢ်ဒ်သိးသုကဒိၣ်တုာ် ခိၣ်ပှဲၤတက့ၢ်. မ့ၢ်သုသူၣ်တထံသးတဆးဘၣ်ဧါ. မၤလိအိၣ်ဒီးတၢ်သူၣ်ထံ သးဆးတက့ၢ်.

တၢ်ကတိၤဒိ. 9:6

ပာ်တ့ၢ်ကွံာ်ပှၤလၢအတသ့လံာ်သ့လဲာ်အတၢ်အိၣ်ဖှိၣ်ဒီးမူနဲ တက့ၢ်. ပိာ်ထွဲတၢ်သ့ၣ်ညါနၢ်ပၢၢ်အကျဲတက့ၢ်.”

လံာ်စကၤရယၤ 1:21

ယသံကွၢ်အီၤ, “ပှၤတဖၣ်အံၤဟဲမၤတၢ်မနုၤလဲၣ်.” အဝဲစံးဆၢယၤ, “အဝဲသ့ၣ်ဟဲဒ်သိးကမၤပျံၤမၤဖုးဒီးမၤလီၤဃံၤကွံာ်ပှၤ ကလုာ်ဂၤတဖၣ်လၢအဆီၣ်လီၤသဘှံးကွံာ်ကီၢ်ယူဒၤ ဒီးမၤလီၤပြံလီၤပြါအပှၤဂီၢ်မုၢ်လၢာ်လၢာ်ဆ့ဆ့န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.